O último día do mes de maio e para rematar o proxecto sobre as abellas que o alumnado de 2º de primaria traballou neste curso gozou, na biblioteca da escola, da visita de dous científicos do departamento de Ciencias da Vida e Ecoloxía da universidade de Alcalá de Henares, José Manuel Fernández Pereira e Salvador Rebollo de la Torre.

Compartiron co alumnado o proxecto de investigación no que están a traballar. Contáronlle que levan estudando dende hai anos como a ave rapaz “abejero europeo” actúa como depredadora dos panais das avespas asiáticas.

Salva e Jose expresáronse cunha linguaxe moi cercana, didáctica  e motivadora xa que souberon manter a atención e a curiosidade do alumnado durante moito tempo. Ademais, viñeron cheos de materiais que empregan nas saídas ao campo para amosarllos ao alumnado: cámaras, traxes, chips e mesmo un niño xigante de velutina e un bufo trampa.

Tamén, insistiron no importantísimo que é para a ciencia a realización do traballo en equipo e de que este estea formado por persoas de xénero diferente.

Ao terminar a charla, os nenos e nenas manifestaron as súas opinións expresando que aprenderan moitas cousas e que estivera moi interesante. Tanto é así, que algúns dicían que de grandes ían ser científicos.

A modo de conclusión, comentar que unha nena resumiu o encontro con Jose e Salva deste xeito: “Os científicos sempre se están facendo preguntas e se responden con outra pregunta”

 

Moitas grazas equipo por compartir con noso alumnado o voso proxecto!

Aquí queda algunha foto da xornada.

 

 

 

 

O mellor día do curso, fíxose realidade o 28 de maio, cando o alumnado de terceiro e cuarto fomos de excursión  a Aventura  Dakart en Sanxenxo e ao Acurio do Grove.

No vídeo  seguinte tedes un resumo de imaxes e momentos para que poidades comprobar o ben que o pasamos.

 Sen dúbida repetiremos!

Neste libro, elaborado con todo o amor do mundo, quixemos unir o proxecto interdiscipinair deste curso "As Olimpíadas de Papirus" e ademais poñer en valor o deporte realizado por mulleres.

Tratamos de incluír principañmente deportistas galegas pero tamén engadimos mulleres de outras comunidades de España. Hai moita variedade de disciplinas e tivemos moi conta o deporte adaptado

Esperamos que gocedes coñecéndoas tanto coma nós.

 

Coñecemos os hologramas. Unha experiencia sinxela pero interesante!

 

 

 

 

Bolsas e axudas para alumnado NEAE

 

2024-2025

 

Seguindo a normativa de referencia:

Resolución do 12 de abril de 2024, da Secretaría de Estado de Educación pola que se convocan axudas para alumnado con necesidade específica de apoio educativa para o curso 2024-2025.

 

Para cumprimentar a solicitude hai que facela a través da páxina web do Ministerio de Educación:

 https://sede.educacion.gob.es/sede/login/inicio.jjsp?idConvocatoria=2109

 

 

 

 

 

Fondo Solidario de libros de texto

e as Axudas para adquirir libros de texto

e Material escolar

para o curso 2024/2025.

 

ORDE do 7 de maio de 2024

 

CADRO RESUMO FONDO E AXUDAS

 

• O alumnado de 5º e 6º de Primaria está excluído da axuda para Libros de texto e tamén do Fondo de Libros xa que están incluídos no Proxecto E-DIXGAL. Sen embargo, SI poden solicitar a axuda para material escolar.

• O alumnado de 3º e 4º de Primaria poden solicitar o FONDO SOLIDARIO DE LIBROS DE TEXTO, o cal se asignará por orde inversa á renda per cápita da unidade familiar ata esgotar existencias do centro.

• As axudas para o material escolar está destinada a todo primaria, tendo en conta a renda per cápita do cadro anterior asignarase 75€ ou 60€.

  MODO DE PRESENTACIÓN DAS SOLICITUDES

• De forma presencial no centro, previamente dende a secretaría do mesmo entrégase a solicitude (ED330B) para cumprimentar e adxuntar a documentación necesaria fotocopiada e coa orixinal para cotexar.

• De forma presencial no centro, pero cumprimentada dixitalmente a solicitude ED330B (Anexo I e Anexo II) a través da Aplicación FONDOLIBROS. Posteriormente, imprímense e entréganse en secretaría.

• De forma telemática, a través da Sede Electrónica da Xunta de Galicia empregando a Chave 365 ou Certificado Dixital.

 

DOCUMENTACIÓN

 ( cando se autorice a consulta telemática)

• Impreso da solicitude (ED330B) o Anexo I e Anexo II.
• Copia do libro de familia ou equivalente onde figuren todos os membros computables. (Situación real a 31 de decembro de 2022).
• E de ser o caso, sería necesario presentar tamén:
• Sentenza xudicial de separación e/ou convenio regulador onde conste a atribución da custodia do/da menor.
• Certificado de convivencia se a sentenza e o convenio non representan a situación real.
• Documentación xustificativa de violencia de xénero.
• Certificado do grao de discapacidade, se o órgano non pertence á Xunta de Galicia.
• Certificado de defunción, de ser o caso.

