E xa informados coma estabamos, o día 21 de outubro, 5º e 6º saimos ao Xabriña, a facer un tramo do roteiro PRG-119. Aproveitamos para visitar o Lagar da cera, un conxunto composto por unha cerería tradicional, onde elaboraban candeas de todo tipo e un lagar onde se obtiña a cera precisa para este traballo. Tamén visitamos un muíño restaurado pola Comunidade de Montes de Paraños, no cal moemos un pouco millo e poidemos traer fariña para casa, moida por nós mesmos/as.

E podedes velo aquí. Agardamos que vos guste.

O pasado 28 de outubro celebramos o Samaín no CEIP de Cedeira. Algúns nenos e nenas de infantil viñeron disfrazados de diversas personaxes de medo. Tamén os nenos e nenas de sexto, que fixeron o tradicional TRUCO OU TRATO, no cal foron polas clases do cole pedindo algún refrán relacionado coa época do ano. Aos nenos que  sabían algún fóronlle dando caramelos.

Tamén, coma vén sendo habitual no cole, e xa por 4º ano, os rapaces e rapazas de 5º e 6º elaboraron uns contos que leeron na biblioteca aos outros cursos do cole, nun recuncho decorado polo equipo da biblioteca con este fin. OS CONTOS Á LUS DO CANDIL foron un éxito e houbo algunhas creacións do máis orixinal e TERRORÍFICO!!!

Nestes dous vídeos poderedes comprobar que ben se pasou no Samaín de Cedeira.

O pasado 11 de novembro celebrouse o Magosto no cole de Cedeira. Mentres os asadores e asadoras facían o seu traballo co lume e as castañas, os demais nenos e nenas do cole participamos en diferentes xogos tradicionais relacionados coa festa. Así, houbo circuítos con castañas na culler, probas de habilidade superando obstáculos con castañas nun prato, o baile da castaña e así moitos máis.

Na hora da merenda corremos cos nosos cucuruchos de papel que semellaban antorchas olímpicas a buscar as saborosas castañas. Velaí algunhas fotos do día.

Antonio Lago Rivera (1916-1990) foi un pintor da Coruña do que se cumpren 100 anos do seu nacemento. Con este motivo en Vigo, na Sala de Exposicións de Afundación, do Teatro García Barbón, estase a celebrar unha exposición que percorre gran parte da súa obra.

Os nenos e nenas de 5º e 6º de primaria acudimos a visitala o pasado 17 de novembro e pasámolo xenial!!!. A visita  estaba organizada en dúas partes, nas que participamos alternativamente, unha e outra clase. Nunha parte, se nos facilitaba, por equipos unha serie de pistas coas que tiñamos que buscar certos cadros que respostasen as características dadas. Noutra parte, participamos nun obradoiro, no que debiamos experimentar coa mistura de certas cores.

Rematamos comendo na Praza de Compostela, baixo a vixiancia do Almirante Mendez Nuñez.