AVALIACIÓN INDIVIDUALIZADA DE 3º CURSO DE EDUCACIÓN PRIMARIA
Ven de ser publicada no DOG a resolución do 10 de abril de 2018 na que se informa sobre a aplicación das probas da avaliación individualizada de terceiro curso de educación primaria que se realizará os días 23 e 24 de maio, nela participarán todos os centros educativos de Galicia.
Avaliarase a competencia en comunicación lingüística e a competencia matemática. As probas estarán constituídas por cadernos para cada unha das competencias obxecto de avaliación e cuestionarios de contexto dirixidos ás persoas titoras, ao alumnado e ás súas familias e á dirección do centro que se realizará preferentemente en formato dixital.
Esta avaliación ten carácter informativo e orientador para o alumnado e familias, centros e administración educativa.
Informa sobre o progreso de aprendizaxe do alumnado para contribuír a orientar a toma de decisións e o establecemento de medidas encamiñadas á mellora educativa.
Os centros educativos obterán un informe individual cos resultados de cada alumno ou alumna que realizou a proba xeral, que será entregado aos pais, nais ou titorías legais. A persoa titora deberá informar aos pais, nais ou titores legais dos alumnos e alumnas dos resultados da avaliación individualizada.
Para máis información pódense dirixir as titorías correspondentes, a Orientadora, Xefa de Estudos ou á Directora.Tamén hai información na Web do centro: (http://www.edu.xunta.es/centros/ceipxesusgolmar/.
