INAUGURACIÓN DOS ACTOS DO 50 ANIVERSARIO DO IES DE MELIDE

O pasado 29 de novembro puidemos asistir á inauguración da exposición e á poxa de mobles conmemorativa dos 50 anos do IES de Melide.

Nestes actos o alumnado do centro tivo un protagonismo especial, pois foron eles os encargados de inaugurar a exposición cunha pequena representación teatral ademais de ser os guías da xente que se achegou ó centro asomándolles unha exposición eles mesmos prepararon.

 A exposición, sita no corredor principal da planta baixa do IES de Meldie, fai un pequeno percorrido pola historia do centro: fotos, notas deprensa, documentos e obxeto que amablemente distintas persoas cederon, amosan como foi a historia do instituto dende antes da súa creación ata a actualidade e como este foi evolucionando a par que a sociedade, a contorna e a tecnoloxía.  

Ás 19:00 puidemos asistir á poxa de celebración do 50 aniversario, na que Javier Iglesias e Cristina Viqueira amosaron o traballo realizado polo alumnado do Ciclo Medio de Madeira ó público asistente.