Na última semana do mes de decembro realizamos o concurso de lectura sobre o libro “O fío vermello” que  é unha obra conmovedora onde An Alfaya é capaz de dirixirse aos nenos de forma directa e intelixente. Unha obra onde pesan os sentimentos, onde cada personaxe está construído con precisión, onde non hai lugar para as concesións e onde os nenos manifestan os seus ideais e intelixencia de xeito rotundo.

Hai libros que se tecen coa intensidade dos sentimentos, que revolucionan o mundo dos nenos, que tinguen o universo de vermello. Iso é o que sucede con O fío vermello, de An Alfaya.

Sinopse:

Un día, Carlo decide illarse na terraza e non saír ata que os adultos que o rodean lle conten a verdade sobre o paradoiro do seu irmán Nicola. Fai xa moitos días que se foi e Carlo comeza a sospeitar que todo o que lle contaron sobre a súa marcha é mentira. Por iso comeza unha singular folga de silencio e illamento.

Elisabeta, unha compañeira de clase bastante calada , acompañará a Carlo no seu encerro. Xuntos descifrarán xeroglíficos numéricos, falarán de astronomía grazas ao caderno do bisavó Enrico e conversarán con Parda, unha tartaruga coa que se comunican mediante un idioma composto por números e sons. Pero hai outro elemento que tamén xogará un decisivo papel na historia: unha madeixa de perlé vermella que se irá desfacendo á vez que Carlo vai descubrindo a verdade sobre o paradoiro do seu irmán.

Na noite das Perseidas, Carlo e Elisabeta vivirán unha experiencia máxica que lles fará recuperar a esperanza sobre o regreso de Nicola e que lles fará comprender que hai cousas que as matemáticas e a lóxica non poden explicar.

Desta volta, igual que fixemos en concursos anteriores, a parella gañadora recibiu como agasallo un exemplar do libro que traballaremos nas próximas semanas na Hora de ler titulado “Herik y Harald, guerreros vikingos” de B. Évano.

A comezos de ano remodelamos a disposición dos diferentes espazos de lectura da nosa biblioteca. Agora dispomos de dous espazos para a lectura dos máis cativos.

Asemade, mudamos de lugar os andeis destinados aos prelectores para que lle fosen máis accesibles os diferentes fondos da biblioteca.

Os andeis de revistas periódicas tamén cambiaron de disposición, así como o recanto da entrada destinado a promocionar as "novedades".

O comenzo dos tempos

Antes da aparición do home na terra, ao principio de todos os tempos, non había nada, nin terra, nin ceo, nin estrelas, nin firmamento. Só existían dous mundos: ao norte, un mundo nebuloso e frío, cuberto de auga xeada; ao sur, un mundo de lume que non deixaba de arder.

Entre estes dous mundos había un gran baleiro. Cando os dous mundos se atoparon, entre si, parte do xeo fundiuse coa calor do lume e desta fusión xurdiu o ser máis grande de todos os tempos; o máis grande de todos os xigantes que xamais existiu e que tiña os dous sexos, é dicir era home e muller á vez. O xigante facíase chamar Ymir. Tivo varios descendentes que brotaban do seu corpo mentres durmía. Del descenden todos os xigantes e ogros.

Desta auga fundida, tamén xurdiu unha enorme vaca, sen cornos, que creou ao antepasado de todos os deuses lambendo o xeo e que se chamaba Buri.

Tres dos netos de Buri: Odín, Vili e Ve enfrontáronse ao xigante Ymir nunha guerra longa e difícil. Ao final resultaron vencedores e cos restos do corpo de Ymir fabricaron a Terra. Coa carne crearon outeiros, terras chas estepas, así como as cuncas dos ríos, os mares e os lagos. Co seu sangue, encheron estas cuncas. Cos seus dentes e os seus ósos, fabricaron rocas e montañas. Co seu pelo, as árbores e os arbustos. Co seu cranio crearon o firmamento.

Coas súas pestanas fixeron unha muralla ao redor do centro do mundo para protexelo dos xigantes. A este lugar puxéronlle o nome de Midgard.

Unha vez que crearon este mundo déronse conta que non sería realmente un mundo mentres non estivese poboado. Buscaron e buscaron pero como non atoparon a ninguén que o habitase. Decidiron, entón, crear ao primeiro home e á primeira muller tallando uns troncos que atoparon na praia. Chamáronlles Ask e Embla.

