Información de interese

Instalar a app no meu dispositivo

Funcionalidades principais Moodle Mobile

Que podo facer coa app Moodle Mobile

Funcionalidades principais Moodle Mobile

A aplicación offline Moodle Mobile é compatible coa maioría dos recursos e actividades que poden ser usados na versión online da Aula Virtual, polo que as funcionalidades que ofrece esta app son prácticamente as mesmas, a nivel de usuario, que na versión online.

• Tipos de recursos compatibles coa app Moodle Mobile

libro, ficheiro, cartafol, IMSCP, etiqueta, páxina, URL

• Tipos de actividades compatibles coa app Moodle Mobile

tarefa, escolla, base datos, feedback, foro, glosario lección, proba, SCORM, seguemento, wiki, workshop

Por outro lado, o uso desta app desde o noso dispositivo móbil permítenos facer outras moitas cousas:

• Subir ficheiros á nosa área de almacenamento persoal
• Gravar ficheiros de audio no dispositivo móbil e subilos directamente á área de almacenamento persoal da versión online 
• Enviar mensaxes privadas a un ou varios dos participantes nos nosos cursos, directamente desde a app
• Engadir aos participantes nos cursos aos nosos contactos do teléfono móbil
• Realizar unha chamada de voz a calquera dos participantes dos nosos cursos
• Xeolocalizar a calquera dos participantes nun curso, a través de Google Maps
• Descargar e ver algúns dos recursos dos cursos
• Recibir notificacións Push, directamente no teléfono móbil, cando envían mensaxes ou avisos dirixidos a nós
• Utilizar a mensaxería privada entre usuarios
• Integrar o calendario do curso co calendario do noso dispositivo móbil, para poder recibir recordatorios en formato de notificacións locais
• Auto-matricularnos nos cursos que estea permitido, directamente desde o noso dispositivo móbil

Neste sentido, o uso da app Moodle Mobile aporta un valor engadido aos nosos cursos incrementando as posibilidades de interaccción cos contidos, as actividades e os participantes nos cursos e aportanto tamén unha nova experiencia de usuario no uso das Aulas Virtuais.

Instalar a app no meu dispositivo

Instalar a app no meu dispositivo

Para instalar a app no teu dispositivo móbil (tablet e/ou smartphone), en primeiro lugar descarga a app desde a tenda de aplicacións do teu dispositivo móbil "Google Play" ou "App Store, do mesmo xeito que calquera outra aplicación para o móbil. Esta app é totalmente gratuíta.

Se usas un dispositivo móbil (teléfono ou tablet) con sistema operativo Android

Desde o teu dispositivo móbil abre a tenda de aplicacións Google Play e busca a app tecleando "Moodle app". A continuación descarga e instala esta app no teu dispositivo móbil

Se usas un dispositivo móbil (teléfono ou tablet) con sistema operativo iOS

Desde o teu dispositivo móbil abre a tenda de aplicacións App Store e busca a app tecleando "Moodle app". A continuación descarga e instala esta app no teu dispositivo móbil.

 
Unha vez descargada a app no teu dispositivo móbil, a primeira vez que a usas debes introducir os datos de conexión coa Aula Virtual do teu centro educativo.
 

imaxe 1	imaxe 2	imaxe 3

 
imaxe 1
Cando abras por primeira vez a app, deberás introducir a dirección URL de aula virtual do teu centro.

https://www.edu.xunta.gal/centros/iesmontecastelo/aulavirtual

Fíxate que introduces correctamente a dirección URL e que non cometes ningún erro. Sobre todo asegúrate de que introduces o dominio ".gal" e non ".es"
   
imaxe 2
Se o enderezo URL introducido é correcto e a configuración da Aula Virtual tamén é correcta, a app permitirá que pulses o botón "Conectar ..."   
 
imaxe 3
Nesta terceira pantalla deberás introducir o mesmo nome de usuario e contrasinal que usas para acceder á Aula Virtual en modo online, desde o ordenador.

BASES CONCURSO MICRORRELATOS DE TERROR

1. Poderá presentarse ao concurso calquera membro da comunidade educativa do IES Monte Castelo, establecéndose tres categorías:

a) alumnado de 1º e 2º da ESO

b) alumnado de 3º e 4º da ESO

c) alumnado de 1º / 2º de Bacharelato

2. Cada participante poderá presentar tantos microrrelatos como estime oportuno.

3. Os microrrelatos deberanse presentar en folio (un por cada texto que participe no concurso). Os relatos breves que se escriban a ordenador deberán empregar as fontes Times new roman tamaño 12 ou Calibri tamaño 11. No seu caso, o alumnado que non dispoña de ordenador ou impresora poderá achegar os textos manuscritos, sempre que o xurado do concurso considere que a caligrafía dos mesmos é lexible.

4. Todos os microrrelatos deberán ter título.

5. Os microrrelatos non poden exceder as 150 palabras (título non incluído).

6. A temática ou xénero dos microrrelatos será o terror e o medo.

7. Os microrrelatos presentados a concurso deberán ser orixinais.

8. O/a autor/a indicará, na parte posterior do folio do microrrelato, o seu nome, apelidos e curso.

9. O xurado do concurso estará composto por profesorado responsable da biblioteca e dos departamentos de linguas do IES Monte Castelo.

10. Os microrrelatos presentados poderán ser publicados ou difundidos no blog da biblioteca do IES Monte Castelo ou naqueles medios que o xurado considere oportuno.

11. Os microrrelatos teñen que entregarse na biblioteca ou ao profesorado de linguas entre os días 19 e 30 de outubro, ambos incluídos, do ano 2020.

