Rematamos este curso tan atípico e non queremos esquecernos de festexar con todos vós os actos que todos os fin de curso faciamos. Neste caso referímonos á Graduación. 

Naiara, Nadia, Jorge, Daniela, Laura, Candela, Claudia, Izan, Pablo e Iker xa están viaxando rumbo á Primaria. As mestras e mestres de Primaria teñen moitas gañas de coñecelos e as mestras Isa e Vanessa estrañaranvos moito.

Boa viaxe!

Se premedes encima da imaxe podedes acceder a actuación final destes nenos e nenas. Unha despedida moi especial e agarimosa. 

Coa iniciativa "En Forcarei tamén creamos" quixemos que o noso alumnado puxera en valor a nosa lingua, o galego, creando actividades de lecer e empregando as ferramentas tecnolóxicas, mellorando deste xeito as competencias dixitais e lingüísticas, primordiais nestas idades.

Procuramos o compromiso de todos, tan importante na sociedade na que estamos, e como non, a través da participación activa nestes proxectos, queremos que eles se sintan e se convertan en verdadeiro creadores e construtores. 

O resultado de meses de traballo foi a nosa curta " Maruxa". Chegou o momento de compartila con todos vós. Agardamos sexa do voso agrado. 

A maiores engadimos o making off completo, xa que para presentalo na iniciativa de Nós tamén creamos" tivemos que acortar os tempos.