Aquí tedes un xogo para seguir coñecendo a Vincent Van Gogh.
Aquí tedes un xogo para seguir coñecendo a Vincent Van Gogh.
Un rato anda solto polo cole!!
Pero non vos preocupedes, as nenas e os nenos de educación infantil imos coidar del. Témolo ben gardadiño na aula de informática para que, de cando en vez, poida xogar cos ratos dos nosos ordenadores.
Para comprobar o larpeiro que saiu o rato Félix (decidimos entre todos chamarlle así) ollade o video.
...e por fin chegou a noite do Samaín ou Halloween.
Antes de nada, graciñas ás familias por achegarnos as cabazas que nos fixeron poñer os pelos de punta cos sustos que levamos...están xenial!
Ademáis de cabazas, ao longo desta semana atopamos no cole todo tipo de seres terroríficos nos recunchos máis insospeitados.
Para ver as fotos de como festexamos o Samaín preme na foto
Deixovos un conto para que sigades pasándoo de meeeedoooo ...
Estamos no mes de outubro e xa é tempo de castañas. A proba témola no cole, pois estes días estanos a visitar unha castañeira con moita arte chamada Froilana (din que veu dende terras lucenses!!)
O vindeiro venres dia 30 celebrarémolo magosto, así que Froilana está a agardar as vosas castañas para poder comelas asadiñas e quentiñas. Tampouco vos esquezades de traer cabazas, xa que se achega o Samaín ou Halloween e pode que acontezan cousas terrorificamente máxicas!!
As nenas e os nenos de infantil temos un "blog" para compartir con todos vos as artistadas que creamos e cas que aprendemos na hora das TIC (Tecnoloxías da Información e da Comunicación)
Non deixedes de visitarnos e de deixar os vosos comentarios.
Un pouco de arte para mirar, escoitar e sentir!
SÓ NECESITAMOS METROS DE PAREDE, UNS QUILOS DE PINTURA E...MOITA IMAXINACIÓN
YES WE CAN!
O pasado xoves día 8 os nenos e nenas de 4 e 5 anos e o primeiro ciclo de primaria fomos á Casa da Cultura de Arzúa para desfrutar dunha sesión de contacontos da man do Equipo Rodeira, na que ademáis de escoitar, tamén cantamos e bailamos.
Ao rematar agasalláronnos cun conto e un CD para recordar as cancións que nos ensinaron!!!
No mes de novembro o alumnado de primaria irá ao Auditorio de Galicia (Santiago de Compostela) a ver unha versión do conto A Cincenta feita ópera polo grande compositor Rossini.
Asistir a unha representación de ópera en directo é a mellor maneira de entender e disfrutar desta forma de arte total. Ese día contaxiarémonos dos sentimentos e das emocións das persoaxes a través da música,...estamos desexando ir xa!!
Mirade na táboa os días que irá cada curso:
1º e 2º curso de primaria | 10 novembro |
3º e 4º curso de primaria | 9 novembro |
5º e 6º curso de primaria | 11 novembro |
Deixámosvos un pouco de ópera para que vaiades entrenando o oído (está en italiano pero nós verémola en castelán)
Noteboek from Evelien Lohbeck on Vimeo.
Estamos de parabéns!! Este ano conseguimos, por fin, entrar no "plambe", isto danos moitos máis ánimos (e tamén cartos) para seguir traballando. Imos facer da biblioteca un novo espazo con novo mobiliario, decoración, ordenadores,....un pouco de todo ata que nos cheguen os cartiños.
Recordades que o ano pasado traballamos a idade media?? Pois este ano imos darlle un grande contraste. Apostamos todos e todas pola ARTE MODERNA, veremos moitos Miró, Kandinsky, Luis Seoane, Granell, Botero, Laxeiro, e moitos máis!!
Así que, durante este curso preparádevos para investigar con tódolos medios, tanto escritos como multimedia, sobre a arte moderna, empezando pola nosa terra, na que hai moito que ver!!!
Xunta de Galicia - Consellería de Educación, 2013 |