Skip to Content

Benvida

 

Web do Espazo abalar Acceso á E-Dixgal Concello Educación Servizo de Videoconferencia Webex
Blog da Biblioteca

Obxectos Perdidos

Ven, 2019-06-07 13:44 — miguel

 

Ponse en marcha unha nova sección na nosa web; obxectos perdidos. Clicando na icona da barra lateral esquerda da nosa web poderá acceder aos obxectos perdidos que se atopan na conserxería do colexio.

 

Biólogos por unha mañá

Este martes 3 de xuño o alumnado de terceiro acudiu á Aula da Natureza de Oira para participar na actividade “Caderno de campo”, da man de Stella Estrada, da Concellaría de educación de Ourense.

O primeiro que fixeron foi aprender a distinguir entre ver e mirar, co obxectivo de facer un estudio polo miúdo dunha árbore autóctona: o carballo ou Quercus robur, como di a comunidade científica.

Descubriron que era aquilo das familias das árbores, analizaron as súas particulariedades e puxeron en acción todo o aprendido no propio bosque forestal de Oira.

Foi unha xornada moi motivante  que os deixou con gañas de seguir investigando! Aula da natureza

Antón Fraguas. Letras Galegas 2019

Acto das Letras Galegas.

  • Lectura sobre a vida  e traxectoria de Antón Fraguas Fraguas.
  • Interpretación por parte dos alumnos/as de 5º de infantil a lenda  "O Grúfalo" de Julia Donaldson.
  • Canción "Vai sair o tren" de Xoán Curiel. Canta, Miña Pedra, Canta. Homenaxe a Antón Fraguas.
  • "Casamento da pulga".
  • O Himno Galego.

Todas as actividades no blog da Biblioteca: A sombra do Érbedo

VISITA Á GRANXA KIRIKO

Mar, 2019-05-21 10:49 — isa

O alumnado de Educación Infantil, xunto coas súas profes, foron de excursión a esta granxa escola situada en Fornelos de Montes (Pontevedra). Co fin de fomentar o contacto coa natureza, disfrutar das actividades programadas como o acercamento aos animais, visita ó horto , plantación de sementes, taller de cociña para facer galletas e xantar nun entorno natural moi agradable

 

Exposición "Leonardo da Vinci: Os rostros do xenio"

Leonardo da Vinci, os rostros do xenio no Pazo das Alfaias en Madrid

Exposición conmemorativa do V centenario do seu falecemento.

De visita cultural:  O martes, día 14 de maio, os rapaces e rapazas de 6º, tiñamos unha cita con Leonardo; unha oportunidade para coñecer ao pintor, escultor, inventor, en definitiva, un home adiantado ao seu tempo.

A parte das súas obras máis coñecidas como son  os cadros de A Adoración dos Magos, Mona Lisa, A Última Cea..., ou O Home de Vitruvio, un estudo sobre a proporción humana;  sorprendéronnos os seus cadernos, cheos de investigacións sobre mecánica, anatomía (debuxos que semellan radiografías do corpo humano), enxeñería militar, topografía, hidráulica...

As páxinas están escritas de dereita a esquerda e en espello "escritura especular",  cheas de debuxos e notas  nas que se aprecia o seu esforzo por entender o funcionamento da natureza e do corpo humano.

Tamén ideou unha serie de inventos como máquinas voadoras (o ornitóptero), o paracaídas, o primeiro traxe de buzo, a hélice, un tambor mecánico... 

No noso percorrido polas distintas salas, atopámonos con Christian Gálvez, comisario da exposición e membro do Leonardo DNA Project como experto mundial na figura de Leonardo da Vinci

Esta actividade pecha o proxecto Viaxamos a Italia, desenvolvido dende a biblioteca do centro durante o 1º trimestre.

Radio Escolar. Antón Fraguas

Podcast dedicado a Antonio Fraguas

durante a gravación

bibliotecas escolares - radio na biblioEsta é a nosa humilde homenaxe a Antón Fraguas, escritor, etnógrafo, historiador..., e tamén colaborador da Unión Radio Galicia que é recoñecido este 2019 no Día das Letras Galegas.

Os alumnos/as de 5º EP realizaron un traballo de investigación sobre os Tesouros ocultos de Ourense en relación á auga, ditos, lendas e personaxes máxicos que as habitan.

Coa información recollida elaboramos a escaleta ou guión.

Proxecto colaborativo enfocado a salientar a riqueza do patrimonio material e inmaterial do contorno: traballo de investigación sobre as termas e os personaxes máxicos que habitan os ríos.

