Bioloxía e Xeoloxía
Observacións de aves no Pazo de Mariñán
O martes 25 de febreiro o intrépido alumnado de 3º D ,desprazarase nas horas da tarde ata o Pazo de Mariñán. Alí , dirixidos polo seu arriscado e aventureiro profesor de Ámbito Científico, Emilio Duque,van participar nunha actividade de observación de aves.
Agardamos que á volta nos conten a experiencia e traian algunhas fotos da mesma ...e que non lles ocorra como ao neno da imaxe inferior.
"Invasións Biolóxicas" Conferencia de Mª Inmaculada Romero Buján
O luns 10 de febreiro, no marco do programa "A Ponte" da Universidade de Santiago de Compostela, terá lugar no "Aguiar" unha nova conferencia impartida por unha profesora universitaria. Nesta ocación contaremos coa presenza de Dna. Mª Inmaculada Romero Buján, docente no Departamento de Botánica en dita Universidade, que disertará sobre "Invasións Biolóxicas".
A esta conferencia estarán invitados alumnos e alumnas de 2º BAC da materia Ciencia da Terra e oalumnado de 1º BAC que cursan a materia de bioloxía. Terá lugar no Salón de Actos do noso Instituto ás 11.45.
O Uso dos Bosques. Conferencia de Dn. Emilio Carral Vilariño
Novamente no marco do Programa "A Ponte" da USC docentes universitarios desprázanse ata o "Aguiar" para impartir docencia.
Nesta ocasión, o Departamento de Ciencias Naturais, Bioloxía e Xeoloxía, traenos a Dn. Emilio Carral Vilariño, profesor de Bioloxía Celular e Ecoloxía na Escola Politécnica Superior de Lugo.
A súa conferencia versará sobre os "Usos dos Bosques" Terá lugar no Salón de Actos do noso Instituto a partir das 11.45 hs.
SEGUNDA SEMANA DA CIENCIA E A TECNOLOXÍA
II Semana da Ciencia e a Tecnoloxía
Celebrada do 29 de abril ao 3 de maio de 2013
Por segundo ano consecutivo celebrouse no Instituto esta Semana, coa que se quere fomentar a cultura científica dos nosos alumnos e motivalos na aprendizaxe das ciencias e a tecnoloxía.
Esta actividade foi organizada polos profesores Luísa Muíño (Departamento de Física e Química) e Juan Neira (Departamento de Tecnoloxía), colaborando Emilio Duque ( Departamento de Bioloxía e Xeoloxía) e na elaboración do cartel os alumnos de María del Carmen Núñez Faraldo (Departamento de Tecnoloxía).
Preparamos nas semanas anteriores a alumnos voluntarios que actuaron como monitores e foron os auténticos protagonistas destas xornadas, tanto na realización como na explicación dunha serie de proxectos e experimentos aos compañeiros doutros niveles, facendo que a semana fora amena e educativa á vez. As experiencias resultaron atractivas tanto para os alumnos/as que as realizaron como para os que as recibiron.
Todo este traballo completouse con dúas conferencias. Na primeira, con Paulino Gasalla, responsable do área de Astronomía e Contaminación Lumínica da “Sociedade Galega de Historia Natural” de Ferrol, efectuamos unha imaxinativa viaxe espacial. Saíndo da Terra nunha hipotética nave percorremos o Sistema Solar, visitando todos os planetas, os seus satélites, asteroides, planetoides, cometas, etc, para despois entrar na Vía Láctea onde visitamos estrelas, nebulosas, supernovas, novas, cúmulos abertos, cúmulos pechados, nacemento de estrelas, galaxias satélites, galaxias do Grupo Local, e penetramos no Espazo Profundo, onde atopamos grandes galaxias, choques galácticos, cúmulos de galaxias, cuasares e así ata chegar aos confíns do Universo Coñecido.
Na segunda, Antonio Sanduende Otero, responsable do Departamento de Servizos Enerxéticos na empresa Punto de Solucións de Enxeñería Galega, S.L.L. e Consultor de Enerxías Renovables e Eficiencia Enerxética, falou da enerxía solar térmica e fotovoltaica e as súas aplicacións prácticas.
Os proxectos e ensaios realizados podedes velos resumidos brevemente no seguinte arquivo:
II Semana da Ciencia e a Tecnoloxía
Do 29 de Abril ao 3 de Maio de 2013
Por segundo ano consecutivo vaise a celebrar no Centro a Semana da Ciencia e a Tecnoloxía, organizada polos profesores Mª Luisa Muíño, Juan Neira e Emilio Duque.
Levaranse a cabo demostracións do funcionamiento de distintos proxectos de Tecnoloxía e de fornos solares, experimentos nos laboratorios de Física e Bioloxía, e as conferencias “Unha viaxe espacial” por Paulino Gasalla e "A enerxía solar e as súas aplicacións prácticas" por Antonio Sanduende.
Pódese consultar o programa no ficheiro adxunto.
Saída a Chelo
23 de Maio de 2012
Organizada por Gonzalo Tizón do Departamento de Ciencias Naturais, excursión a Chelo e visita á Aula da Natureza de Chelo para alumn@s de 1º de ESO.
Pdf da aula da natureza de Chelo.
Fotografía www.riomandeo.com/
Visita ao Muncyt da Coruña
6-Xuño-2012
O alumnado de 3º C da ESO acompañado dos profesores Emilio Duque do departamento de Bioloxía e Carmen Núñez do departamento de Tecnoloxía visita o recentemente inaugurado Museo Coruñés.
Pola miña parte, estou deseando coñecer a Marilú (na foto).
Fotografía na galería de Twitpic do @Muncyt
Visita ao Museo das Brañas de Valga en Mesía
11 e 16 de Maio de 2012
Organizado por Juan Neira do departamento de Tecnoloxía e por Gonzalo Tizón do departamento de Bioloxía e Xeoloxía. O alumnado de 2º de ESO visitará a Aula da Natureza e Museo Etnográfico das brañas de Valga. foto http://aulanatureza.concellodemesia.es/
Charla sobre transplantes
14-decembro-2011
Destinada ao alumnado de 2º de Bacharelato e organizada polo departamento de Bioloxía e Xeoloxía. De 11:30 a 13:00 no salón de actos do edificio principal.
Para máis información preme na imaxe ou no enlace.
.
Visita ao CHUAC
20 de Xuño de 2011
Visita ao Complexo Hospitalario Universitario de A Coruña (CHUAC) do alumnado de Bioloxía de 1º de Bacharelato.
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- seguinte ›
- última »
![RSS - Bioloxía e Xeoloxía Distribuir contido](/centros/iesfranciscoaguiar/misc/feed.png)