Actividades da biblioteca
ANDREA MACEIRAS VISITA O NOSO IES
Este martes, día 13 de novembro, a escritora Andrea Maceiras tivo un encontro co alumnado de 3º e 4º da ESO para falar da novela “O que sei do silencio”, que trata sobre acoso escolar. A autora confesou que era a primeira vez que falaba desta obra con lectores e lectoras de secundaria por ter sido publicada moi recentemente e que quedou finalista do Premio Raíña Lupa 2017.
2018-19 Magosto e Samaín
O pasado mércores, día 31 de outubro, celebramos estas dúas festas tradicionais, en colaboración co departamento de actividades extraescolares, o departamento de orientación e o EDL.
Na cafetaría e na biblioteca, “terriblemente” decoradas para a ocasión, desenvolvéronse actividades de contacontos de medo. Parabéns a todos os rapaces e rapazas que nos fixestes gozar das terroríficas historias que nos contastes!
Ademais, entregamos os premios dos concursos convocados pola Biblioteca: concurso de receitas de cociña con cabaza e/ou castaña, concurso de microrrelatos de terror e concurso de decoración de cabazas. Parabéns pola vosa participación e, sobre todo, aos gañadores e gañadoras, que nesta ocasión resultaron ser:
Ø Saúl Neira, de 3º B
Ø Soledad Chedas, de 1º A
Ø Uxía Paramá, de 1º B
Revista viva 2018
E POR FIN! A ACTIVIDADE ESTRELA DA BIBLIOTECA!!!
O 29 de maio celebramos no Teatro Principal (e único) a 5ª edición da nosa “Revista Viva Nós de Nós”.
Foi unha actividade lúdico-cultural, aberta a todo o mundo (pais e nais, alumnado, profesorado, persoal non docente...) no que amosamos parte do traballo que, ao longo do curso, elaboraron os rapaces.
Día de Castelao
Alfonso Daniel Rodríguez Castelao (Rianxo, 30 de xaneiro de 1886 – Bos Aires, 7 de xaneiro de 1950).
17-18 Día de Castelao
Alfonso Daniel Rodríguez Castelao (Rianxo, 30 de xaneiro de 1886 – Bos Aires, 7 de xaneiro de 1950).
Xaneiro é o mes en que naceu e morreu este ilustre persoeiro da cultura galega. Neste contexto, e coa intención de difundir a obra e a figura deste artista polifacético, e dar a coñecer a súa relación coa Estrada, as Bibliotecas dos tres IES programamos unha actividade que se desenvolveu o venres, 2 de febreiro, na Academia de seguridade.
Na primeira parte do acto, alumnado dos tres IES foron lendo textos ensaísticos do autor e escenificando adaptacións dos seus relatos; foron interpretando a súa obra gráfica e, así, en definitiva, todos e todas afondamos na súa complexa figura.
17-18 Día de Castelao
Alfonso Daniel Rodríguez Castelao (Rianxo, 30 de xaneiro de 1886 – Bos Aires, 7 de xaneiro de 1950).
Xaneiro é o mes en que naceu e morreu este ilustre persoeiro da cultura galega. Neste contexto, e coa intención de difundir a obra e a figura deste artista polifacético, e dar a coñecer a súa relación coa Estrada, as Bibliotecas dos tres IES programamos unha actividade que se desenvolveu o venres, 2 de febreiro, na Academia de seguridade.
Na primeira parte do acto, alumnado dos tres IES foron lendo textos ensaísticos do autor e escenificando adaptacións dos seus relatos; foron interpretando a súa obra gráfica e, así, en definitiva, todos e todas afondamos na súa complexa figura.
A Nosa Gran HIstoria Colectiva
[...] que ela, a vida, non ten partes, senón lugares e rostros.
María Zambrano
O IES Nº 1 da Estrada proponvos unha actividade de RECUPERACIÓN DA NOSA MEMORIA COLECTIVA.
Día Internacional contra a Violencia de Xénero
O venres, 24 de novembro, participamos os tres institutos da Estrada nunha concentración conxunta contra a violencia de xénero. O noso IES, que se sumara á campaña "En negro contra a violencia", colocou carteis en distintos lugares do centro e animou a toda a comunidade educativa a participar, traendo ese día una prenda negra. O día comezou coa chegada a Radio Estrada, onde dúas alumnas de 4º de ESO do noso IES leron o manifesto que elaboraran. Déixovos abaixo o enlace para que o vexades. Paga a pena ver como a conciencia prende na rapazada! Na concentración estaba previsto cantarmos todos xuntos una canción contra o maltrato, pero as condicións meteorolóxicas o impediron. Tras a concentración silenciosa, o alumnado do 2º ciclo acudiu á Academia de seguridade para escoitar una charla de Inés Vidal, profesora do IES Losada Diéguez con ampla formación no tema do maltrato á muller e no maltrato entre adolescentes. Tras proxectar uns vídeos, provocouse un interesante debate. Por outra banda, o alumnado do 1º ciclo desenvolveu no instituto diversos talleres de concienciación sobre a violencia machista: vídeos na biblio, xogo de rol, mensaxes con globos... En definitiva, foi un día intenso!
INAUGURACIÓN DA BIBLIOTECA
Un ano máis, queremos recibir ao novo alumnado na nosa Biblioteca e por iso convidámosvos a vir o luns, 24 de outubro, a un acto que celebraremos alí para todos vós.
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »