O curso desenvolverase no primeiro trimestre, en breve, engadiremos as datas e horarios desta actividade en Fprofe.

O curso está deseñado para coñecer e empregar distintos recursos e dispositivos, así como dinámicas e metodoloxías para optimizar o ensino semipresencial de idiomas. Tratarase de aprender a monitorizar a aprendizaxe do alumnado, aproveitando a aula virtual ao máximo, sen esquecer a retroalimentación como complemento activo no proceso de revisar, corrixir e avaliar as actividades lingüísticas.

Os contidos que se van impartir estrutúranse en relación con:

1 .A modalidade semipresencial no ensino de idiomas nas escolas oficiais: conceptos básicos.

2. Ferramentas para a aula: deseño de tarefas de comprensión de textos orais e escritos e de produción, coprodución e mediación oral e escrita.

3. Elementos dunha aula virtual para o ensino semipresencial nas EOI.

4.Titorización e avaliación: interacción, retroalimentación e aplicación das táboas de baremación analíticas e holísticas para as producións, coproducións e mediacións orais e escritas.

O profesorado que pode inscribirse nesta actividade pode pertencer tanto ao profesorado de EOI, como ser profesorado en ensino secundario que imparta linguas estranxeiras.

A distribución de datas e horarios das sesións é a seguinte:

Sesión 1 (presencial): 14 de outubro de 16:30 a 20:00
Sesión 2: Traballo individual non presencial: 18 outubro (1,5 horas)
Sesión 3: Videoconferencia: 22 de outubro de 09:30 a 13:00
Sesión 4: Videoconferencia: 4 de novembro de 16:30 a 20:00
Sesión 5: Traballo individual non presencial: 9 novembro (3 horas)
Sesión 6: Videoconferencia: 11 de novembro de 16:30 a 20:00
Sesión 7: Traballo individual non presencial: 14 novembro (3 horas)
Sesión 8 (presencial): 18 novembro de 16:30 a 20:00

Esta xornada pretende facer un resumo de toda a evolución do Proxecto SBLENDID ao longo destes dous últimos cursos académicos (2020-21 e 2021-22). Búscase compartir todo o aprendido e avanzado na modalidade semipresencial en Galicia, a partir da formación recibida tanto nos webinarios, nas mobilidades virtuais e presenciais (cursos estruturados e observación docente) e no propio intercambio de experiencias entre o profesorado de EOI, tanto a nivel autonómico como nacional e internacional. Por outra banda, compartirase información sobre o itinerario de formación para o profesorado desta modalidade, así como os recursos creados polos grupos de traballo.

Entre os obxectivos desta xornada destacamos os seguintes:

1. Apreciar a evolución do ensino semipresencial nas EOI en Galicia

2. Repasar as actividades do proxecto Erasmus+ SBLENDID

3. Relacionar estratexias de dinamización de aula presencial, deseño dos Espazos Virtuais de Aprendizaxe (EVA), emprego da tecnoloxía e aprendizaxe dixital

Os contidos que se van abarcar durante a celebración desta actividad indícanse a continuación:

1. Ensino semipresencial en Galicia: Creación e titorización de cursos. Itinerario de formación para o profesorado

2. Xénese e impacto do proxecto Erasmus+ SBLENDID

3. Aspectos esenciais do ensino semipresencial e transferencia á aula independentemente da modalidade

O prazo de inscrición en Fprofe é ata o día 13 de setembro. Esta actividade está destinada a profesorado de EOI, pero pode solicitar a inscrición profesorado pertencente a outros corpos mais con interese no ensino semipresencial.

Remitiuse o Boletín CFR A Coruña xuño-2021, a tódolos centros da área de influencia. Así poderano consultar antes de fin de curso e contar con el para posibles recomendacións lectoras.

Tamén o podes descargar clicando aquí:

Lectores competentes no século XXI

31/05/2022 17:30—20:00 h

Hologramas, robots & IAs. Como promover a lectura dixital na era dixital.