Para rematar, os tres deuses repartiron o mundo en 9 zonas diferentes, situadas ao longo dun enorme e frondoso freixo chamado Yggdrasil:

• O Asgard (o ceo) onde o deus Odín ten a súa morada e vive acompañado dos deuses aesir. A ponte arco da vella, chamado Bifrost, une Asgard coa terra dos homes (Midgard).
• O reino dos deuses da Paz, onde viven os deuses vanir.
• A terra dos Elfos de luz.
• A terra dos homes. No que temos o noso fogar os homes e as mulleres descendentes de Ask e Embla.
• A terra dos xigantes: no situaron aos xigantes. Prisioneiros e illados por bosques de ferro e anchos ríos que non podían ser cruzados.
• A terra dos ananos, na cal viven baixo as montañas e fabrican extraordinarios inventos para os deuses.
• O mundo tenebroso do xeo e as brumas onde habita o dragón Nidhogg que roe as raíces da árbore.
• O mundo do lume onde habita o xigante Surt que vingará aos deuses na batalla final.
• Debaixo desta Terra está Hel, a terra dos mortos que non mereceron a eternidade xunto aos deuses.

RECURSOS PARA TRABALLAR NA AULA

• Lenda en pdf.
• Lenda en castelán en pdf.

O 5 de outubro tivemos o privilexio de contar coa presenza da poetisa de orixe cubano Leanne Rivera grazas á colaboración do Círculo poético ourensán.

O alumnado do noso centro rendeulle unha pequena homenaxe cos traballos que realizaron nas súas clases ao longo dos días previos á súa visita:

• Coplas de presentación. Alumnado de 5º EP.
• Poema"De vez en cuando". Alumnado de EI.
• Poema "Luz de plata". Alumnado de 1º EP.
• Poema "Presludio". Alumnado de 2º EP.
• Poema "Aquí sigo". Alumnado de 6º EP.
• Agasallo do alumnado de 4º EP.
• Análise das súas frases. Alumnado de 4º EP.

Despois de sometela a unha pequena encerrona, con preguntas de todo tipo sobre a súa vida e obra, Leanne recitounos o poema que tiña preparado para participar nos IX encontros internacionais de poesía que organizou o Círculo poético ourensán.

Na seguinte galería amosamos os principais momentos do encontro coa poetisa.

Leanne Rivera naceu en Cuba, na provincia de Santiago de Cuba, no ano 1979.

De profesión é estilista, pero a súa paixón é escribir poesía.

De nena, xa lle gustaba escribir relatos curtos, poemas e frases. Na actualidade, procura escribir todos os días, aínda que só sexa unha liña e procura anotar todo o que lle pasa pola cabeza, letras que se xuntan, liñas que van crecendo e que se fan poesía dando acougo á súa alma.

Ao longo da súa vida, ten participado en numerosos recitais de poesía.

Ten unha páxina web, co nome de Lúa Negra, onde se publican parte dos seus poemas.

En Facebook pódese seguir na seguinte ligazón...

RECURSOS PARA TRABALLAR NA AULA

• Presentación sobre Leanne Rivera.
• Galería de imaxes das súas frases.
• Poema "Sintonía".
• Un dos seus poemas favoritos.

Este curso, continuamos realizando a Hora de ler todo o alumnado do centro ao mesmo tempo, nunha sesión estipulada no horario escolar lectivo, entre as 12:00 horas e as 12:20 horas, tocando o trimbre do colexio ao inicio e ao final da mesma.

Parte das actividades realizadas ao longo do curso 2017/2018, na Hora de Ler, pódense ver na seguinte ligazón:

• http://www.edu.xunta.gal/centros/ceipmanuelsueiro/taxonomy/term/86

Premendo nas seguintes imaxes podemos ver un resumo das actividades realizadas por cada curso:

• 4º e 5º de Ed. Infantil.

• 6º de Ed. Infantil.

• 1º de Ed. Primaria.

• 2º de Ed. Primaria.

• 3º de Educación Primaria.

• 4º de Educación Primaria.

• 5º de Educación Primaria.

• 6º de Educación Primaria.

O alumnado de Ed. Infantil, este curso continuou levando para as súas casas as bolsas do programa "Libros que van e veñen".

Estas permanecen no seu domicilio unha semana, facéndose a renovación dos libros os venres. Cada unha delas inclúe un libro en galego ou castelán escollido polo alumnado e un caderno para que, coa axuda dos seus familiares, debuxen e/ou escriban o que lles "digan" os libros.

