Este luns 15 de abril o profesorado do Centro e as nais do ANPA tivemos a oportunidade de asistir a unha pequena xornada de actualización e formación no ámbito das emerxencias, impartida por AGATE (Asociación Galega de Técnicos en Emerxencias) . A primeira parte da charla abordamos o xeito de atender urxencias derivadas de alerxias alimentarias, diabetes e ataques epilépticos. Na segunda parte realizamos prácticas de RCP (reanimación cardio-pulmonar), atendendo as dferencias entre lactantes, nenos e adultos. Dende aquí agradecemos á directiva da ANPA as xestións realizadas para a celebración desta actividade formativa, e como non, á colaboración desinteresada dos técnicos de emerxencias.