O pasado 30 de outubro celebramos o Samaín facendo os obradoiros que xa son tradición na nosa escola.

O alumnado foi rotando polas distintas actividades, que neste caso foron:

- Trick or Treat: no cal aprendemos moito vocabulario sobre Halloween a través de distintos xogos.

- Manualidade de Samaín: onde fixemos unha bonita coroa de caveiras e flores, inspirada no Día dos Mortos de México.

- Move o esquelete!: aquí tocounos facer algo de exercicio mediante algunhas dinámicas relacionadas con personaxes de terror.

- Contacontos de Samaín: realizado polo alumnado de 5º na biblioteca do centro.

A continuación podedes ver o vídeo coas fotografías deste divertido día.

O mércores 15 de novembro, dúas mestras da escola, foron a Santiago de Compostela ás xornadas de Meteoescolas. Alí ademais de recibir formación, foron obsequiadas co DIPLOMA DE EXCELENCIA polo proxecto do ano anterior e un agasallo: un termómetro de terra que finalmente instalouse nas hortas do colexio de Infantil para que os máis pequenos da escola teñan a posibilidade de medir a temperatura.

Moitas grazas a todo o Equipo de Meteogalicia polo recoñecemento e o agasallo!

MAGOSTO

Un ano máis co San Martiño trompos ao camiño e co Magosto castañas asadas e xogos populares que nolos trae, unha vez máis, a Asociación Corredoiras. Ás 12 xa estabamos todxs preparadxs e algo nerviosxs por descubrir os xogos que nos traían para esta nova xornada. Houbo de todo un pouco: corda, rá, buxainas, cachiza, zancos, chave, pelouros, carozos... Cando rematamos, Ramón xa nos tiña as castañas asadas e listas para papar. Logo entre todxs recollemos o lixo e como aínda sobraran algunhas castañas, levamos para casa un puñado para degustar en familia. Grazas a Corredoiras polo seu tempo e por amosarnos eses xogos de onte e de hoxe que tanto nos DIVIRTEN.

 BALONMÁN CO XOGADE

Esta vez tocoulles aos nenxs de 3º de Primaria participar no programa XOGADE. Así durante catro semanas seguidas todos os luns, grazas a este programa, tivemos a visita de Miguel Pousada, xogador do Clube Balonmán Cangas. Traballamos o pase, o bote, o tiro e para rematar estas catro sesións un partido, que xa tiñamos ganas de por en práctica todo o aprendido. Grazas Miguel volta cando queiras para ensinarnos algo máis sobre o teu deporte, O BALONMÁN.

CARREIRA PEDESTRE DE SAN MARTIÑO

Esta fin de semana celébrase a XXVII Carreira Pedestre de San Martiño. Será o sábado 9 de novembro a partires das 17:00 h nos redores do Centro Social do Mar de Bueu. Na ligazón seguinte podedes realizar a inscripción que será gratuita para a rapazada.

https://ccnorte.com/evento/detalle/id/2882/xxvii-carreira-pedestre-de-san-martino-bueu-2024

Como sabedes, o pasado mércores 30 de novembro celebramos o Samaín na nosa escola. 

Unha das actividades que levamos a cabo foi o obradoiro do DÍGOCHO EU, no que o alumnado de primeiro ciclo signou palabras relacionadas co Samaín e co outono, grazas á axuda de Rosa, a intérprete do centro. 

No seguinte vídeo podedes ver o ben que o fixeron!!!

O pasado mércores 30 de outubro celebramos o Samaín no cole. Disfrutamos cos diferentes obradoiros propostos por ciclos.

Este ano, realizamos unha coroa no obradoiro de Suso, despois fomos espectadores de dous contos nos que actuaba a rapazada de 6º. Que medo! Veu a Santa Compaña! 

Daisy propúxonos o obradoiro de TRICK OR TREAT no que poñíamos á proba a nosa atención. E no último, José Ángel fíxonos MOVER O ESQUELETE!

Para finalizar a mañá, merendola, música e FESTAAAA!!

QUE BEN O PASAMOS!

A última semana de outubro dedicámola a aprender moitas cousas sobre o Samaín realizando actividades plásticas, participando na exposición terrorífica de cabazas, colaborando no mural cooperativo cun monicreque-monifate de meiga arrepiante e memorizando unha copla simpática para espantar os medos e malos augurios. Como colofón, celebramos uns obradoiros alusivos con actividades variadas: contacontos de medo escenificados, construción e decoración  dunha cabaza e un “DÍGOCHO EU”  de vocabulario de Samaín-outono en lingua de signos.

No seguinte vídeo podedes ver algunha cousiña.

Nesta entrada queremos acordarnos de todos os nenos e nenas e de todas as persoas das comunidades que sufriron e faleceron na DANA. Amosámosvos todo o noso agarimo.

AMADRIÑAMENTOS E APADRIÑAMENTOS LECTORES

O 24 de outubro é data maís sinalada no  cole. O noso polbiño Papirus está de aniversario e temos que celebralo por todo o alto.

O alumnado de terceiro xa levabamos uns diíñas ensaiando as obras que lle queriamos representar ás nosas afilladas e afillados lectores. 

Chegado o día fomos buscalxs ás aulas de infantil "QUE RECORDOS" ! Eran os nenos e nenas das profes Toñi e Teru, que foron as nosa mestras, e ás que lles temos un cariño inmenso.

Todxs xuntiñxs, collidxs da man fomos ao Bibliocastelo. Os pelouriños e os furabolos sentáronse esperando que comezara o teatro.

 E nós, emocionadxs, empezamos as nosas obras!

A CASA DA MOSCA CHOSCA

O COELLIÑO BRANCO

Os pelouriños e os furabolos agradeceron a nosa representación e agasalláronnos cunhas tarxetiñas e uns mini Papirus preciosos. 

Logo fomos ver o vídeo de presentación do proxecto deste ano que fixeron o alumnado de sexto:

QUE SUBA O PANO!

Finalmente cantámoslle os parabéns a Papirus!

Foi un día moi especial, deses que nos encantaría repetir!