You are hereActividades / Extraescolares
Extraescolares
TICKET TO ART
O Departamento de Inglés e o Equipo de Dinamización da Lingua Galega do IES de Melide en colaboración co Concello de Melide e o Conservatorio Municipal organizan este festival musical con motivo de recadar cartos para a viaxe interdisciplinar a Londres que realizará o noso alumnado no mes de marzo.
ENTRADA A 3,00 EUROS.
POXA DE MOBLES
CHEGOU O MOMENTO, este mércores-07 de novembro ás 18:30 celebrarase a "POXA DE MOBLES" que, como ben sabedes, persegue dar a coñecer o traballo realizado polo alumnado do ciclo de FP de Carpintería e Moble.
A PREZOS DE CUSTO SAIRÁN AS 25 PEZAS QUE ESTÁN EXPOSTAS NO CENTRO.
PROGRAMA CONECTA: QUENTANDO MOTORES!
NO IES DE MELIDE -ESTE SÁBADO 23 DE XUÑO- A Dirección Xeral de Xuventide e Voluntariado organiza en Colaboración co Concello de Melide, a IX Mostra do programa conecta: Quentando Motores!
É unha xornada adicada ao emprendemento no mundo do motor baixo o título "O teu quilómetro 0 cara o emprendemento" onde participarán pilotos de renome galego e da comarca melidá.
A realización das actividades terá lugar nas instalacións do Instituto de Educación Secundaria de Melide e poñeranse a disposición dos participantes un servicio de autobuses para o traslado ata Melide.
Más información en:
http://xuventude.xunta.es/uploads/novas/2012/xuno_2012/PROGRAMA_CONECTA_MELIDE.pdf
VIAXE A MÉRIDA E ANDALUCÍA 2012
Velaí o vídeo realizado por Jessica Barreiro, de 1º de BAC B, na materia de TICs sobre a viaxe a Mérida e Andalucía, organizada polo departamento de grego do 23 ao 29 de marzo de 2012, na que participaron 42 alumnas e alumnos do IES de Melide.
MOSTRA DO ENSINO GALICIA 2012
O ciclo formativo de grao medio de fabricación á medida e instalción de carpintaría e moble do IES de Melide participa na Mostra do Ensino 2012. Alí, varios profesores e alumnos do noso IES faran varias demostraccións sobre o manexo de maquinaria portatil (frexado e ensamblado de dúas pezas mediante tuvillóns). Tamén se presentará a nova web do ciclo (http://madeiramelide.weebly.com/) e exporanse ferramentas antigas e mobles feitos polo noso alumnado.
PREMIO LITERARIO “ARCEBISPO JUAN DE SAN CLEMENTE”
Un grupo de ex alumnos e alumnas do IES de Melide foron convidados á entrega do premio literario Arcebispo Juan de San Clemente, celebrada o xoves 22 de marzo, no salón de actos do IES Rosalía de Castro. Seguir lendo...
Colm Tóibín, escritor irlandés premidado pola súa novela Brooklin acompañado por dúas profes e os alumnos que participaron como xurado.
PRESENZA DO IES DE MELIDE NOS XIV ENCONTROS PARA A NORMALIZACIÓN LINGÜISTICA
PACO VEIGA (profesor de lingua galega e literatura) e tres alumn@s de 2º de BAC participan nun foro aberto para a reflexión e debate sobre a situación do idioma Galego, organizado polo Consello da Cultura Galega se celebra este xoves e venres en Santiago de Compostela.
Paco Veiga participa nunha mesa de traballo que leva por tema: Experiencias Educativas de intervención nos usos lingüisticos da mocidade. O profesor do IES de Melide departe sobre a actuación sobre grupos galegofalantes.
YELNA FERNÁNDEZ (2ºBAC-A), XÁCOME LAYA (2ºBAC-A) e PATRICIA ROCA (2ºBAC-B) participan, xunto a outros estudantes de bacharelato e conducidos por Belén Regueira (periodista da radio galega), nun debate que profundiza nas claves de conexión coa mocidade .
Máis información en http://consellodacultura.org/evento.php?id=330
CONCURSO DE DEBATE "PARLAMENTO XOVE"
Tal e como manifestaron os organizadores no momento en que rematou a xornada do sábado 11 de febreiro, esta foi unha sesión do Parlamento Xove na que "todos gañamos" polo respecto, a educación, a liberdade na expresión de ideas e o saber facer dos mozos e mozas de 1º e 2º de Bacharelato.
O IES de MELIDE a piques de pasar á final
A nota de "emoción" na clasificación puxérona aqueles equipos que disputaron o cuarto lugar, que daba acceso á final. Producíase un triple empate a dous debates gañados (de tres que se disputaron) entre o IES A Pinguela (Monforte), o IES Virxe do Mar (Noia) e o IES de Melide, mais a diferenza de puntuación fixo declinar a balanza a favor do centro Monfortino.
O PAZO DE MARIÑÁN (aloxamento e manutención) e o EDIFICIO DA DEPUTACIÓN DA CORUÑA (para os debates) foron as sedes da fase clasificatoria.
O equipo que nos representou estaba conformado por Iria Adán Penas, Elisa Ares Turrado, Antonio Cagide Varela e Diego Mouriño López; coordinados pola profesora María Dolores Vázquez García (Dep. Filosofía).
Máis información http://www.parlamentoxove.com/
