Skip to Content

Curso 2020/2021

Reforzo escolar para o alumnado que mais o necesita

Mér, 07/07/2021 - 11:58 — javical

Iniciativa da Concellaría de Educación do Concello de Arteixo dirixida ao alumnado de 1º e 2º ESO para a mellora da adquisición das competencias básicas a desenvolver durante os meses de xullo e agosto, en horario de mañán (10:30 a 13:30h), na Aula da Natureza de Arteixo. No caso de haber alumnado suficiente, as clases do noso alumnado serían nun local próximo ao centro.

Dende o centro educativo remitiuse información ás familias do alumnado que mais o necesita. 

Graduación 4ºESO 2021

Xov, 24/06/2021 - 15:31 — javical

Achegamos enlace ao álbum de fotos do acto de despedida do alumnado de 4ºESO.

Calendario Fin de Curso 2020-21

Mar, 08/06/2021 - 12:34 — Anónimo

1. REMATE DAS ACTIVIDADES LECTIVAS : 22 de xuño (martes).

 

2. AVALIACIÓNS ORDINARIAS (FINAIS) : 23 de xuño.

 

3. ENTREGA DE BOLETÍNS DE CUALIFICACIÓNS, recollida dos libros do fondo

solidario de libros de texto e chaves das taquillas:

o xoves 24 de xuño cada grupo na súa aula e no seguinte horario:

○ 1º ESO 10:00h

○ 2º ESO 10:30h

○ 3º ESO 11:00h

○ 4º ESO 11:30h

 

4. MATRÍCULA PARA O CURSO 2021-22: Do 1 ata o 9 de xullo nas Oficinas en horario

de 09:30 a 13:30 horas. Matricularanse os alumnos que aproben todas as materias en

xuño, aqueles alumnos con materia suspensa en xuño que se considere que poden

promocionar (1 ou 2 materias suspensas).

Os días 25, 28, 29 e 30 de xuño poderan adiantar a entrega dos sobres de matricula,

por cursos, nas seguintes datas:

● Venres 25 de xuño alumnado de 6ºde primaria que accede a 1º

● Lúns 28 de xuño alumnado de 1º de ESO que pasa a 2º

● Martes 29 de xuño alumnado de 2º de ESO que pasa a 3º

● Mércores 30 de xuño alumnado de 3º de ESO que pasa a 4º

 

5. REVISIÓNS E RECLAMACIÓNS: (Orde 28 agosto 1995, BOE do 20/09):

 

25 e 28 xuño

Revisión de exames de 10:30 a 12:30h: Os alumnos dirixiranse aos Departamentos das materias correspondentes para a revisión dos exames cos respectivos profesores.

Solicitude por escrito (no caso de non estar de acordo coa revisión anterior), por parte dos alumnos ou os seus pais ou titores, de revisión da cualificación final obtida nunha materia ou de revisión da decisión de non promoción ou titulación. Estas solicitudes, que deberán conter cantas alegacións xustifiquen a disconformidade coas decisións adoptadas, serán entregadas en Xefatura  de estudos antes das 13:30 horas do 28 de xuño.

29 xuño

Comunicación da resolución do Departamento didáctico ao alumno ou pais.
 

Reclamación ante a Xefatura Territorialpor desacordo do alumno ou pais coa revisión da cualificación nunha materia: No caso de que persista o desacordo, alumno ou pais ou titores poderán solicitar por escrito á Dirección, no prazo de dous días a partir da última comunicación do centro, que eleve a reclamación a instancias superiores.

A Dirección

Pastoriza, de 6 de xuño 2021

CLUB de LECTURA a NORA dos LIBROS

Dom, 06/06/2021 - 09:48 — gloriadelpino

O noso centro educativo conta cun Club de Lectura que sobrevive, incluso en tempos de pandemia, grazas a participación do noso alumnado.

