Novas
XXV Aniversario Premio García Barros
Enviado por Secret. o 12 Decembro, 2013 - 11:54O sábado 16 de novembro tivo lugar en Santiago, na Cidade da Cultura, a conmemoración do XXV Aniversario da creación do Premio Literario "Manuel García Barros".
Un grupo de alumnos do noso centro pertencentes á materia de Literatura Galega do Século XX, acompañados polo profesor Carlos Loureiro, estiveron no acto.
Prema aquí para ver a galería de fotos do evento.
Prema aquí para ver o vídeo gravado coa colaboración dos alumnos do MGB.
Diego Oliveira, ex-alumno do MGB, físico en Cambridge
Enviado por Secret. o 11 Novembro, 2013 - 13:47O pasado 3 de novembro o Faro de Vigo fíxolle unha entrevista a Diego Oliveira, ex alumno deste centro e estudiante da Universidade de Cambridge.
Para acceder ao artigo preme aquí.
XXV ANIVERSARIO DO PREMIO DE NOVELA MANUEL GARCÍA BARROS.
Enviado por Vicedirec. o 11 Novembro, 2013 - 12:06O vindeiro sábado, 16 de novembro, o alumnado do MGB de 2º bacharelato correspondente á materia de Literatura Galega do século XX e da actualidade viaxará invitado pola organización do acto á Cidade da Cultura por mor dunha actividade de xuntanza dos/das gañadores/as do Premio de Novela García Barros ao longo dos seus vintecinco anos de existencia.
MAGOSTO 2013.
Enviado por Vicedirec. o 8 Novembro, 2013 - 13:05O vindeiro venres, 15 de novembro, terá lugar a celebración, un ano máis, do “Magosto”. Contaremos con música e baile tradicional, concurso gastronómico ó redor da castaña, xogos populares e, como non!, degustación de castañas asadas. A actividade terá lugar entre as 11:35 e as 14:10 horas. Agardamos que nos acompañe a climatoloxía e que haxa unha alta participación.
O cartaz do magosto foi elaborado polos alumnos/as de 1º de Bacharelato, Vanessa Ríos Cores e Martín Vede Pájaro.
Deportista de alto nivel no MGB
Enviado por Secret. o 8 Novembro, 2013 - 09:07O alumno Daniel Suárez Dapena foi recoñecido como Deportista de Alto Nivel de Salvamento e Socorrismo, pola secretaría Xeral para o Deporte da Xunta de Galicia, recoñecemento publicado no DOG do venres 18 de outubro.
Este logro foi publicado en diversos xornais, coma o Faro de Vigo, El Correo Gallego ou Diario de Pontevedra.
Felicidades!!
Selección Galega de Fútbol infantil-cadete
Enviado por Secret. o 8 Novembro, 2013 - 08:48A alumna de 2º ESO A, Adela Díaz Vázquez, foi convocada para os adestramentos da delegación de Santiago da Selección Galega de Fútbol Feminino. Tamén foi convocado o alumno do mesmo curso Andrés Cerviño Carracedo para os adestramentos da Selección Galega de Fútbol Masculino. Parabéns!
SAÍDA CULTURAL PROXECTO RÍOS.
Enviado por Vicedirec. o 17 Outubro, 2013 - 12:24O vindeiro mércores, día 23 de outubro, terá lugar a 1ª saída enmarcada dentro do Proxecto Ríos. Os alumnos/as da materia de Bioloxía de 3º ESO B acudirán ao río Liñares, nas proximidades de Lagartóns ( A Estrada), onde realizarán un estudo de distintos parámetros para coñecer o estado das augas e do bosque de ribeira. A actividade está organizada e dirixida pola profesora Loli Castro. A actividade desenvolverase en horario matinal, de 10:25 a 13:35 horas.
No caso de mal tempo a saída tería lugar o vindeiro mércores, 30 de outubro.
SAÍDA CULTURAL AOS CANÓNS DO SIL.
