Secretaría, Taboleiro, Libros de texto, Acceso Universidade, Matrícula / Admisión, Impresos, Solicitude de certificados

Trasladamos a información que nos chegou sobre o programa Primavera Xove proposto pola Consellería de Política Social da Xunta de Galicia. O obxectivo deste programa é o de ofrecer novas iniciativas e alternativas saudables de ocio á mocidade para o seu tempo libre e levarase a cabo entre os meses de maio a xuño. Está composto por tres formatos de accións diferentes totalmente gratuítas que buscan dar resposta aos gustos e necesidades dos mozos e mozas.

MÁIS INFORMACIÓN

As Consellerías de Sanidade e Educación publicaron o pasado venres 18 pola tarde un comunicado no que anuncian o acordo de deixar de recomendar o uso de máscaras nos espazos ao aire libre nos centros educativos, polo que:

• O uso da máscara no patio do centro pasa a ser voluntario.
• O uso da máscara dentro do centro educativo segue a ser obrigatorio.
• Recoméndase que o alumnado leve ou un recipiente que lle permita gardar a máscara en caso de que a quite no patio ou algún mecanismo que lle permita tela colgada e volver a poñer facilmente no momento en que entre no recinto escolar.

Ligazón ao comunicado da Consellería  

Tal e como se recolle no anuncio publicado pola Consellería de Educación, a patir deste 7 de marzo, os centros educativos, como non son considerados ámbitos vulnerables,  DEIXARÁN de comunicar os contactos estreitos e serán as propias persoas que dean positivo en COVID as encargadas de contactar cos seus contactos estreitos.

MAIS INFORMACIÓN 

Iníciase o proceso de admisión do alumnado de nova incorporación ao centro.

As solicitudes do alumnado procedente de centros adscritos tramítanse a través do centro no que se está matriculado este curso.

A listaxe de alumnado admitido publicarase o vindeiro 25 de febreiro.

O alumando que vai permanecer no centro educativo no debe presentar solicitude. En caso de cambiarse de centro, ten que presentar a solicitude de reserva no centro no que se quere matricular para o vindeiro curso.

Máis información na páxina da Consellería de Educación

No día de hoxe quedou constituída a xunta electoral que velará por que todo o procedemento de eleccións de representantes no Consello Escolar se desenvolva de acordo á procedemento regulado.

O calendario electoral aprobado na reunión da Xunta Electoral de hoxe é o seguinte:

CALENDARIO ELECTORAL:

• 2 NOVEMBRO: publicación censos e inicio reclamación aos censos.
• 4 NOVEMBRO: remata prazo reclamación censos. Inicio presentación de candidaturas.
• 15 NOVEMBRO: publicación de candidaturas. Sorteo das mesas electorais. Presentación de supervisores á votación.
• 16 NOVEMBRO: inicio prazo reclamación candidaturas. Inicio campaña electoral.
• 22 NOVEMBRO: fin campaña electoral.
• 23 NOVEMBRO: ELECCIÓNS co seguinte horario:
• Alumnado de 8:40h a 13:00h
• Familias de 16:00h a 20:00h
• Persoal de A.S de 15:00h a 15:30h.
• Profesorado ás 14:15h

 Nos seguintes documentos adxuntos poderán consultar información específica sobre as funcións do Consello Escolar e o procedemento de eleccións de cada un dos membros da comunidade educativa.

En caso de confinamento ou en cuarentena do noso alumnado temos que garantir a continuidade do proceso de ensino-aprendizaxe, para isto é imprescindible coñecer as posibilidades de conexión que cada alumno/a ten na súa casa, polo que necesitamos que respondana seguinte enquisa.

En caso de non facelo telematicamente pasarase unha enquisa por escrito.

O prazo para cubrir a enquisa de forma telemática é dende o día 14 de outubro ata o 17 de outubro, ámbolos dous días incluídos.

Tedes a continuación a ligazón para a enquisa (tamén accesible dende a páxina web do centro). Unha vez rematada premer no botón "enviar"

https://docs.google.com/forms/d/e/1FAIpQLSfZhKKiMVqRo8zqkVTn4_zKMkgg3OvN-fJRfBJuLB0U_CpSaw/viewform?usp=sf_link

Incíase no centro o programa ARCO, encadrado dentro do plan Recupera, posto en marcha pola Consellería de Educación e cofinanciado co Fondo Social Europeo, que ten por obxecto reducir o impacto que a COVID-19 tivo no noso alumnado.

Ao longo destes días empezaranse a realizar aopios nas aulas de 1º ESO, 2º ESO e 3º ESO ata finalizar o primeiro trimeste do presente curso.

A partir do xoves día 22 de xullo poderán pasar polo centro para recoller os vales de material escolar para o curso 2021-22. 

Horario de atención ao público de 9:00h a 14:00h.

Publicadas as listas de admitidos e exculídos do fondo solidario de libros de texto no taboleiro do IES de Melide.

O prazo de reclamación remata o martes 13 de xullo.