Con este arquivo sonoro participamos na Convocatoria do I Concurso de Podcasts - Radio na biblio convocado pola Dirección Xeral de Centros e Recursos Humanos en colaboración coa Radio galega (CRTVG), no contexto do PLAN LIA de Bibliotecas Escolares (Lectura, Información e Aprendizaxe).

Escoita tamén o Podcast sobre NATUREZA E CAMBIO CLIMÁTICO

Fontes consultadas:

http://primaveradasletras.gal/category/fichas-didacticas/

Sing for the Climate

Actividade interdisciplinar Lingua Inglesa, música, plástica e robótica

Todo comenzou con Greta Thunberg, a moza sueca de 16 años, símbolo das protestas polo clima. "Non deberiamos ter que faltar a clase por loitar contra o cambio climático"

O xoves, 11 de abril, acudimos á chamada do CEIP O Couto, para unirnos a unha manifestación pola defensa do planeta e contra o cambio climático.

Na Praza Maior compartimos os nosos cantos e peticións cos colexios de O Couto, Irmáns Villar, Curros Enríquez, As Mercedes e Mestre Vide.  Uns 500 rapaces e rapazas coas súas pancartas en prol dun desenvolvemento sostible e sobre todo cantando coa ilusión de axudar a reverter a situación do planeta.

ExpokNewsQUE PODEMOS FACER NÓS PARA PREVIR OU REVERTER O CAMBIO CLIMÁTICO?

Moitos slogans, escritos en galego e inglés, con boas prácticas para conseguir un desenvolvemento sostible. Todas e todos podemos:

Reducir a cantidade de lixo, reusar e reciclar.

Evitar o uso de bolsas de plástico e produtos sobreenvasados.

Usar a bici e camiñar máis.

Consumir produtos locais e de tempada...

 

 Todo comeza cunha canción: “CANTA POLO CLIMA” coa música de "Bella ciao"  manifestamos a nosa preocupación polo quentamento global e polo destino do planeta.

Sing for the Climate from Ceip Vistafermosa on Vimeo.

Outras das actividades foi a gravación deste podcast que trata sobre medio ambiente e cambio climático

Día das Artes Galegas. Luis Seoane

A Real  Academia de Belas Artes homenaxea a Luís Seoane, artista multidisciplinar e gran impulsor da cultura galega.

Imos a achegarnos á súa obra coñecendo algunha das súas facetas máis creativas.  

Como escritor e defensor da lingua galega.

Poemas para ilustrar a obra "o Gaiteiro"

poemas o gaiteiro

 
 
 
 
 
 
 
 
 
 
 
 
 
 
 
Reescribindo a Luís Seoane
 
Na súa faceta das artes plásticas

- Interpretación da obra "Bodegón de Peixes", con diferentes técnicas plásticas.

 
 
 
 
 
 
 
 
 
 
 
 
Curso na Aula Virtual : Obradoiro de Plástica. Días das Artes Galegas  (Para acceder, entra como convidado/a)

retrato esguello o gaiteiro
Collage sobre o retrato de Esguello O Gaiteiro
Un gran defensor da música tradicional como se pode apreciar na temática de numerosos cadros e xilografías
Os Fiadeiros: Música tradicional e baile con instrumentos tradicionais: A gaita, a pandeireta e o pandeiro. 
  "Baile"
 
Aproveitamos para coñecer de preto a gaita e algúns, animáronse  a botar algunha peciña.

Obradoiro de Hixiene Bucodental

saúde bucodentalO martes 9 de abril tivemos no cole un obradoiro de hixiene bucodental, organizado polo Concello de Ourense.
O nutricionista Joel Campelo deulle ao alumnado numerosos consellos para seguir cando limpamos os dentes. Rompeu certos falsos mitos e recalcou a importancia de limpar os dentes como prevención de futuras enfermidades bucodentais.

Ti contas! Prevención de incendios forestais

O 27 de marzo tivemos no cole a actividade TI CONTAS, organizada polo Concello de Ourense, sobre a prevención de incendios forestais.

Ti contas

Inma Soto achegou ao alumnado a este tema tan relevante a través de tres interesantes actividades. Comezou contando un conto, no que o corzo Xuri tiña que fuxir do lume en compañía dos seus amigos. Despois, os nenos e nenas convertéronse en auténticos xornalistas escribindo unha noticia sobre un incendio no bosque. Por último, saímos ao patio e gozamos dun xogo na natureza onde tiñamos que ter atentos os cinco sentidos.

 

Distribuir contido


by Dr. Radut