Relatora. Elisa Yuste (Consultora experta en promoción lectura ).

01/06/2022 17:30—20:00 h

LIX Dixital. Novas formas de contar historias e acceder á información Relatora.

Elisa Yuste (Consultora experta en promoción lectura).

06/06/2022 17:30—20:00 h

Os retos da lectura hoxe.

Relator. Daniel Cassany (Univ. Pompeu Fabra).

07/06/2022 17:30—20:00 h

Lectura contra a desinformación Relator.

Daniel Cassany (Univ. Pompeu Fabra)

13/06/20 17:30—20:00 h

Clubs de lectura: unha práctica de lectura compartida.

Relatora. Anxos Paz García (IES de Brión)

15/06/2022 17:30—20:00 h

O álbum ilustrado e o seu papel na formación de lectores .

Relatoras: María Jesús Fernández (mestra, experta en LIX, mediadora)

O vindeiro venres 13 de maio terá lugar no Castelo de Vimianzo unha sesión formativa para a comunidade educativa das escolas unitarias de Vimianzo, Laxe, Camariñas e Cee.

Intervirán Gerardo Reino que enfatizará os beneficios da introdución da robótica e o pensamento computacional a idades temperás.

O mesmo fará Pablo Díaz coa importancia dos contos no desenvolvemento da mente infantil.

E por último Boniface Ofogo porá de relieve a importancia da prevención do acoso a través de varias historias.

O venres 27 de maio ás 19:00 h. terá lugar unha actividade formativa no salón de actos do CPI As Revoltas.

A actividade está dirixida ás familias do alumnado dos centros educativos da bisbarra, e será impartida pola especialista Sandra Varela Amado.

O venres 6 de maio ás 5 da tarde como parte das actividades Espazo Educar Costa da Morte  que o CFR da Coruña leva a cabo neste curso, o neurólogo Hector Ruíz falará de cómo ensinar a aprender, cómo aprendemos e cómo ensinar ó método científico na escola. Nesta ocasión a charla terá lugar no Museo do Encaixe de Camariñas.

Héctor Ruiz Martín (@hruizmartin) é neurobiólogo, investigador nos campos da psicoloxía cognitiva da memoria e o aprendizaxe en contextos educativos, e director da International Science Teaching Foundation. Tamén dedicou tempo a escribir divulgación sobre o aprendizaxe en ensaios como "Aprendiendo a aprender"(2020) e "¿Cómo aprendemos?. Una aproximación científica al aprendizaje y la enseñanza" (2020). 

Arteixo Innovación. V encontro de experiencia Educa TIC o 4, 5 e 6 de maio de 2022.

Inscricións: Correo electrónico: educacion@arteixo.org ou teléfono: 981 64 72 94 - 981 65 91 41

Data límite: 3 de maio

                   Prazas limitadas ata completar aforo

Encontro presentado por Eva Iglesias, Xefa de informativos de COPE Coruña

4, 5 e 6 de maio de 2022 no Centro Arteixo Innovación Avda Arsenio Iglesias, 46, 15142 Arteixo, A Coruña

E ademáis os días 4, 5 e 6 de maio - Servizo de conciliación para asistentes: Actividades para nenos e nenas con previa inscrición

Información sobre axuda a Ucraina - Інформація про допомогу Україні

Podes descargar o PDF resumo facendo clic no ficheiro do final da páxina.

