Animación á lectura

Están chegando ás casas dos nenos e nenas de primeiro e de segundo unhas mochilas cargadas de fantasía, información, diversión e con ganas de ser compartidas por todos, tanto nenos como pais, irmáns ou avos.
Fixemos unha escolma de materiais da biblioteca para que  os nenos a disfrutaran coa súa familia ao longo dunha semana e compartirán as emocións e os coñecementos que a lectura pode aportar aos nosos cativos.

Rematouse esta semana a primeira fase do Concurso de lectura en voz alta "Ler e escoitar".

Os gañadores foron dous alumnos de quinto, Simón e Martiño, na modalidade de grupo e Maria como participante individual.

Esta actividade recibiu unha boa acollida entre o alumnado do terceiro ciclo e a participación foi numerosa. O feito de que as lecturas realizadas tiveran gran nivel, fixo que para o xurado fora difícil realizar a elección.

Parabens aos gañadores e agradecer a todos os participantes a ilusión e a interese amosada!

A Consellería de Educación convoca o I Concurso de Lectura en voz alta, "LER E ESCOITAR", destinado ao alumnado de 3º Ciclo de Primaria e 1º Ciclo de ESO.
O concurso terá unha primeira fase no centro e unha fase autonómica, da que sairán os finalistas da fase última do concurso que se resolverá nun acto de lectura pública.
O concurso contempla as modalidades individual e de grupo. Haberá premios para as lectores e os lectores ganadores e para os centros de procedencia.

Dende a biblioteca parécenos unha actividade moi interesante para promover entre o noso alumnado esta modalidade de lectura.
Agardamos que sexan moitos os nenos que participen e xa iremos informando do desenvolvemento deste certame.

Entre as actividades propostas para conmemorar o día das Letras Galegas, contamos coa presenza de Celso Sanmartín. Fixo as delicias do noso alumnado coas súas estupendas e divertidas historias, acompañadas con cantarelas e recitados. Neste vídeo podemos velo e escoitalo propoñéndonos unha adiviña que prometeu resolver a próxima vez que viñera por Brión. A ver se sodes quen de atopar a resposta?