Hoxe remataron  os grupos interactivos deste curso e teño que agradecer ás familias a súa participación porque sen elas non serían posibles.O alumnado na  avaliación sempre escolle a cariña de alegría por ter na aula ás familias e eu adoro tamén telas.Sen dúbida obtemos os mellores resultados en canto ao aprendizaxe porque multiplícase a atención,concentración e incluso interacción aumentando así o tempo de traballo efectivo sen darse conta.Teño moitísima sorte de ter a axuda de todas as persoas que vides e facedes de dinamizadoras e acompañantes do grupo ,sen vós non tería chegado a todas e todos nunha única sesión.

De novo GRAZAS e seguimos o vindeiro curso.

Parabéns neste macro-aniversario a Pablo,Inés e Rayant que xa teñen cumpridos os 4 anos.Celebramos na clase un súper cumpre,nunca víramos tantos aspitos xuntos.Pois ben, como facemos sempre seguimos o ritual de dar as voltas ao sol coas súas fotos dende que naceron ata o día de hoxe e contala súa historia de vida resumida.Nunca faltan nas nosas celebracións os tiróns de orellas, as cancións de parabéns e a comilona compartida.

A seguir cumprindo!

Seguimos cos grupos interactivos e esta semana tocaron actividades de lectura e escritura.Para empezar un bingo de primavera,caminitos de sonidos fonéticos de vogais para chegar á meta,Rasca-rasca para descubrir a palabra segreda e escribila e de derradeira a caixa de sons.Coma sempre estas sesións son moi produccivas .

Seguimos a traballar a Caixa de cores nº 3 de Montessori e igualmente ca vez anterior cando buscaron as cores das súas plantas,quedaron cautivadas e cautivados co abanico de tonalidades que ofrece a caixa.Son 9 cores con 7 tonalidades que van do escuro ao claro.

Buscamos un libro “Semillas”e pensamos en cantas cores presentaba a portada,e así foi como pouco a pouco atopamos todas e non eran poucas.

Outra actividade foi coller cada cor e a súa gama cromática para crear frores e crear un campo primaveral facendo a degradación da cor da máis escura á máis clara.

Descubrimos ademáis a roda cromática e foi marabilloso porque con moita agudeza visual conseguimos presentala e desfrutar da beleza estética e da orde,e definitivamente e o noso material favorito do ámbito sensorial polo que seguiremos xogando con este material.