PRAZOS PARA PRESENTAR SOLICITUDES

 

Do 21 de maio ao 21 de xuño.

 

PUBLICACIÓNS FONDO SOLIDARIO

As listaxes publicaranse única e exclusivamente no taboleiro de anuncios situado no interior do edificio escolar.

Así mesmo, as persoas solicitantes poderán acceder por vía electrónica ao seu expediente, a través da aplicación FONDOLIBROS, empregando a Chave 365 ou o Certificado Dixital.

Datas límites:

 LISTAXES PROVISIONAIS (3º e 4º) 12 de xullo 2024.

RECLAMACIÓN ÁS LISTAXES PROVISIONAIS: 2 días seguintes á súa publicación.

LISTAXES DEFINITIVAS (3º e 4º) 26 de xullo 2024.

 

 

 

 

 

 

 

 

 

 

 

 

 

 

 

Este é o mural dedicado a LUÍSA VILLALTA, que preside a entrada do noso cole. Todo o alumnado do cole puxo o seu  anaco para que o resultado final fose este.

Mentres a rapazada de infantil decorou as letras, o alumnado de primeiro ciclo reproduCIU citas da escritora coruñesa,  o de segundo ciclo deixou constancia de partes importantes da súa biografía e do seu activismo social e o de terceiro ciclo escribiu nos pentagramas algún poema.

 

Esta é a aportación e cuarto de primaria.

 

Celebramos a  festa das letras galegas este mércores despois do recreo. Primeiro lemos as nosas aportacións no mural.

 

 Finalmente cantamos todxs xuntxs o himno galego.

 

Este luns, 13 de maio, o alumnado de cuarto tivemos a sorte de elaborar alfombras no patio do noso cole grazas á iniciativa da asociación “Cunchas e flores de Bueu”.

Contáronnos a importancia desta tradición en Bueu e  que a súa intención e que a rapazada a continuemos. Despois fomos directamente para o patio cuberto porque a meteoroloxía non nos permitiu outra opción. Pasámolo xenial! 

Realizamos todas as fases: Primeiro pintamos con xiz os debuxos, despois perfilamos con cunchas e por último enchemos os ocos dos debuxos  con  cores diversas. Quedounos perfecto!

 

 

 

Somos moitxs os que este ano queremos repetir a experiencia nas rúas de Bueu o próximo 1 de xuño.

 

TRIATLÓN CON PHOENIX KIDS E JAVIER GÓMEZ NOYA

Hoxe tivemos o pracer de compartir unha xornada de promoción da actividade física e hábitos saudables en idade escolar, grazas á fundación  PHOENIX KIDS Triatlón da que é embaixador o triatleta olímpico Javier Gómez Noya.

A actividade comezou cunha pequena charla informativa sobre os múltiples beneficios da actividade física e o deporte sobre a nosa saúde, tanto física como mental e incluso no noso rendimento escolar.

A continuación Victor, María e Manu explicáronnos as diferentes probas de hábilidade que iamos realizar: unha de forza co dinamómetro, outra de resistencia en barra, a de salto tanto en altura como en lonxitude e a última de velocidade de reacción.

Xa só nos quedaba ir pasando por cada unha delas e anotar na acreditación que nos regalaron os nosos rexistros.  Grazas a Javier Gómez Noya e Phoenix Kids polo seu tempo e o agasallo.

 

 

Co gallo do noso proxecto de centro, AS OLIMPÍADAS DE PAPIRUS, seguimos realizando actividades relacionadas co deporte.

Este mércores, 8 de maio, o alumnado de primeiro, segundo, terceiro e cuarto gozamos dunha moi divertida e instrutiva..
Encantounos esta visita da Asociación Pho3nix kids, da que Javier Gómez Noya é o seu embaixador. Ten como obxectivo promocionar e fomentar a diversión realizando exercicio físico entre os nenos e as nenas coa práctica do triatlón. Pois obxectivo conseguido con todo o alumnado participante do CEIP PLURILINGÜE A PEDRA, parabéns polo voso traballo
Moitas grazas!

 

As rúas de Bueu convertéronse nunha auténtica festa, este martes, 7 de maio, ao recibir a visita do alumnado dos colexios de toda a comarca no Correlingua da comarca.

Baixo o lema “Dende aquí ata acolá,  galego xa” a rapazada percorreu as rúas para reivindicar  o uso da nosa lingua.

Tras a marcha reuníronse na praza Massó para escoitar o manifesto da actriz Isabel Risco e do alumnado do IES Joham Carballeira. Despois de merendar a festa continuou co concerto do grupo infantil A Gramola Gominola.

 

Os nenos e nenas do CEIP A Pedra de Bueu levaban camiseta branca na que levaban unha palabra relacionada co deporte, relacionando así esta conmemoración co PDI do centro "As Olimpíadasde Papirus"