CEIP Xesús Golmar

"ERIXINDO O CASTELO DA EDUCACIÓN: CLAVES PARA POTENCIAR AS RELACIÓNS PATERNO-FILIAIS"

 Para un mellor coñecemento que nos permita levar a cabo actuacións educativas e de prevención que estean abaladas por estudos científicos e que poidan resultar eficaces na súa aplicación:

O vindeiro martes 21 de marzo ás 17:30 celebrarase unha conferencia no CEIP Xesús Golmar baixo o título "Erixindo o castelo da educación: Claves para potenciar as relacións paterno-filiais", ofrécense unha serie de estratexias e prácticas educativas que, baseadas tanto na investigación como na práctica no ámbito da prevención, mostraron a súa eficacia á hora de fomentar a relación positiva entre as nais e os pais coas súas fillas e os seus  fillos, o reforzo da conduta positiva, o establecemento de límites etc.

Será impartida por Laura López-Romero, doutora en Psicoloxía Clínica e Psicobioloxía pola USC, e integrante do grupo UDIPRE.

Indicar tamén, que a conferencia está enmarcada dentro do proxecto ELISA (Estudo Lonxitudinal para unha Infancia Saudable), no que participa o centro e que leva a cabo a Universidade de Santiago de Compostela sendo unha das responsables a doutora Laura López-Romero.

Convidamos a toda a comunidade educativa e á sociedade en xeral.

Hoxe contamos coa presenza de Carla Fernández Couso a cal fixo presentación do conto "Los zapatos de Mar" e a través do cal nos transmitiu a realidade dos campos de refuxiados e as pateiras.

Este curso estase a traballar a convivencia dende una nova perspectiva coa aplicación do programa TITORÍA ENTRE IGUAIS, e polo que o CEIP Xesús Golmar celebrou o 18 de xaneiro de 2017 o acto de nomeamento dos titores e presentación dos seus titorizados dentro do programa TEI (Titoría Entre Iguais). A finalidade deste proxecto é facilitar a convivencia, mellorar a integración escolar e traballar por unha escola inclusiva e non violenta, fomentando que as relacións entre iguais sexan máis satisfactorias.
O alumnado de 5º de primaria titorizará emocionalmente ao alumnado de 3º orientando a súa acción á prevención do abuso de poder e na resolución de conflitos e á creación dunha cultura da non violencia.
O acto estivo presidido pola emoción, os nervios e a ilusión, posto que ninguén sabía como quedaría agrupado o alumnado. Antes de chegar a este punto leváronse a cabo diversas actividades de formación e sensibilización para que cada titor soubera cales serían as súas responsabilidades e competencias e o titorizado coñecera as oportunidades que este programa lle pode brindar en canto á súa tranquilidade e integración no centro.
Os obxectivos do Programa TEI poderíamos sintetizalos en:
•   Concienciar e sensibilizar  a comunidade educativa sobre os efectos da violencia e informar sobre as consecuencias persoais, sociais e educativas que este fenómeno comporta.
•    Facilitar o proceso de integración do alumnado hacia una escola inclusiva.
•   Crear un referente (titor/a) para favorecer a autoestima e diminuír a inseguridade que provocan os espazos e as situacións descoñecidas.
•    Formar ao alumnado como suxeito dinámico da convivencia, na prevención da violencia e o acoso escolar.
•   Compensar o desequilibrio de poder e forza propio da violencia e o acoso desde unha perspectiva preventiva e disuasoria.
•   Integrar a “TOLERANCIA CERO” respecto á violencia e maltrato, como un trazo de identidade do centro.
Ademais seguimos  a traballar a convivencia en colaboración con outras entidades oficiais, tanto co Concello como coa Consellería, a través de Pantallas Amigas e do Plan Director, contando tamén, coa colaboración da ANPA do centro, xa que consideramos que é unha tarefa na que deben participar todas as persoas.

Premer na imaxe para ver o contido