Este martes recibimos a fermosísima visita de Laura, a mamá de Antón, que nos contou a historia da Picaflor Musical e nos axudou a coñecer especies autóctonas de árbores de Galicia e a súa condición de árbores de folla perenne ou caduca.

Foi unha narración preciosa que contou coa axuda en todo momento de Antón como un experto contacontos. Quedamos verdadeiramente abraiados e abraiadas e comprendimos a importancia da amabilidade e a empatía, que era tamén un dos trasfondos desta historia.

Agradecémoslle infinitamente a Laura a súa visita e esta historia tan bonita e con tantas cousas para aprender e apreciar da natureza que nos rodea aquí en Galicia.