Enviado por Vicedirec. o 9 Outubro, 2013 - 12:33Dentro da programación de actividades extraescolares para o curso 2013-2014 aprobadas no consello Escolar, alumnos/as do IES desprazaranse á Ribeira Sacra e ós Canóns do Sil onde realizarán un percorrido en “catamarán” e visitarán os Embalses, o mosteiro de San Estevo e o de San Pedro de Rocas. A actividade vai destinada ao alumnado de 2º Bacharelato (Xeoloxía, Xeografía e Arte), e terá lugar o vindeiro luns, 14 de outubro en horario de 08:45 a 20:00 horas. A organización da visita corresponde aos departamentos de “Bioloxía e Xeoloxía” e “Xeografía e Historia”. O alumnado estará acompañado polas profesoras: Beatriz Mera, Esther Sánchez e Magaly Barreiro.
BALONCESTO NO MGB
Enviado por Vicedirec. o 7 Outubro, 2013 - 15:28Mañá martes, 8 de outubro, o equipo de baloncesto EDM Estradense realizará unha exhibición deste deporte dirixida ao alumnado da ESO do noso instituto. A mesma terá lugar no pavillón Coto Ferreiro de A Estrada en horario de 16:30 a 17:20.
Avaliación de Diagnóstico curso 2012-2013
Enviado por Secret. o 30 Septembro, 2013 - 12:07Xa están publicados os resultados das probas de avaliación de diagnóstico correspondentes ao curso 2012-2013. Pódese consultar a puntuación obtida por este centro premendo aquí.
Vídeo da charla sobre o CERN do curso pasado
Enviado por Anónimo o 23 Septembro, 2013 - 19:04Logo do inestimable traballo do profesor Xoán Xosé Pérez, do Departamento de Educación Plástica, púidose re-editar e recuperar o interesante vídeo da charla sobre física da partículas impartida por un científico do CERN o pasado curso e por fin poñelo a disposición de todos na canle de vídeos do MGB (categoría Curso 2012-13).
De novo, parabéns e o noso agradecemento ao profesor Xoán Xosé.
Claustro
Enviado por Secret. o 16 Septembro, 2013 - 08:04O vindeiro luns 16 de setembro terá lugar unha reunión do Claustro de Profesores do centro.
Selectividade: Brillante actuación
Enviado por Secret. o 1 Xullo, 2013 - 12:13Os resultados do centro nas PAU foron moi satisfactorios: aprobou o 100% do alumnado presentado (53 alumn@s). A media de aprobados por centro en Galicia é de 87,69%. Parabens a toda a Comunidade Educativa.
Destrozada unha escultura na noite de San Xoán
Enviado por Secret. o 28 Xuño, 2013 - 11:14A noite de San Xoan a escultura que representaba un lápis elaborado por alumn@s de 3º da ESO B foi roubada e destruída por descoñecid@s. Sentimos que a violencia e a destrucción cheguen ata o noso recinto escolar.
FIN DE CURSO 2013
Enviado por Vicedirec. o 19 Xuño, 2013 - 11:19O vindeiro xoves, 20 de xuño, terá lugar o remate do presente curso. Están previstas distintas actividades que se desenvolverán ó longo da mañá:
- Nas primeiras horas:
- Charla sobre o continente da Antártida para alumnos/as de 1º ESO que ofrecerá a profesora Magaly Barreiro na Sala de Usos Múltiples.
- Competición de coches eléctricos teledirixidos construídos polo alumnado de 3º ESO na asignatura de Tecnoloxía. Terá lugar no patio cuberto a carón do ximnasio.
- Nas dúas seguintes sesións, no patio de recreo e dentro do Programa Xogade, Deporte no Centro, disputaranse as finais do campionato de fútbol-sala e baloncesto.
- Como remate, nas últimas sesións, o Festival Fin de Curso que inclúe unha proxección de curtas, a obra de teatro “Sen combustible” e distintas actuacións musicais.
Lembrade que os boletíns de notas entregaranse o martes 25, ás 10:30, nas respectivas aulas.
- « primeira
- ‹ anterior
- …
- 10
- 11
- 12
- 13
- 14
- 15
- 16
- 17
- 18
- …
- seguinte ›
- última »