Queremos agradecer ás familias dos máis caivos a súa imlicación nesta actividade destinada a que acompañen aos seus fillos no proceso lector e lles sirvan de modelo e guía nos momentos de lecer.

O traballo comezou a mediados do mes de setembro seleccionado os libros nos que o tema central é “O traballo en equipo” “A amizade” “As relacións persoais” “Superación de dificultades”. Os libros seleccionados para todo o curso escolar son os seguintes:

• “Que vienen los dinosaurios”.
•  “Insu-Pu: la isla de los niños perdidos“.
• “Sito Kesito y su robot gigantesco”.
• “Detective en chanclas”.
• “El club de los raros”.
• “El libro de Hanna”.
• “Donde nace el sol”.
• “Siete reporteros y un periódico”.

Ademais de estes libros, é importante destacar a lectura das seguintes páxinas de internet que nos axudaron a traballar en equipo e que as relacións na aula fosen mellor.

• “Reglas del ajedrez y conceptos básicos”. 
• “Reglas de las damas”. 
• “Reglas del parchís ”. 
• “Reglas del dominó”. 

1º TRIMESTRE:

Os libros seleccionados foron os seguintes:

• “Detective en chanclas”.
• “Siete reporteros y un periódico”.
• “El club de los raros”.

A partir do inicio da lectura do libro “Siete reporteros y un periódico” permitiunos centrar a actividade que se ían realizar durante o mes de outubro, neste caso a visita o día  6 de outubro da autora Irma Ruth del Ángel. Desta forma o alumando de 5º de Educación Primaria non só exerceron de entrevistadores coa autora, senón que tamén organizaron e deseñaron 4 paneis nos que se relataba a vida e obra de Irma Ruth del Ángel.

O segundo dos libros “Detective en chanclas” e “El club de los raros” permite centrar a actividade realizada na 3º semana do mes de novembro a cal consistía en identificar e coñecer as necesidades dos nosos compañeiros/as do CEIP Manuel Sueiro. Na hora de ler nos permitiu establecer cales eran os indicadores para poder saber o que buscábamos sendo bos detectives.

2 º TRIMESTRE:

Neste trimestre centrámonos nos seguintes dous libros:

• “Que vienen los dinosaurios”.
• “Sito Kesito y su robot gigantesco”.

Ademais de estes libros, é importante destacar que neste segundo trimestre o interese do alumnado nos xogos de mesa, sobre todo cando remataban as tarefas de aula o cal tiven que reorientar a hora de ler buscando as seguintes páxinas que lle serviron para fomentar o traballo en equipo e colaborativo. O primeiro polo que se interesaron foi polo parchís e logo polas damas. As páxinas web traballadas son as seguintes:

• “Reglas del parchís ”. 
• “Reglas de las damas”.

A partir do inicio da lectura do libro “Sito Kesito y su robot gigantesco” permitiunos centrar a actividade e a decisión da máscara do Entroido que se ía a celebrar o 9 de febreiro, neste caso, a decisión final foi a de ir disfrazados de minions.

3º TRIMESTRE:

No terceiro trimestre a lectura centrouse nos seguintes dous libros:

• “El libro de Hanna”.
• “Donde nace el sol”.

Ademais de estes libros, é importante destacar o interese polos xogos de mesa que permitía alcanzar un dos obxectivos prioritarios do PDI: O traballo en equipo fomentando a relacións persoais e a comunicación. A lectura neste trimestre centrouse nas seguintes páxinas de internet que nos axudaron a traballar en equipo e que as relacións na aula fosen mellor.

• “Reglas del ajedrez y conceptos básicos”. 
• “Reglas del dominó”. 

As actividades realizadas no terceiro trimestre céntranse no libro lido no primeiro trimestre “Siete reporteros y un periódico” o cal segue permitíndonos centrar as diversas actividades que se ían realizar durante este terceiro trimestre, neste caso: 

• O día da poesía o 21 de marzo. 
• O día da auga e das árbores o 23 de marzo.
• A elaboración da receite dentro do concurso de Chefs Saudables.
• A reportaxe da obra de teatro de Bande o 15 de maio.
• A reportaxe da actividade da Insua do Poetas o 21 de maio.
• A configuración e gravación do telexornal no mes de xuño.

