O 23 de abril, Día do Libro, tivemos a sorte de contar con Montse Pena Presas da Universidade de Santiago de Compostela, dentro programa lectura e familias. Montse fíxonos pasar unha entretida tarde entre libros e historias de literatura infantil e xuvenil, coma sempre, foi un pracer escoitala: "ler para ser, non so para saber". Graciñas por vir e por estar!

Aquí tedes algúns dos vídeos e audios que nos quedaban por publicar das esceas teatralizadas de "Unha veciña de película", estades feitos uns e unhas artistas!

Na sesión do club de hoxe intercambiamos grupos, os de "Irene, a porteira" desfrutamos das presentacións que nos fixeron unhas aportacións moi interesantes sobre o cómic que cada quen leu e celebramos o día do libro cunhas galletiñas das que non quedaron nin unha faragulla. O arrecendo das orellas do outro grupo tamén nos chegou ata a biblio. Foi unha sesión do club moi completa e moi literario - gastronómica!

O alumnado de 4ºB fixemos desdobres para poder traballar con profe Víctor na Createca de maneira máis práctica os conceptos de capacidade. Pasamos de cl a ml, medimos e tratamos de conseguir a cor exacta seguindo as instrucións que nos daban. Velaquí unhas imaxes de máxima concentración!

O 25 de abril renunímonos o club de lectura de adultas para falar do libro "Cerebro, Infancia y Juego" de María Couso. Pasamos unha tarde ben entretida entre xogos de mesa e conversas sobre os beneficios de xogar tanto adultas como pequenas, quen se anima? 

O luns 15 de abril comezamos co torneo de xadrez no que participan os/as alumnos/as voluntarios/as de 5º e 6º de educación primaria. Celébrase na biblioteca durante o tempo de recreo. 

Moitos participantes e moita emoción! Sorte a todas e a todos!

A escritora María Canosa veu manter unha charla co alumnado de 4º de EP que leron o seu libro "A cazadora de Estrelas". Estívonos falando sobre o proceso de creación da obra e outros temas nunha conversa literaria ben animada. Aquí vos deixamos unhas imaxes.

Nesta nova sesión do club intercambiamos faladoiros sobre "Irene, a porteira" e "A botella de lentellas". No primeiro caso foi unha sesión moi participativa aportando opinións e falando sobre as ilustracións, a visión da muller na época, outros posibles finais... No segundo caso estivemos tamén charlando sobre a cociña e as nosas experiencias con ela, outros posibles títulos para novas historias de lentellas e orellas.. Xa estamos esperando comelas!

Para o obradoiro de radio que fixemos con Luís Losada de Radio Espora o alumnado de 4º tivo que preparar os seus propios porgramas, un por aula.  O día 27 de abril conmemórase o Día Mundial da Saúde e  aquí tedes o resultado final dos seus traballos de investigación. 

O mércores 20 de marzo celebrouse o día da Narración Oral. As nenas e os nenos de Educación Infantil gozaron de contos lareteiros que nos trouxo Marisa Irimia. Historias compartidas grazas ao Concello de Carral.

Para conmemorar a Semana da Prensa (do 4 ao 8 de marzo) o equipo de Biblioteca e o equipo TIC propuxemos a elaboración dun xornal dixital con diferentes seccións (noticias, axenda cultural, recomendacións lectoras...) relacionado coa temática do noso PDI "Todas e todos temos unha historia que contar". 

Animámosvos a que o vexades!!

O alumnado de 5ºC de Educación Primaria elaborou un programa de radio sobre a orixe do 8M. Ademais, contaron as historias de varias mulleres que loitaron polos seus dereitos e destacaron en diferentes disciplinas como, por exemplo, a escritura. 

Animámosvos a que escoitedes este programa!

Xa temos listas as maletas viaxeiras para familias! Esta é unha iniciativa impulsada pola biblioteca escolar dentro do programa "Lectura e familias" e que pretende fomentar a lectura no fogar tanto con libros pensados para os nenos/as como para os adultos/as. A continuación deixámosvos unha explicación máis pormenorizada da maneira de solicitalas así como os materiais que conteñen.

O mércores 6 de marzo e o xoves 7 de marzo, as alumnas e os alumnos de 4º de Educación Primaria recibiron unha formación sobre o funcionamento da radio na biblioteca con Luís Losada de Radio Espora. 

Aquí podedes ver algunhas imaxes deste obradoiro. 

Na sesión do club de lectura deste luns 4 de febreiro, os que limos "A botella de lentellas" de Leticia Barbadillo, fixemos as nosas propias botellas. Estreamos a nova Createca amasando, condimentando, fritindo e como non... comendo! Cada orella, coas súa forma e textura, inspirounos posibles novas historias para poder escoitar. E ti, comiche orellas este Entroido? Que historias escoitaron? A verdade é que pasamos unha tarde ben entretida chea de aventuras, cociña e convivencia. Aquí tedes un vídeo do proceso.

Mentras tanto, na sesión "Historias en cómic" cada participante compartiu a banda deseñada que lles tocara ler. Deron a súa opinión e fixeron reseñas orais. Algúns prepararon ademais un cartel para contalo, outros un xogo de tarxetas, presentacións... Descubrimos así varias das novidades de cómic que temos na nosa biblio das que analizamos as ilustracións, as cores, o estilo...