O luns 30 de novembro e mércores 1 de decembro no club de ciencia do Aguiar estivemos creando ecosistemas: un estanque no xardín e pequenos terrarios en botes de cristal.

Un estanque, por pequeno que sexa, é un mundo acuático rebosante de vida materializada nas formas máis diversas que se poida imaxinar. Estraños insectos, anfibios de complexos ciclos vitais, minúsculos microorganismos planctónicos son algúns dos seus habitantes. Desde o punto de vista didáctico, ofrece a ocasión de gozar observando o asombroso equilibrio ecolóxico que se desenvolve neles.

Álbum: Club de Ciencia 21-22 -> Creando ecosistemas

No día de onte, martes 17 de novembro, Sonia Villapol deu unha conferencia no noso centro sobre a pandemia de COVID.

A investigadora lucense Sonia Villapol (Bretoña, 1977) estudou  o bacharelato no instituto de Meira, licenciouse en Bioloxía na especialidade de Bioloxía Molecular e Biotecnoloxía na Universidade de Santiago de Compostela (2003) e doutorouse na especialidade de Neurociencias na Univesitat Atónoma de Barcelona. Na actualidade traballa no Texas Medical Center de Houston como investigadora principal e profesora. Forma parte do  Equipo de Investigación Internacional da COVID-19, COV-irt.org, no que coordina o equipo de neurocientíficos que analiza como afecta o coronavirus ao cerebro.

A Institución Galega de Ciencia ofrece unha serie de charlas sobre temas científicas.

A segunda charla desenvolverase no Salón de Actos o martes 23 ás 12 horas e versará sobre o COVID. O título da conferencia é Química e vida.

A conferencia será impartida por  Maria Del Pilar Bermejo Barrera, Decana da Fac. de Quimica da USC

Agora que chega o verán, aínda que o tempo non acompañe. Quedamos para probalos no vindeiro curso, nunha nova edición do noso Club de Ciencia. E coma recordo un marcapáxinas científico saído das nosas impresoras 3D.

Álbum: Club de Ciencia 2020-21 -> 06_Fornos solares

13 de febreiro. Celebramos.... o DÍA DA RADIO. 

Que mellor maneira que botando de novo a andar a nosa radio, "SON AGUIAR" !!

Para este retorno radiofónico contamos con tres 

espilidas

esperanzadoras

especiais

espumantes

reporteiras:

emma,sofia,paula

Onte mércores, día 10 de febreiro, a científica Lorena Boquete falou ao alumnado do noso centro sobre a "Tecnoloxía CRISPR".

Lorena Boquete é unha investigadora galega en cancro no proxecto Astra - Zeneca do Laboratorio de Bioloxía Molecular asociado á Universidade de Cambridge.

Álbum: Curso 2020-2021 -> Semana da Ciencia da Muller e a Nena

O Departamento de Bioloxía e Xeoloxía, e concretamente a profesora María Jesús Santamariña, está a organizar unha serie de charlas telemáticas sobre ciencia que teñen como obxectivo espertar vocacións científicas nas nenas e rapazas do noso instituto.

Entre o 10 e o 18 de febreiro celebraremos, pois, a "Semana da Muller e a Ciencia", co fin de promover a cultura científica en feminino e dar recoñecemento ao traballo de mozas científicas galegas, que están a realizar brillantes investigacións no campo das Ciencias Biomédicas e as Ciencias Sociais.

 O alumnado de Anatomía  de 1º de Bach atreveuse coa disección dunha pata de polo nas súas casas, levando así á práctica a teoría vista na aula.

Aquí tedes o vídeo feito por Lourdes Nieto Mantiñán, no que se identifican perfectamente os diferentes tecidos que compoñen a patiña do polo.

Noraboa polo traballo feito a toda a clase! 

XOVES 26 DE NOVEMBRO

Descubrindo un mundo invisible

Laboratorio de Bioloxía Xeoloxía

16:30

Aforo limitado condicionado polo protocolo