Toda a información nas seguintes ligazóns

Plan de Escolarización e Acollida do alumnado desprazado polo conflito de Ucraína no Sistema Educativo Galego

Normativa

• Resolución conxunta do 15 de marzo de 2022, da Secretaría Xeral Técnica e da Secretaría Xeral de Educación e Formación Profesional, para o proceso de acollida e escolarización do alumnado desprazado polo conflito de Ucraína
• Instrucións do 25 de marzo de 2022, da Dirección Xeral de Centros e Recursos Humanos, para facilitar os recursos materiais no ámbito educativo ao alumnado desprazado polo conflito de Ucraína, escolarizado nos centros docentes públicos de niveis non universitarios de titularidade da Consellería de Cultura, Educación e Universidade

Recursos

• Dicionario galego-castelán-ucraíno. // Diccionario gallego-castellano-ucraniano

• Conversa básica galego - castelán - ucraíno / Conversación básica gallego - castellano - ucraniano / проста розмова галицька - Іспанська - українська

• Conversa básica galego-castelán-ruso / Conversación básica gallego-castellano-ruso / простой разговор  галисийский - испанский - русский

• Guía do sistema educativo galego para a acollida e escolarización do alumnado desprazado polo conflito de Ucraína (galego - castelán -ucraíno)  /  Guía del sistema educativo gallego para la acogida y escolarización del alumnado desplazado por el conflicto de Ucrania (gallego - castellano y ucraniano)  / Довідник Галісійської освітньої системи прийому та навчання учнів, переміщених через конфлікт в Україні ( галицька - Іспанська - українська).

• Guía do sistema educativo galego para a acollida e escolarización do alumnado desprazado polo conflito de Ucraína (galego - castelán - ruso) - Guía del Sistema Educativo Gallego para la acogida y escolarización del alumnado desplazado por el conflicto de Ucrania (gallego- castellano- ruso) - Путеводитель по Галиcийской системе образования для приема и обучения учащихся, перемещенных в результате конфликта в Украине (галисийский - испанский - русский).

• Modelo de Plan de Acollida na escolarización do alumnado desprazado polo conflito de Ucraína (versión pdf).  (Versión editable odt).

• Materiais de interese para a adquisición de linguas por parte do alumnado desprazado polo conflito en Ucraína

• SOLIDARIEDADE GALEGA CON UCRAÍNA Vocabulario básico e expresións habituáis / SOLIDARIDAD GALLEGA CON UCRANIA Vocabulario básico y expresiones habituales // Галицька солідарність з Україною Базова лексика і часто вживані вирази (documento trilingüe)

• Maletas viaxeiras Ucraína: cada CFR/CAFI contará cunha maleta viaxeira para préstamo aos centros co contido que se relaciona (temática sobre as situacións de guerra, a condición das persoas refuxiadas e algúns libros bilingües castelán-ucraíno)./Maletas viajeras Ucrania: cada CFR/CAFI contará con una maleta viajera para préstamo a los centos con el contenido que se relaciona (temática sobre las situaciones de guerra, la condición de las personas refugiadas y algunos libros bilingües castellano-ucraniano).

• Fichas de actividades para a adquisición do galego/castelán.  Fichas de actividades para la adquisición de gallego y castellano.

Equipamento TIC

• Instruccións sobre o equipamento dixital para alumnado ucraíno

• Alta de solicitudes de kits informáticos Fenda Dixital

• Método para cambiar o sistema ao idioma ucraino nos equipos de Educa en Dixital

PDF resumo facendo clic no ficheiro

Se queres darlle un novo enfoque as túas clases de inglés, neste curso procuraremos buscar novas propostas para actividades que motiven ao alumnado. Por unha banda, mediante a análise de recursos en liña, con vistas a incorporalos dende unha nova perspectiva nas nosas aulas.

Buscaremos exemplos de xogos e actividades que sirvan de inspiración para buscar outros métodos de creación propia, sen esquecer como avaliar as nosas propostas para seguir innovando e creando.

Incorporaremos técnicas de dramatización que poidan servir igualmente de inspiración para crear novos materiais e métodos de traballo co alumnado.

E como se estruturá este curso? Dun xeito dinámico, combinaranse sesións presenciais no CAFI, en Santiago de Compostela, con outras sesións mediante videoconferencia e coa realización dunha tarefa que poida compilar todas as novas destrezas aprendidas durante esta formación.

A inscrición está aberta en Fprofe ata o día 13 de marzo.