12. O fallo do xurado será na primeira semana de novembro, durante os recreos, momento no que se darán os premios aos participantes, e no que se procederá á lectura dos microrrelatos gañadores.

13. O/a autor/a gañador/a de cadansúa categoría recibirá un terrorífico agasallo.

Probas de acceso a ciclos formativos de grado superior. Aprazamento da realización da proba. Convocatoria 2020.

Probas de acceso a ciclos formativos de grado medio.Listaxes provisionais de inscrición e exencións. Convocatoria 2020.

Que é Moodle Mobile e Moodle Classic?

Moodle Mobile é a app oficial móbil de Moodle para Android, iOS, e Windows Phone. Está dispoñible na tenda de apps de Android (Google Play), na tenda de apps de Apple (App Store) e nas tendas de apps de Windows.

Na actualidade (2019) existen dúas aplicacións de Moodle para dispositivos móbiles:

1. Moodle Mobile (para Moodle 3.1 ou superior) Non funciona ca aula virtual do IES Monte Castelo
2. Moodle Classic (para Moodle 2.4 ata 3.0). App para a aula virtual do IES Monte Castelo
   

No proxecto Webs Dinámicas dispoñemos actualmente da versión 2.6 de Moodle así que debemos utilizar a app Moodle Classic, non podemos utilizar a aplicación Moodle Mobile que atopamos nos repositorios de Android (play Store) e iOs (Apple Store) senón que temos que descargar a app Moodle Classic.

Como instalar Moodle Classic?

Para instalar e usar a app "Moodle Classic" realiza os seguintes pasos:

● PASO 1  Descarga a app "Moodle Classic" no teu dispositivo móbil (smartphone e/ou tablet)

Como a app non se atopa nos repositorios dos smartphones a única posibilidade é descargalo dende o seguinte nlace de descarga para android:

https://apkpure.com/es/moodle-classic/com.moodle.classic

Unha vez descargada temos que acceder a seguridade do smartphone e permitir a instalación de aplicacións de orixe descoñecido (despois se queres volves a non permitir).

● PASO 2  Cando inicies a app por primeira vez no teu móbil (ou tablet), introduce os seguintes datos:

- Dirección del sitio:  https://www.edu.xunta.gal/centros/iesmontecastelo/aulavirtual 

- Nombre de usuario: o mesmo usuario que usas para entrar na Aula virtual do teu centro

- Contraseña: o mesmo contrasinal que usas para entrar na Aula virtual do teu centro

Que podo facer con Moodle Classic?

A app Moodle Classic permite aos usuarios (profesores e alumnos) conectarse aos cursos creados na "Aula Virtual" do seu centro educativo, co seu teléfono móbil ou tablet e usando o mesmo "nome de usuario" e "contrasinal" que usa cada un normalmente para entrar na propia Aula Virtual.

Esta app permite traballar cos contidos e actividades do curso en modo desconectado (off line), sincronizando o traballo coa Aula Virtual cando existe unha conexión viable.

Moodle Classic ofrece, entre outras, as seguintes funcionalidades:

Xestionar ficheiros

• Subir un ficheiro á área de ficheiros privados
• Grabar un audio ou vídeo e subilo directamente á área de ficheiros privados
• Ver e descargar os teus ficheiros privados
• Ver e descargar os ficheiros do curso

Traballar no curso

• Acceso rápido aos contidos do curso
• Descargar e ver algúns dos recursos do curso
• Ver os módulos "Libro" e "Paquetes de contido IMS"
• Participar nas actividades (escolla, consulta, ...)
• Participar nos chats do curso
• Ver os foros e os debates
• Ver as cualificacións de actividade e as cualificacións totais do curso

Interactuar cos demáis usuarios

• Mensaxería privada entre usuarios
• Enviar unha mensaxe privada a un participante do curso
• Ver todas as túas notificacións e mensaxes privados recibidos
• Engadir a un participante do curso á túa axenda de contactos do teléfono
• Chamar a un participante do curso ao pulsar no número de teléfono
• Localizar a un participante do curso en Google Maps

Recibir información

• Ver eventos do calendario
• Notificacións recordatorias para eventos de calendario
• Recibir notificacións "Mobile Push"
• Integración no calendario con recordatorios e advertencias
• Ver as notas do sitio, do curso e as persoais

INFORMACIÓN DA XUNTA

-Suspensión das actividades lectivas e extraescolares durante 14 días en todos os niveis educativos (tamén de 0-3). Non asistir será mañá recomendable e o luns obrigatorio.

Dende o luns 16 de marzo os centros educativos permanecerán pechados como medida preventiva frente ao coronavirus.

Mañá venres os nais e pais decidiredes se enviades aos vosos fillos e fillas ao centro ou non, aínda que a recomendación é que non asistan pero o centro permanecerá aberto para os que veñan.

A falta de mañá e xustificada, polo que o alumnado que teña exame mañá e non asista terá dereito a que se lle realice outro día.

Para intentar que esta medida afecte o menos posible ao desenvolvemento do curso, o alumnado de 1º e 2º posuen o proxecto EDIXGAL e o resto de cursos deberán utilizar a aula virtual do centro onde aparecerán as tarefas que teñen que realizar.

Calquera dúbida co usuario e contrasinal da aula virtual realizarase a través do correo do centro ies.monte.castelo@edu.xunta.es co asunto "AULA VIRTUAL"

Enlace a aula virtual

-Suspensión de prácticas do alumnado de titulacións de ciencias da saúde en centros sanitarios

Esta medida afecta as FCT´s do ciclo de Coidados auxiliares de enfermería (CAE)