Como novembro é o mes da ciencia en galego nas bibliotecas, durante a última semana deste mes levamos a cabo dende o Equipo de Biblioteca unha proposta chamada "Ciénciame un conto".

As nenas e os nenos experimentaron partindo dos/as protagonistas e das temáticas de varios libros da nosa biblioteca que están en galego.

Vede na presentación os resultados da actividade! Incluso podedes probar a facer os experimentos na casa coas nosas intrucións.

Espero que vos guste!

Ciénciame un conto

Nesta primeira reunión das faragullas traballamos cos libros "Sentinelas do silencio" de Beatriz Maceda e "Unha veciña de película" de Iria Misa.

Estes son o guión e unhas imaxes dos momentos do faladoiro de "Unha veciña de película":

PRESENTACIÓN VECIÑA de bibliosbardos Carral

As "Sentinelas" dividimos o libro en dúas partes, nesta primeira reunión tivemoso primeiro faladoiro e a actividade de decoración de carteis con motivos naturais. 

Na parte da conversa debatimos sobre vivir no campo ou na cidade, sobre as personaxes tan diversas do libro, e puxémoslle puntuación xeral á lectura. Ademais intercambiamos calcetíns diferentes para convertirnos nós tamén en sentinelas do silencio. Dedicamos os últimos minutos a pintar con follas de carballo e castiñeiro unhas madeiras que sinalizarán o noso horto escolar. 

Limos, falamos, pintamos.... pero tamén tivemos un momentiños para degustar todas xuntas as galletas que nos truxeron Nicole e Alberto de Madrid cando foron recoller o noso premio. 

Na biblioteca habilitamos un novo espazo para o Club de Lectura. Como podedes ver, aparecen todas as lecturas do club, tanto de nen@s como a de adultas, e o gran premido recibido en Madrid!

O venres 24 de novembro todo o colexio escoitamos o programa sobre o 25N, o día internacional da eliminación da violencia contra a muller, levado a cabo polo alumnado de 6º curso de educación primaria. A maiores, neste programa aparece un bonito poema recitado polas nenas e nenos de 2ºC de educación primaria.

Esperamos que vos guste!

Nesta primeira reunión do club de lectura de persoas adultas as 11 persoas que conformamos o club (seis nais e cinco mestras) estivemos falando sobre a lectura, puxémoslle nome ao club, recordamos os usos da plataforma Galicia.le e realizamos chapas identificativas. Ademais repartimos os libros que nos prestaron dende o CRA de Culleredo (aos que dende aquí llee queremos agradecer enormemente o seu xesto desinteresado). Somos MILLFOLLAS DE PAPEL, nome que está relacionado coas nosas queridas e miúdas Faragullas de papel (o club infantil) e tamén co pan, o sello identificativo de Carral. Aquí vos deixamos unhas imaxes.

Varios/as nenos/as de 5ºB contaron a historia do Magosto no seu programa de radio. A maiores, incluíron palabras do Magosto e recomendacións lectoras da biblioteca.

Espero que vos guste!

O alumnado de 5ºB de Educación Primaria elaborou un programa de radio sobre o Día das Escritoras. A maiores, incluíron información sobre Begoña Oro, a escritora do libro "Poesías para ser feliz como una perdiz" que llo leron os/as compañeiros/as de 5ºA na hora de ler.

Espero que vos guste!

Na semana do 6 ao 10 de novembro comezamos cos acompañementos lectores no noso cole. Dende o equipo de biblioteca, mandáronse unhas recomendacións para os acompañantes e os/as acompañados/as coa finalidade de favorecer eses encontros lectores.

acompañamentos lectores

Estamos moi contentos e contentas porque, dende o colexio, fomos ás entregas do terceiro premio do Club de Lectura a Santiago de Compostela e a Madrid.

É importante agradecer este traballo a todos/as os/as profes que participaron nesta pequena familia de Faragullas de papel: Lidia, Marta Maceira, Patricia, Alberto e Nicole, pero, sobre todo, a todos/as os/as nenos/as de 5º e 6º de educación primaria do curso 22/23. Sen a participación de todo este alumnado sería imposible conseguir este premio.

O premio é voso!

Onte tivemos a primeira reunión do club de lectura "Faragullas de Papel" do que formamos parte este ano 31 nenos e nenas de 5º e 6º e catro profes. Falamos do premio que nos diron e entregamos unhas pulseiras co símbolo do infinito que representan as nosas infinitas ganas de ler.  Ademais presentámonos, explicamos algunhas normas de funcionamento, dimos a coñecer os libros deste trimestre e algunhas das súas actividades e explicamos brevemente o uso de plataformas de lectura en liña como E-LBE ou Galicia.Le.

Convocamos o concurso de logos para representar o noso proxecto de centro "Todas e todos temos unha historia que contar". O logo escollido representará o noso proxecto e todas as actividades que se fagan dentro del.

Para participar, só tedes que descargar o formato de logo adxunto nesta publicación ou ben facelo vós (é un círculo sinxelo) e logo entregarllo ao voso/a mestre/a. Todos os logos serán publicados na páxina web e expostos na biblioteca.

Ademais, non vos esquezades de mirar as recomendacións para facer un logo. Son moi útiles para elaborar o noso logo!

É importante entregalo antes do 30 de novembro.

Animádevos a participar!

Como é de costume, no día das Bibliotecas Escolares, celebrado o 24 de outubro de 2023, entregamos uns agasallos aos alumnos e ás alumnas máis lectoras do curso pasado. Neste curso os premiados foron: Mara (6ºB), Sebastián (3ºA) e Alba (6ºB).

Noraboa a estes/as compañeiros/as! Moi merecidos estes premios!

O 11 de outubro de 2023 levamos a cabo o primeiro Consello da Infancia deste curso 2023/2024. Nel, desvelamos o título e a temática do noso PDI deste curso, "Todas e todos temos unha historia que contar". Os representantes do Consello da Infancia estiveron analizando unhas fotografías misteriosas que apareceron pegadas polos corredores do cole. 

O luns 16 de outubro, celebramos o Día das Escritoras a traveś da nosa actividade "Elas contan historias". Cada grupo escolleu a unha escritora e unha das súas historias para ir lerlla a outra clase do mesmo nivel. A cambio, a outra aula debía elaborar unha folla de outono (aproveitando a estación) incluíndo unha fotografía e información sobre a escritora da historia que lle leron. 

Aquí podedes ver os resultados da nosa actividade!

Espero que vos guste!