Hoxe, 11 de novembro, tivemos a nosa primeira sesión do club de lectura "Faragullas de papel" deste curso. 

Presentámonos, falamos de que nos levou a participar no club de lectura e conversamos sobre lecturas, tipo de libros que nos gusta ler, e ata tivemos unha visita moi especial, unhas ex compañeiras fundadoras e participantes do noso club de lectura que este ano están xa no IES,...

Falamos do teatro, xénero protagonista este ano do cartel das Bibliotecas Escolares de Galicia. Observamos, analizamos e interpretamos as imaxes do cartel, compartimos o que sabemos sobre o teatro, descubrimos algunha cousiña nova  e presentamos o 1º libro deste curso: Wombo Combo, unha obra teatral de Paula Carballeira ilustrada por Paula Chesire. 

Descubrimos tamén algunhas outras historias da mesma autora así como outros libros de teatro cos que contamos  na nosa biblioteca .

Finalmente elaboramos un logo do club e fixemos chapas con el. 

ESCENA I de Teacher Marta

O pasado mes de outubro xuntámonos para presentar o noso club de lectura “Faragullas de Papel” ás nenas e nenos de 5º e 6º de primaria.

Na presentación para o alumnado de 6º compartimos a historia de Amani, de Miguel Anxo Prado, para animar aos nosos rapaces a unirse ao club de lectura e ser diferentes, ao igual que Amani.

A presentación ao alumnado de 5º correo a cargo de varias nenas de 6º, que lles contaron sobre o que acontece cando lemos coa historias “Cando leo”, de Eva Mejuto. Compartiron tamén algunhas das cousas que pasan cando lemos no club de lectura Faragullas.

Lemos, falamos do noso club e da experiencia nos pasados cursos, fixemos pegada de carteis e repartimos follas para anotarse.

Agardamos que, ao igual que Miguel Anxo Prado confía na aparición da especie “Hippopotamus pacificus”, esteamos ante a aparición dunha nova especie na nosa vila os“nenus lectorus”.

O pasado venres tivemos o placer de recibir na nosa biblioteca a autora local Lucía Ugarte. Puidemos entrevistala na radio e tamén nos dou unha charla para explicarnos moitas cousas da súa obra "Océanos de luz" e responder as nosas preguntas. Aquí vos deixamos unhas fotos desta sesión e o enlace para poder escoitar a entrevista. 

Moitísimas gracias, Lucía!

Este 24 de outubro, no que se celebra o Día das Bibliotecas, tivemos unha gran sorpresa no cole. Ao chegar ao centro, no vestíbulo, atopamos unha maleta moi chula con moitos libros no seu interior e ao seu redor. Poidemos botarlle un ollo e vimos algúns títulos como "Visitando el museo", "Mi libro de arte" ou "Carmen Amaya". 

Ao voltar do recreo, atopámonos con outra sorpresa: Pingüi, quen está recorrendo moitas cidades do planeta camiñando, enviounos un vídeo. Díxonos que estaba descubrindo cousas marabillosas e que quería compartilas con nós. Por iso, propúxonos un reto: tivemos que buscar nas aulas unha letra escondida e levala ao vestíbulo para que, os maiores do cole as xuntaran e así poder descubrir a frase escondida. Esta frase resultou ser o título que nos propón Pingüi para o proxecto documental integrado (PDI) deste curso escolar, sobre o que teremos que investigar.

No caso de Educación Infantil, tivemos que buscar as distintas pezas que formaban parte dun qrebacabezas coa imaxe de Pingüi cheo de cousas. Por que tería todas esas cousas colgadas e agarradas?

 Finalmente, puidemos descubrir o título do PDI que levaremos a cabo este ano: "CON OLLOS DE ARTISTA".

Agora tócanos comezar a investigar e a descubrir o mundo cunha nova mirada... Con ollos de artista!

DÍA DAS BIBLIOTECAS de Nerea Paz

O pasado 14 de outubro celebrouse o día das escritoras. Nós, baseándonos e inspirándonos na obra da autora local Lucía Ugarte, quixemos dedicarlle uns versos a distintas escritoras que coñecemos. Aquí podedes ver algunhas fotografías da exposición destes traballos.

