Escolares
PROXECTO 3º TRIMESTRE
E fomos exploradores e exploradoras neste 3º trimestre!
Que mellor época que a primavera para observar a natureza?
Neste trimestre o proxecto de ciencias o dedicamos aos seres vivos e ás persoas, atendendo ao corpo, aos hábitos saudables e a como nos agrupamos (familia/localidade).
Dentro dos seres vivos puxemos especial atención á especie dos animais invertebrados.
Comezamos o trimestre con charlas sobre o mundo das abellas e logo trouxemos formigas, caracois, bolboretas, vermes de seda... para observalos e aprender moito sobre eles.
Aproveitamos ás saídas á natureza para seguir observando e aprendendo de todos os animais e plantas que atopamos.
E por suposto aprendemos a respectalos e coidalos!
FESTA DE FIN DE CICLO DE ED. INFANTIL E GRADUACIÓN DE ED. PRIMARIA
A fin de curso tamén leva consigo ás veces a fin dunha etapa para comezar outra nova.
Isto é o que lles acontece aos nenos e nenas de 5 anos que rematan a etapa de Ed. Infantil e aos que queremos darlles a benvida á Ed. Primaria, e aos nosos mozos e mozas de 6º de Ed. Primaria que marchan ao instituto para comezar á ESO
Foron uns intres de compartir lembranzas e cariño mutuo moi emocionantes!
FESTIVAL FIN DE CURSO 21/22
E por fin chegou un das festas máis agardadas!
O festival de fin de curso!
Xa por fin as nais, os pais e demais familia puidestes gozar con nós da arte dos nosos alumnos e alumnas que nos deixaron coa boca aberta coma sempre!
Bravo!
Queremos das as grazas ás mestras de música Lucía e Bibi por organizalo con tanto esforzo e cariño.
GAÑADORES CONCURSO OS BOLECHAS
Estamos moi felices de contarvos que gañamos un premio no concurso dos Bolechas do Día das Letras Galegas!
CHARLAS COIDADO DOS ANIMAIS
CHARLAS DE CONCIENCIACIÓN E SENSIBILIZACIÓN SOBRE A IMPORTANCIA DO COIDADO DOS ANIMAIS
Durante o mes de abril os nenos e nenas de Ed. Infantil e agora en maio os alumnos e alumnas de Ed. Primaria recibiron unhas charlas de sensibilización sobre o maltrato e abandono de animais por parte da Asociación sen ánimo de lucro PROTECTORA OS BIOSBARDOS de Ponteareas.
Faláronnos de como axudan aos animais abandonados ou que viven na rúa a atopar unha nova familia e concienciáronnos de que hai que ser responsables co seu coidado.
Tamén nos invitaron a que fósemos coñecer as súas instalacións e déronnos as grazas pola vosa aportación traendo produtos para os canciños e gatiños que coidan.
MOITAS GRAZAS DE CORAZÓN, FAMILIAS!
DÍA DAS LETRAS GALEGAS 2022
Así celebramos o Día das LETRAS GALEGAS
Estamos a traballar nestes días a obra e vida de Florencio Delgado Gurriarán nas aulas, así como os símbolos de Galicia.
No acto que se celebrou onte día 16 algúns nenos e nenas leron un manifesto a prol da nosa lingua e tamén tivemos a sorte de contar con Cé Orquestra Pantasma que nos fixo cantar e bailar coma tolos!
VIVA O GALEGO!
Esta actividade estivo organizada polo equipo de Dinamización da Lingua Galega
CONCURSO BOOKFACE
Os premiados/as no concurso do BOOKFACE foron:
3 anos A: Mara
4 anos B: Daniela
5 anos A: Héctor
5 anos B: Izan
1ºA: Iago
1ºB: Antía
1ºC: Gabriela
2ºA: Carlos
2ºB: Laura
3ºA: Sabela
3ºB: Noa
3ºC: Xes
4ºA: Noa
4ºB: Brais
4ºC: Cristina
5ºA: Braiam
5ºB: Noa
6ºA: Adrián
6ºB: Laura
6ºC: Hugo e Iker
NORABOA!!!!!
Moitas grazas por participar a todos e todas!!
Todas as fotos foron xeniais e estivo moi difícil escoller a gañadora de cada aula.
Esta actividade estivo organizada polo equipo de Biblioteca.
Mamá Cabra, "Tan só con leres un libro"
PROXECTO CIENCIAS SOCIAIS E CIENCIAS DA NATUREZA
Queredes ver como resultou o proxecto de Ciencias Sociais e Ciencias da Natureza do 2º trimestre?
Podemos dicirvos que estamos moi contentos/as porque aos nenos/as lles encantou e ademais de aprenderen moitísimo o pasaron fenomenal!
Comezamos á volta das vacacións de Nadal apadriñando un pingüín na Antártida, un xesto simbólico pero que lles fixo entender que todos os seres vivos de calquera punto do noso planeta dependen do bo comportamento de todos e cada un de nós. Por iso investigamos sobre o 3 Rs: Reciclar, reducir e reutilizar.
Logo pasamos a investigar sobre o Big-bang e a orixe do universo, o sistema solar e as constelacións. Esta parte quedou moi ben reforzada coa visita do planetario ao noso centro.
Centrámonos despois no noso planeta e aprendemos sobre as súas partes: atmosfera, hidrosfera e xeosfera.
Achegámonos á investigación científica con experimentos sobre a auga, o aire, materiais como o azucre...e aprendemos sobre aparatos e instrumentos como o reloxo de sol, a rosa dos ventos, a estación metereolóxica, a solarigrafía e a cámara estenopeica.
Como podedes ver foi unha vez máis unha aprendizaxe globalizada xa que as linguas estiveron presentes traballando as biografías de astronautas, inventando planetas e as súas características, lendo sobre as historias das constelacións, escribindo definicións cun pasapalabra...
A expresión oral tamén a traballamos elaborando vídeos onde os alumno/as explicaban os movementos da Terra, as fases da Lúa...
En matemáticas calculamos o noso peso nos diferentes planetas, medidas de capacidade, volume, masa...
En informática tivemos que investigar e redactar.
En música aprendemos moitas cancións e coa plástica puidemos construír todo o que vedes nas imaxes.
Aprendemos moito uns dos outros e pasámolo xenial xogando coas actividades expostas nos corredores de cada nivel.
Que nos traerá o 3º trimestre...?
Seremos EXPLORADORES DE VIDA!
DÍA INTERNACIONAL DA SAÚDE
Esta semana celebramos no cole o Día internacional da Saúde (7 de abril)
Como xa sabedes, este curso temos como eixe común os "Hábitos Saudables", así que lles propuxemos aos neno/as que se converteran en chefs e se prepararan unha merenda saudable a base de froita.
Tamén falamos destes alimentos e das vitaminas e minerais que nos aportan en contra doutros produtos que só aportan calorías ocas e graxas saturadas. Queremos conciencialos e que saiban distinguir entre alimento e produto.
Houbo moita creatividade, moito colorido e gozaron dun bo festín!
Esta actividade estivo organizada polo equipo de Convivencia e Imaxe.
- « primeira
- ‹ anterior
- …
- 7
- 8
- 9
- 10
- 11
- 12
- 13
- 14
- 15
- seguinte ›
- última »
