CEIP Nosa Señora das Dores

As familias interesadas en solicitar as Becas e Axudas de NEAE deberán presentar a documentación debidamente cumprimentada e asinada no centro dende o 30 de abril do 2024 ata o 13 de setembro do 2024 (ambos inclusive). 

A partires dese momento, o Departamento de Orientación elaborará os informes oportunos e encargarase, xunto coa dirección, de enviar as Becas ao organismo responsable para a súa valoración. 

Prema no seguinte enlace para acceder á convocatoria: 

https://www.educacionfpydeportes.gob.es/servicios-al-ciudadano/catalogo/general/05/050140/ficha/050140-2024.html

Este luns o alumnado de sexto de primaria viviu a súa segunda experiencia a bordo dun barco de piragüismo grazas a participación na actividade “Dragóns Piragüismo”, unha proposta lúdico-deportiva que se integra no “Programa Xogade” da Xunta de Galicia.

#ceipnosasenoradores

#cpinnova:EDUsaúde

#xogade

#planproxecta+

A exposición Senda Litoral de Galicia visita o noso cole coa intención de pór en valor, promover e fomentar o coñecemento do patrimonio, a paisaxe e a natureza do territoro polo que atravesa a Senda. Coa axuda de Rubén coñecemos rochas, area e cunchas de diferentes territorios polos que atravesa esta senda. E, o máis chamativo e especial foron as gafas 3D que nos permitiron trasladarnos por un intre a espazos e áreas paisaxísticas da Senda Litoral de Galicia. 

Participar do Programa XOGADE e do Plan Proxecta+ permítenos contar con varias competicións e encontros deportivos con outros centros educativos e crear unhas verdadeiras xornadas en pro da saúde e do deporte. 

#ceipnosasenoradasdores

#cpinnova:EDUsaúde

#xogade

#planproxecta+

O mércores 3 de abril, despois deste parón de Semana Santa, achegáronse ata o colexio Nuria e Adrián do Centro de Saúde de Forcarei para falarnos sobre hábitos saudables. A través do conto " Os Bolechas educan a Pepiño Chispa" e xogos manipulativos puidemos aprender a preparar o noso Plato Saudable. 

#ceipnosasenoradasdores

#cpinnova:EDUsaúde