14 de outubro Día das escritoras de Nerea Paz

Recomendacionsverán2024 

Dende o equipo de biblioteca, elaboramos enquisas para saber a vosa opinión sobre o funcionamento e as actividades da nosa biblioteca. Gustaríanos que as cubrísedes para poder mellorar. Sen a vosa axuda, isto non será posible. 

A continuación, aparecen as ligazóns para cubrir a enquisa correspondente: 

• Enquisa para o alumnado de EI, 1º e 2º de primaria: https://docs.google.com/forms/d/e/1FAIpQLSeEKCUO5XMv0hLDZCQDRBRo2_bxVe3A3JyfZBEmxhXd5gNtvQ/viewform?usp=sf_link

• Enquisa para o alumnado de 3º, 4º, 5º e 6º de primaria: https://docs.google.com/forms/d/e/1FAIpQLSfneCjAs9RVdKnm1fNJd6trZ7q1EykXg0SdUS2hluG9ymOx_w/viewform?usp=sf_link

• Enquisa para as familias: https://docs.google.com/forms/d/e/1FAIpQLSdot__-KfGrlHoyBNBsNSzEfGV2RNd-GLeK9EgD9IMWYcidNQ/viewform?usp=sf_link 

Grazas pola vosa colaboración!

Así rematamos as Faragullas, coa úlitma presentación do cómic, comendo, cantando e avaliando o club. Moitas grazas a todas por participar! Non puidemos ter uns lectores mellores!

Este curso, as tecedoras cambiaron de ferramentas, abandoaron o gancho e aprenderon a tecer en bastidores ou teares, unha técnica un pouco máis sinxela que lles permitiu facer as súas propias bufandas. Limos todos os poemas do ano pasado e incorporamos un novo que vos deixamos aquí. A profe Teresa axudoulles ademais a rematar os traballos e os seis nenos e nenas de 4º de EP que formaron parte do club levaron as súas prendas para a casa. De seguro non olvidan esta experiencia que levamos a cabo no recanto de lectura da entrada todos os mércores de primeiros de mes. Graciñas aos participantes e a Teresa Del Río que foi a que traballou a reo con eles! 

Na penúltima sesión do noso club lemos parte do libro "101 maneras de leer a todas horas" e escribimos ideas para ler, inventar e contar historias. Tamén repasamos momentos, libros, personaxes do club de este curso... e comezamos a montar o álbum das Faragullas 22/24. 

Na última sesión do club de lectura de adultas cada unha de nós trouxo o seu llibro de cabeceira infantil ou xuvenil e explicou os motivos de porque o escolleu. Houbo historias sobre libros de educación e pedagoxía, historias pintadas á man, libros que marcaron as oposicións, libros de familia, libros feitos á man... e mil narracións máis. Todas estas pezas estiveron na exposición de fin de curso do PDI "Todas temos unha historia que contar". Moitas grazas a todos os membros do club, dou gusto compartir con vós tempo e charlas. Mil anos de duración ás "Milfollas de papel"!

María e Graciela voltaron contar o último conto deste ano, neste caso ao alumnado de 5º de EI, o conto elixido foi "8 patas" de Ana Meilán, deixóunolo outra mamá colaboradora. Moitas grazas ás tres!

Graciela e María, mamás de nenos do centro, viñeron a contar contos a 6º de EI, desta volta tocoulle a quenda ao libro "Aquiles o puntiño" de Guia Risari e Marc Taeger da Editorial Kalandraka.

Como está rematando o curso, deixámosvos unha recompilación de fotografías dos diferentes programas que elaborou o alumnado de 4º de Educación Primaria coa intervención de varios/as nenos/as de 5º e 6º de Educación Infantil. en directo e por megafonía para todo o centro no recreo dos mércores. Nestes programas falaban do tempo, recomendaban libros, contaban algunha historia para dala a coñecer a todo o colexio e propoñían adiviñas sobre contos de literatura infantil. 

Esperamos que vos guste!

Mércores de radio