Esta semana descubrimos moitas novas maletas. Sofía, Pablo, Lola, Roi e Daniela amosáronos cousas que son importantes para eles e elas e desta forma puidemos coñecelos mellor e ver cantas cousas temos en común.

Limos un pouco sobre un rato moi famoso que perdeu un dente e fixo de todo para recuperalo, coñecimos a Lolo, descubrimos a cantos lles gusta disfrazarse de miles de cousas, tocamos instrumentos, vimos fotos coas familias, cantamos "Lúa, Lúa", xogamos cos imáns, convertémonos en cabaleiros, sentimos a suavidade dunha mantiña, descansamos xunto a Pocoyó e a súa luz azul e moitas cousas máis.

Que nos esperará esta semana?