Secretaría, Taboleiro, Libros de texto, Acceso Universidade, Matrícula / Admisión, Impresos, Solicitude de certificados

Recibida a resolución FAVORABLE á petición realizada polo centro para que alumnado de ensino post obrigatorio e maior de 16 anos poida saír no recreo.

CIRCULAR INFORMATIVA PARA ÁS FAMILIAS   

A Consellería de Cultura, educación e universidade ven de publicar no DOG do 13 de novembro a ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 (código de procedemento ED330E).

O prazo para realizar a solicitude é de 10 días hábiles, contados a partir do día seguinte da publicación en DOG.

As solicitudes ponden presentarse no centro educativo ou  no portal educativo, enderezo http://www.edu.xunta.gal

• Para presentar as solicitudes no centro, lembren que hai que solicitar cita previa

Máis información

 O IES de Melide foi admitido na iniciativa ARCO para a mellora do rendemento académico, coa fin de conseguir o máximo desenvolvemento emocional, intelectual e social do alumnado.  Desenvolverase dentro do horario lectivo e mediante apoios a través do uso de metodoloxías activas e participativas,

 O programa está destinado a alumnado de 1º e 4º de ESO, e próximente prevese a incorporación de novo profesorado no IES.

Trala solicitude feita polo IES de Melide de incrementar o servizo de limpeza do centro, para poder responder adecuadamente ás novas circunstancias derivadas da pandemia do COVID-19. A partires do día 3 de novembro esta plantilla será reforzada con dúas traballadora máis ás que damos a benvida. 

Informamos que o día 2 de novembro é un dos dous días non lectivos que solicitou o centro, remotaremos as clases, no seu horario habiltual, o martes 3 de novembro.

Hoxe, o Concello de Melide, fixo entrega dunha máscara reutilizable a todo o alumnado do IES de Melide.

Encadrado nun estudo que está a realizar a Consellería de Cultura, Educación e Universidade, no IES de Melide realizaranse, ao longo da xornada do 27 de outubro, medicións dos niveis de CO₂ en varias aulas tipos do centro.

Segundo está recollido na RESOLUCIÓN do 22 de outubro de 2020, da Secretaría Xeral de Educación e Formación Profesional, pola que se adía a celebración de eleccións para a renovación dos membros dos consellos escolares de centros docentes sostidos con fondos públicos publicada no día de onte no portal educativo da Consellería e que será publicado no DOG.

Nesa Resolución non se establece unha nova data para a renovación dos consellos escolares e indica que a forma de cubrir as vacantes existentes: "Para dar cobertura ás vacantes que se puidesen ter producido ata a celebración das eleccións para a renovación dos representantes dos distintos sectores da comunidade educativa no consello escolar seguirase o establecido no artigo 55 do Decreto 92/1988, do 28 de abril, polo que se regulan os órganos do goberno dos centros públicos de ensino non universitario".

Premendo na seguinte ligazón podedes consultar os horarios de cada grupo.

LIGAZÓN HORARIOS.

Ábrese un prazo extraordinario para solicitar libros de texto do curso 2020/21, para aquel alumnado que non solicitou  o fondo solidario de libros de texto no prazo regulamentario ou non tivese dereito a dito fondo.

As persoas interesadas poderán cubrir a solicitude na secretaría e dirixila á dirección do centro. O préstamo de libros está condicionado ás existencias dispoñibles no centro.

PRAZO DE SOLICITUDES ATA 30 SETEMBRO ÁS 14:00H