Animación á lectura

Todas as portas das aulas do centro convertíronse en portadas de contos de medo que agardan para ser contados o día 31 de outubro, véspera da conmemoración do Samaín.

Os/as improvisados/as contadores serán mestres/as do centro que ese día transformaranse en terrorríficos narradores. Ao longo desta semana o alumnado, acompañado polo seu titor/a percorreu os corredores para ver as portas e anotarse "os/as máis valentes" nalgún deses contos.

Agradecemos a colaboración da anpa Andaravía na realización deste vídeo.

O Ceip de Pedrouzos sumouse a esta conmemoración, organizando un intercambio poético entre o alumnado e persoal do centro.
Os nenos e nenas trouxeron unha poesía que lles gustaba ou que escribiron eles. Colocáronse,  ao longo do luns e martes, nos tres puntos de intercambio  situados no centro. Ao final da semana, cada alumno/a puido  recoller unha destas poesías para levala a casa. O formato de punto de lectura permitirá darlle unha nova vida a estas poesías.
Compartir poesía entre o alumnado foi o obxectivo desta actividade. Grazas a todos/as pola vosa colaboración.

Estamos a piques de acabar o segundo trimestre deste curso e para rematalo axeitadamente a anpa do colexio, "Andaravia", organizou para todo o alumnado de primaria unha actuación do músico Álvaro Muras e o mago  Martín Camiña que terá lugar o venres 7 de abril no ximnasio do centro.

Pasarémolo xenial!!!!!

O día 24 de febreiro ao chegar á escola, agardábamos unha sorpresa: A anpa Andaravía para conmemorar o nacemento da escritora galega montou un Photocall na entrada do centro.

Moitos nenos e nenas, pais e profes puideron fotografarse con carautas de Rosalía ou portando algún dos títulos das súas obras. As fotos quedaron moi divertidas!!!

Grazas a anpa do cole por dinamizar esta conmemoración!!!

Na entrada dos edificios de Primaria e de Infantil están instaladas as exposicións de cabazas realizadas polos nosos nenos e nenas axudados polas súas familias. Tedes ata o venres para visitar esta marabillosa mostra.

Ver fotos