Curso 2021/2022

Programacións do Departamento de Matemáticas - Curso 2023-24

Mar, 05/12/2023 - 13:03 — perezfraga

Ligazóns ás programacións do departamento:

blogue de perezfraga

TURISTEART' 22

Xov, 30/06/2022 - 16:38 — noeliaperez

O departamento de Xeografía e Historia propuxo ao alumnado de 3º ESO a elaboración dun tríptico turístico do concello de Arteixo.

A participación do alumnado foi moi elevada e o xurado conformado por profesores do departamento de Plástica, Tecnoloxía e Lingua Galega tivo difícil escoller o tríptico gañador.

Finalmente, as premiadas foron un grupo de alumnas de 3º ESO A.

Moitos parabéns ás galardoadas e mais ao profesorado que lles propuxo esta actividade coa que podemos coñecer os lugares máis emblemáticos do noso concello.

Achegamos imaxes do tríptico e da entrega de premios.

blogue de noeliaperez

Graduación 4º da ESO 27/6/2022

Mér, 29/06/2022 - 20:40 — martin.regueiro

O pasado Luns 27 de Xuño, tivo lugar no Centro Cívico de Arteixo, o Acto de Graduación dos alumnos de 4º da ESO do IES de Pastoriza. O evento estivo cargado de grandes emocións, e alumnado, profesorado e familias puideron pasar uns momentos moi entrañables que seguro que ficarán nas memorias dos presentes durante moito tempo.

Achegamos un enlace ao album de fotos deste día.

Gustaríanos por último, dar as grazas a Emilio, profesor de Educación Física do centro, polo reportaxe fotográfico.

SAÍDA do CLUB de LECTURA a NORA dos LIBROS

Xov, 16/06/2022 - 16:30 — gloriadelpino

O día 15 de xuño, os membros do Club de lectura a Nora dos libros, fixemos unha saída para celebrar o final de curso.

Estivemos na área recreativa de Gabenlle (Laracha) e pasámolo xenial: fixemos unha sesión do Club sobre El principito (con concurso e agasallo incluido), logo unha andaina polo paseo fluvial e, antes de volver a Arteixo, unha merendola para repoñer forzas.

MOITÍSIMAS GRAZAS pola vosa colaboración, rapazada! Pola vosa ilusión ao longo do curso e por depositar a vosa confianza no noso Club e na nosa Biblioteca!!!

Esperámosvos o próximo curso!

FOTOS

Calendario fin de curso 21-22

Mar, 07/06/2022 - 11:47 — Anónimo

1 REMATE DAS ACTIVIDADES LECTIVAS: 22 de xuño (mércores). Devolución dos libros do fondo solidario.

2 AVALIACIÓNS ORDINARIAS (FINAIS): 23 de xuño (xoves).

3 ENTREGA DE BOLETÍNS DE CUALIFICACIÓNS: o lúns 27 (lúns) de xuño ás 11:00 h.

4 MATRÍCULA PARA O CURSO 2022-23: Do 28 de xuño ata o 10 de xullo nas Oficinas en horario de 10:00 a 13:30 horas.

5 REVISIÓNS E RECLAMACIÓNS: (Orde 28 agosto 1995, BOE do 20/09):

27 a 28 xuño

Revisión de exames de 10:30 a 12:30h: Os alumnos dirixiranse aos Departamentos das materias correspondentes para a revisión dos exames cos respectivos profesores.

Solicitude por escrito (no caso de non estar de acordo coa revisión anterior), por parte dos alumnos ou os seus pais ou titores, de revisión da cualificación final obtida nunha materia ou de revisión da decisión de non promoción ou titulación. Estas solicitudes, que deberán conter cantas alegacións xustifiquen a disconformidade coas decisións adoptadas, serán entregadas en Xefatura de estudos antes das 13:30 horas do 28 de xuño.

29 xuño

Comunicación da resolución do Departamento didáctico ao alumno ou pais.

Reclamación ante a Xefatura Territorial por desacordo do alumno ou pais coa revisión da cualificación nunha materia:

No caso de que persista o desacordo, alumno ou pais ou titores poderán solicitar por escrito á Dirección, no prazo de dous días a partir da última comunicación do centro, que eleve a reclamación a instancias superiores.

blogue de

Obradoiros "Día de Rosalía" en 4º ESO.

Xov, 26/05/2022 - 09:17 — noeliaperez

O luns, 23 de maio, a poeta Dores Tembrás impartiu dous obradoiros no noso centro arredor da poesía máis reivindicativa e afouta de Rosalía de Castro nos que nos achegou a beleza, a forza e o sentimento da palabra e onde o alumnado de 4º ESO tivo oportunidade de compartir impresións cheas de creatividade, ideas e pensamento coa escritora.

Infindas grazas a Dores e mais á Asociación de Escritores en Lingua Galega por estes obradoiros para conmemorar o Día de Rosalía.

Ligazón ás imaxes deste día.

blogue de noeliaperez

Correlingua 2022.

Xov, 19/05/2022 - 09:40 — noeliaperez

O alumnado de 4º ESO asistiu o 18 de maio ao Correlingua que se celebrou no Pazo da Cultura de Carballo, onde viron a actuación musical da banda nicrariense, Mekánika Rolling Band.

Compartimos a publicación de La Voz de Galicia sobre este evento e tamén deixamos imaxes dunha xornada chea de humor e música en defensa da nosa lingua.

blogue de noeliaperez

Encontro literario con Héctor Cajaraville.

Mér, 11/05/2022 - 09:49 — noeliaperez

O luns, 9 de maio o alumnado de 2º e 3º ESO tivo un encontro moi ameno e didáctico co escritor galego Héctor Cajaraville no que tiveron oportunidade de comentar a súa obra, “Os Metrosiderais”, así como o proceso de creación literaria desta novela en que os diferentes, os que saen da normativa... acaban manifestando o poder da unión por riba de calquera prexuízo.

O encontro rematou coa sinatura de exemplares para todos os estudantes que así o quixeron.

Moitas grazas a el por visitarnos e á Editorial Santillana, por facer posible esta actividade!

Nesta ligazón poderás ver imaxes desta xornada.

blogue de noeliaperez

Actualización da normativa de avaliación das ensinanzas de educación secundaria

Mar, 10/05/2022 - 11:44 — Anónimo

O pasado 11 de febreiro de 2022 foi publicada no DOG a ORDE do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia. (ver LIGAZÓN)

Para ir cumprindo co disposto na súa disposición adicional cuarta da devandita orde é necesario informar ao alumnado e aos seus representantes legais das novas condicións de avaliación, promoción e titulación na ESO e no Bacharelato, así como as condicións para a obtención do título de Graduado en ESO para o alumnado de FP Básica.