O desenvolvemento das actividades ao longo do curso tivo aspectos positivos e negativos xa que a xestión de traballos en equipo implica que a motivación, establecer obxectivos comúns e o entendemento entres os diferentes membros dos equipos son complexas. 

Como aspectos positivos, o aumento das relacións entre o alumnado establecido a través da lectura, non so dos libros senón tamén a través das páxinas webs que permitiron coñecer cales son las regras dos diferentes xogos de mesa: parchís, damas, xadrez e dominó.

Como conclusión, destacar que cando as persoas traballan en equipo, é indiscutible que se melloran os resultados. A valoración do traballo en equipo foi en aumento ata o punto de pasar, dunha estratexia de motivación e de resolución de problemas, a darlles capacidade para tomar decisións, planificar e conducir os mesmos procesos dos que son protagonistas.

Ao longo deste curso, na aula de 4º de Ed. Primaria, levamos a cabo diversas actividades de animación á lectura no tempo destinado á Hora de ler.

Limos na aula o libro “DELFINES  AMIGOS” e traballamos a comprensión lectora do mesmo axudando aos alumnos/as extraer as ideas principais.

Levamos a cabo “CONCURSOS DE LECTURA”. Limos na aula en voz alta RITA Y LADRONES DE TUMBAS”. Fixemos preguntas de cada capítulo que entraban a concurso dando os puntos correspondentes a cada participante que as contestase correctamente anotándoos nunha lista. O concursante que acadou máis puntos ao final da lectura dos libros conseguiu un agasallo que consistiu nun libro.

Traballamos o poema “A Margarita Debayle” memorizando as súas estrofas para poder recitalo.

Outra das actividades consistiu na lectura do libro “¿Quién usa las papeleras”?.

Ademais, como estamos a participar no proxecto de meteoescolas, do plan Proxecta, tamén limos unha serie de libros relacionados coa meteoroloxía:

• Las tormentas.
• Los instrumentos.
• Los meteoros
• El niño
• La luz
• La atmósfera
• El agua
• El viento

A partir do libro da atmosfera, grabamos un video  sobre o aire . Para que serve o aire?

Ademáis tamén traballamos:

• A poesía e a vida de Irma Ruth Del Ángel.
• Día da Paz, Día do Libro
• O Día da poesía, 21 de marzo.
• Este ano, o Día do libro celebrámolo xunto co alumnado do CIFP Portovelo, nunha xornada de convivencia entre os dous centros, a carón da sobreira senlleira do barrio das Lagoas. O noso alumnado interpretou a canción "Un libro" de Paco Nogueiras.
• Dia das letras Galegas : Vida de Maria Victoria Moreno.
• Fíxemos un rap coa súa poesía  XA NON TEÑO MEDO.

Traballamos a poesía de Pura Vázquez e participamos na homenaxe que lle fixeron polo seu centenario na ínsula dos poetas.

Na aula de 1º de Ed. primaria, reforzamos a lectura  empregando libros en castelán e galego. O grao de dificultade das mesmas ía en función da comprensión lectora dos alumnos.

Traballamos tanto a lectura individual como a lectura colectiva, en voz alta e de xeito encadeado, de libros como “Un baúl lleno de dinosaurios”, “A avoa non quere comer”…

Fíxose un seguimento  individualizado da comprensión  lectora  e da velocidade lectora de cada un dos alumnos.

Asemade, os luns e os mércores traballamos a lectura de poesías. Dividimos o proceso en catro partes:

1. Escoitar: neste primeiro momento os alumnos, en cada sesión, escoitaban unha poesía e despois facían un debuxo sobre a mesma.  
2. Ler: neste momento cada día un alumno lía un poema para os seus conpañeiros. Os propios alumnos escollian os poemas que querían mostrar á aula.
3. Rematar: nesta parte, non só, nos dedicamos á poesía se non tamén a narrativa. Presentabamos ao alumnado un conto ou un poema sen rematar e os alumnos tiñan que rematalo e decoralo con diferentes técnicas artísticas.
4. Crear: a última parte do proceso foi a creación de poemas por parte dos alumnos, traballamos a rima e practicaron a poesía sobre as cousas cercanas a súa vida coma as estacións do ano, os animais...

En todo o proceso, respectamos a creatividade do alumnado, os seus intereses e as súas necesidades.

“Poesía es la unión de dos palabras que uno nunca supuso que pudieran juntarse, y que forman algo así como un misterio.“
Federico García Lorca