3 DE DECEMBRO: DÍA INTERNACIONAL DAS PERSOAS CON DISCAPACIDADE

Ven, 12/03/2021 - 05:51

Hoxe, 3 de decembro, Día Internacional das Persoas con Discapacidade, Biblioforte, sen esquecer o lema do presente curso “A biblioteca escolar ten a palabra”(o poder da palabra na narración oral, nas novas oralidades, nos medios de comunicación...) fai fincapé nun dos seus obxectivos fundamentais, a inclusión de toda a comunidade educativa, aumentando a colección de materiais inclusivos e actividades para unha mellor atención á diversidade .

A comunicación cos demais é unha das barreiras ás que se enfrontarán constantemente as persoas con necesidades educativas especiais e con problemas graves de audición e visión.

A linguaxe é a capacidade do ser humano para comunicarse mediante un sistema de signos ou linguaxe para el. A comunicación entre as persoas (transmisión e recepción alternativas de mensaxes entre persoas) realízase predominantemente a través da linguaxe oral, aínda que non exclusivamente xa que para as persoas con discapacidade en moitas ocasións non se pode utilizar estes medios. De xeito que establecen a comunicación por outros medios como o visual (sinais de tráfico, linguaxe de xordomudos ou bandeiras, fotografías, debuxos, xestos, etc.) e táctil (presión coa man ou o pé, lectura dos cegos mediante Braille, etc.).

A este tipo de linguaxes deberemos engadir os sistemas de comunicación aumentativo e alternativo:

-Sistema aumentativo de comunicación (cando si se pode falar con palabras pero podes usar poucas. Así que se necesita un sistema que aumente a nosa linguaxe. De aí sistema aumentativo)aumentativo

-Sistema alternativo de comunicación (usase este sistema cando a persoa non pode falar coas súa voz, así que precisa doutro sistema para comunicarse. Este sistema vai a ser unha alternativa, outra forma ou opción de comunicarse)

A continuación unha selección de materiais que nos invitan a reflexionar sobre a necesidade de comunicarse do ser humano e dos diferentes de sistemas de comunicación.