25 N CONTRA A VIOLENCIA DE XÉNERO
A DATA DO 25N É OUTRA DAS CONMEMORACIÓNS QUE NON DEBEMOS DEIXAR PASAR DE LARGO NAS ESCOLAS, SENÓN TRABALLALAS CO ALUMNADO, PORQUE A VIOLENCIA SE PARA CON EDUCACIÓN.
NESTE ANO, PUIDEMOS VOLVER XUNTARNOS (NA DISTANCIA) NO PATIO EXTERIOR, PARA LER UN MANIFESTO DE REPULSA ANTE ESTA LACRA, PARA CANTAR E INTERPETAR, MEDIANTE LINGUAXE DE SIGNOS A CANCIÓN, " A PORTA VIOLETA", DE ROZALÉN , AÍNDA QUE VERSIONADA EN GALEGO POR NÓS.
PARA TRABALLAR SOBRE ESTA TEMÁTICA, EMPREGAMOS COMO REFERENTE E PUNTO DE PARTIDA O CONTO,
"O CHUVASQUEIRO DE AURORA", de María Márquez.
A ESCRITORA NARRA NESTA HISTORIA UNHA SITUACIÓN DE VIOLENCIA, COMPARANDO O MALTRATO, CUN MONSTRUO QUE ACOMPAÑA AO PAI DE AURORA, CANDO VOLVE Á CASA CADA NOITE, PROVOCANDO UN MEDO TERRIBLE NA NENA.
CONTA, DE XEITO IMPLÍCITO, COMO SE VAI SENTINDO A NAI ANTE ESTA SITUACIÓN E COMO, O CHUVASQUEIRO MÁXICO QUE LLE AGASALLOU A NAI A AURORA PARA PROTEXERSE DO MEDO, VAI CAMBIANDO DE COR SEGUNDO OS EPISODIOS DE VIOLENCIA QUE VAI SUFRINDO. ATA QUE UN DÍA PASA ALGO QUE PROVOCA QUE A NAI EXPULSE AO "MONSTRUO" FÓRA DA CASA, E SE ENCHA DE AFOUTEZA PARA RECUPERARSE E VOLVER A VIVIR CON TRANQUILIDADE E A SORRIR.
O ALUMNADO REXISTROU EN PAPEIS MORADOS FRASES E PALABRAS DE REPULSA CONTRA A VIOLENCIA, PARA RECHEAR UN GRAN CHUVASQUEIRO ENTRE TOD@S.
E IGUALMENTE, ELABORÁRONSE UNS CARTEIS MORADOS EN CARTOLINA GRANDE QUE ILUSTRAN AS VENTÁS DOS CORREDORES CON LEMAS E PALABRAS REFRENTES Á TEMÁTICA. ESTE É O QUE CREAMOS NO NOSO GRUPO.
A NIVEL DE AULA, XOGAMOS A CLASIFICAR VERBOS, EN ACCIÓNS POSITIVAS OU NEGATIVAS. CADA CRIANZA TIÑA QUE LER A PALABRA QUE SE LLE ENTREGABA, AO CHOU, E LOGO DECIDIR EN CAL GRUPO A CLASIFICABA SEGUNDO FOSE ALGO BO OU MALO.
TAMÉN COLLEMOS A NOSA BEEBOT, COA QUE TRABALLAR PROGRAMACIÓN, ESTRUTURACIÓN MENTAL DO ESPAZO E ABSTRACIÓN E RAZOAMENTO LÓXICO, AO MESMO TEMPO QUE TRABALLAMOS VOCABULARIO, SÍMBOLOS, Nº DE TELÉFONO, XESTOS E DATAS RELACIONADOS CO 25 N.