O pasado venres 4 de xuño tivo lugar en Santiago o XIII Encontro de coordinadores dos Clubs de Lectura de Galicia e alí estivemos, recollendo novas ideas para levar a cabo o curso próximo. A apertura do evento fixoa o presidente da Xunta de Galicia, que tamén lle entregou o premio de este ano a escritora EVA MEJUTO. Adxuntamos algunhas fotos da xornada, que foi interesantísima.

Rapaces, esperámosvos o próximo curso... Estades todos convidados a nosa biblioteca, a vosa biblioteca, a biblioteca de todos!

 

Estás preparado para empregar os teus coñecementos científicos para escapar dunha casa terrorífica onde estás secuestrado por un grupo de negacionistas?

Xov, 27/05/2021 - 12:02 — martin.regueiro

Presentamos as actividades realizadas polo Club de Ciencia do IES de Pastoriza durante o curso 2020-21. Trátase dun escape room de contido científico con preguntas organizadas en dous niveis de dificultade. Serás capaz de resolvelo?

Escape room para primeiro ciclo

Escape room para segundo ciclo

 

No Club de Ciencia do IES de Pastoriza participan 12 rapazas e 15 rapaces de 2º a 4º da ESO e 7 profesores e profesoras pertencentes aos Departamentos de Matemáticas, Tecnoloxía e Física e Química.

Convocatoria para o fondo solidario de libros de texto 2021/22 e axudas para material escolar

Xov, 20/05/2021 - 11:14 — javical

Xuntase información referente á convocatoria do fondo solidario de libros de texto e axudas para material escolar para o curso 2021/22

O prazo para a presentación das solicitudes inicia o 21/maio e remata o 22/xuño 2021, incluído.

 

Clasificación para a fase final da Olimpíada Matemática Galega

Mar, 18/05/2021 - 10:56 — javical

O pasado xoves 29 de abril celebrouse na Facultade de Ciencias da Educación da UDC a XIX Olimpíada Matemática Galega. Esta proba, na que se convida a participar ao alumnado de 2º de ESO de Galicia, consiste na resolución de cinco problemas matemáticos en dúas horas. Foron catro os participantes do IES de Pastoriza seleccionados para acudir nesta edición. 

Un dos nosos alumnos conseguiu pasar á final galega, que se celebrará o vindeiro xoves 20 de maio no Círculo das Artes en Lugo e na que competirá con outros 24 finalistas. Se consigue quedar entre os tres mellores, poderá participar na final española. Desexámoslle moita sorte!

conXÉLAte: concurso de lecturas compartidas

Mar, 11/05/2021 - 09:30 — javical

Como xa sabedes, o 17 de maio celébrase o Día das Letras Galegas, que este ano se lle dedica a Xela Arias. E con motivo desta conmemoración, o Departamento de Lingua Galega e Literatura e o Equipo de Normalización Lingüística organizan o concurso de lecturas compartidas "conXÉLAte", no que animamos a participar a toda a comunidade educativa.

Existen dúas modalidades de participación: unha dirixida ao alumnado e ás súas familias; e outra específica, para o persoal docente e non docente, na que vos convidamos a participar. 

Para facelo, só teriades que enviarnos antes do 21 de maio un pequeno vídeo cunha lectura compartida (cos vosos pais, irmás, fillos, avoas, curmáns etc.) de textos da autora homenaxeada ao seguinte enderezo electrónico: equipo.normalizacion@iesdepastoriza.edu.es

Trátase dunha actividade voluntaria, mais haberá recompensa para as persoas gañadoras de cada modalidade. 

Xuntamos o cartaz da actividade. 

Un saúdo e grazas de antemán polo voso tempo! 

 

O Equipo de Normalización Lingüística.

Procedemento de admisión e matrícula para o curso 2021-22

Mar, 27/04/2021 - 09:20 — javical

Segundo o procedemento establecido na Orde do 18 decembro 2020, as listaxes provisionais das persoas admitidas para o curso próximo foron publicadas, sendo a información accesible:

  • Presencialmente: únicamente no taboleiro de anuncios no interior do edificio escolar.
  • Telemáticamente: únicamente a través da aplicación admisionalumnado  empregando certificado ou Chave365
Distribuir contido


by Dr. Radut