CEIP Xesús Golmar

Desde o CEIP Xesús Golmar quixemos organizar un emotivo acto en torno á figura do mestre, xornalista e alcalde republicano que dá nome ao centro. Ademais presentouse una caricatura con el de protagonista, obra do ilustrador Héitor Picallo, que será empregada como imaxe corporativa do colexio. Contamos coa participación do propio autor, xunto con Charo Golmar, ata fai pouco tempo mestra deste centro e filla do político lalinense, que mostrou emocionada a súa gratitude polo recordo constante ao seu pai expoñendo ademais detalles de outro logotipo creado por Paco Lareo, no que se describen mediante múltiples simbolismos a figura de Golmar. Tamén participaron Xosé Luna, outro antiguo docente así coma as tres últimas directoras, Susana Godoy, María Xesús Froiz e Chus López Campos.

Os nenos e nenas de 6º de Educación Infantil do CEIP Xesús Golmar de Lalín  por fin chegan á praza do Obradoiro despois de levar todo o curso peregrinando co Proxecto Vexo Veo Xacobeo.

 Florencio Delgado Gurriarán

Pandeirada (Galicia Infinda, 1963)

Nenas, vinde á pandeirada,
que sinto, no peito, o adufe
do meu desexo, rapazas.

Os ollares churrusqueiros
son mans a bater no adufe
que anda a soar no meu peito.

Nenas, vinde á pandeirada,
a pór acordes co adule
es ferreñas das risadas.

(¡Estoupe, que estoupe, que estoupe o pandeiro;
nas bocas froridas que estoupen os beixos;
estoupen os risos e os salaios ledos;
estoupe o xustillo, gaiola dos peitos!)

Ledicia da pandeirada:
arcos-peitos, branco-adufe,
frechas-tentacións o rachan.

Eléitrico de desexos
vai esteupar meu adufe
co bater dos vosos beizos.

Ledicia da pandeirada:
acordes co meu adufe
vosas ferreñas, rapazas.

(¡Tanxe, que tanxe, nena rebuldeira,
coas mans que buligan coma volvoretas.
Tanixe, que tanixe, tamén eu tanxera
a bicos, o adufe da boca bermella!)

Para celebrar o día do libro enchemos os corredores do centro de "personaxes lectores moi diversos:bonecos lectores, xornalistos, monicreques...."