Interpretación dun galeón da batalla de Rande dos que o capitán Nemo obtiña recursos e que visitou o 18 de febreiro. Cumpríanse 150 anos da súa visita.
Cando os tripulantes do Nautilus chegaron hai 150 anos á nosa ría verían algo semellante a isto: a biodiversidade da ría de Vigo presentada polos rapaces dos primeiros da ESO.
Nesta sección imos percorrendo o itinerario do Nautilus e marcámolo no mapamundi que temos no vestíbulo. Na vitrina expoñemos obxectos e elementos referidos ao lugar correspondente. A viaxe submarina iníciase o 8 de novembro a 300 millas do Xapón.
O 27 de marzo celébrase esta festa, a dunha das artes máis antigas e que sobrevive ao empuxe do cine, da televisión e doutros medios existentes na actualidade. Fanse en todo o mundo representacións conmemorativas desta data.
A conquista do Polo Sur
(21 de marzo de 1868)
O Nautilus retomara a súa imperturbable dirección cara ao sur. Quería chegar ata o Polo? Non o cría, xa que ata entón todas as tentativas de alcanzar ese punto do globo fracasaran.
O 14 de marzo albisquei xeos flotantes, simples restos pálidos de vinte a vinte e cinco pés, formando escollos sobre os que batía o mar. O Nautilus mantíñase na superficie do océano. Ned Land, que pescara nos mares antárticos, estaba familiarizado co espectáculo daqueles icebergs. Conseil e mais eu admirabámolos por primeira vez.
Cachalotes e baleas
(14 de marzo de 1868)
Do 23 de febreiro ao 12 de marzo, o Nautilus, sen deixar o medio do Atlántico, transportounos a unha velocidade constante de cen leguas diarias. O capitán Nemo quería, evidentemente, cumprir o seu programa submarino, e eu non dubidaba que el desexaba, tras dobrar o cabo de Hornos, volver aos mares austrais do Pacífico.
Ned Land tiña, polo tanto, razón para o seu receo. Non se podía intentar abandonar o barco nin existía ningún medio para se opoñer á vontade do capitán Nemo. A única opción era a de someterse, mais a min gustábame pensar que poderiamos obter a través da persuasión o que non se consegue nin con forza nin con maña. Unha vez rematada a viaxe, non consentiría o capitán Nemo en devolvernos a liberdade baixo o xuramento de non revelar xamais a súa existencia?
A señorita Bubble
Ledicia Costas
A señorita Bubble chegara á vila 15 anos atrás e dende o primeiro momento os veciños non a quixeron. Dixeron que ocupara unha mansión que non era súa, o que era falso; que ía vestida de xeito raro, que era estranxeira, que tiña un singular xeito de vivir, que inventaba cousas raras…, ata chegaron a dicir que secuestraba nenos e que era meiga. Pero no interior da mansión da señorita Bubble sucedían cousas marabillosas…