Skip to Content

I Concurso Mocidade ao mando: explorando a economía e a empresa, Facultade de CC Económicas e Empresariais da USC

Ven, 22/11/2024 - 16:00

O certame, que convocan a Facultade de Ciencias Económicas e Empresariais da USC e o Servizo de Normalización Lingüística, diríxese a alumnado de ensino medio de toda Galicia, que debe presentar un vídeo en galego no que se presenten petiscos ou pílulas sobre calquera tema relacionado coa economía ou a empresa.

Parabéns ás alumnas Elena Novo, Victoria Pardo e Ana Fernández que, titorizadas polo profesor Francisco Xabier Doporto Santos, acadaron o segundo premio co vídeo Os sectores productivos. 

Comezamos o Plan Proxecta + Publicidade sa 2024-25

Ven, 22/11/2024 - 14:00

Comezamos o Plan Proxecta+ Publicidade Sa co alumnado de 4ºESO do IES en todas as materias do Departamento de Economía.


O alumnado estivo moi atento á historia da publicidade e poidemos visualizar dende o considerado anuncio mais antigo ata os modernos anuncios televisivos dos anos 60 e 80.


Dúas sesións para poñer en perpectiva a publicidade que reciben no dia a día.

Día non lectivo

Mér, 20/11/2024 - 20:30

O luns, 9 de decembro de 2024, é día non lectivo elixido polo centro e autorizado pola Dirección Territorial.

"Mañá podes ser ti"

Lun, 18/11/2024 - 19:58

O luns pola tarde levouse a cabo o acto de presentación da iniciativa do Club de Ciencias "Mañá podes ser ti", que ten como obxectivo dar a coñecer as traxectorias profesionais de antigos alumnos e alumnas do instituto. Para iso realizáronse entrevistas a ex- estudantes que tras editalas foron exhibidas nas taquillas da primeira planta.
Para dar inicio a este proxecto, contamos coa colaboración de catro enxeñeiras que cursaron os seus estudos no IES Isaac Díaz Pardo: Lucía Díaz González (Enxeñeira Química), Nuria Méndez Casás (Enxeñeira Informática), Aurora Paz Pérez (Enxeñeira de Telecomunicacións) e Paloma Piot Pérez-Abadín (Enxeñeira Informática). Estas profesionais compartiron cos estudantes de ciencias de bacharelato as súas experiencias académicas e laborais. Posteriormente, levouse a cabo a cerimonia de inauguración do proxecto.
Este curso no Club de Ciencias agardamos continuar con este proxecto entrevistando a máis ex estudantes.

Actividades complementarias de novembro

Mér, 06/11/2024 - 21:44

- Día 11: Inauguración da Ciberliga de Seguridade organizada pola Garda Civil.

- Día 11: Conmemoración do Día internacional contra a violencia e o acoso escolar. (2º ESO)

- Días 11, 15, 18, 22, 25 e 29: Programa YAM. (3º ESO)

- Día 14: Semana da ciencia para centros educativos no MUNCYT. (4º ESO)

- Do 18 ao 22: Proxección de curtametraxes contra a violencia de xénero. (2º ESO)

- Día 19: Visita ás instalacións de Applus+. (2º Bacharelato)

- Día 22: Conmemoración do Día internacional de eliminación de violencia contra a muller 25N. (1º ESO)

- Día 25: VI Ciberliga de Seguridade organizada pola Garda Civil. (4º ESO)

Programa YAM

Lun, 07/10/2024 - 19:00

Xuventude Consciente da Saúde Mental

O IES Isaac Díaz Pardo foi seleccionado como centro de intervención. 

A xuventude que participa en YAM (alumnado que cursa 3º ESO) está convidada a realizar xogos de rol e debater situacións difíciles da vida cotiá traendo ao grupo os temas que lles importan. Estes temas abranguen dende as relacións coas/os compañeiras/os e coas persoas adultas, os cambios de humor que sofren, os sentimentos de tristeza ou como afrontar situacións estresantes.

Durante cinco sesións repartidas en tres semanas o alumnado reflexionará en grupo sobre como se poden sentir nesas situacións e debaten como afrontalas contando co apoio de dous/as adestradores/as adultos/as, e cun material que inclúe pósters, diapositivas, tarxetas para os debates e un pequeno caderniño que lles será entregado para que o garden. 

Premer nos enlaces para para completar  información

YAM - Consellería de Sanidade - Servizo Galego de Saúde (sergas.es)

 

Cursos gratuítos de capacitación dixital para persoas adultas

Ven, 27/09/2024 - 15:30

O IES Isaac Díaz Pardo pertence á rede de centros de capacitación dixital. O obxectivo é formar en competencia dixital básica á poboación adulta que non estea recibindo formación no sistema educativo galego. Os cursos de formación son de 30 horas e están subvencionados polo Fondo Social Europeo, polo que son gratuítos. 

A inscrición realizarase de forma presencial na Secretaría do IES Isaac Díaz Pardo (horario de 9.00 a 14.00 de luns a venres).  

 

Calendario Curso 2024/25

Ven, 27/09/2024 - 10:00

Orde 12 de abril de 2024 pola que se aproba o calendario escolar para o curso 2024/25 nos centros docentes sostidos con fondos públicos na Comunidade Autónoma de Galicia.

Premendo sobre o enlace é posible consultar datas importantes do calendario do curso 2023/24.

 

ANPA: Circular actividades

Ven, 20/09/2024 - 07:30

Prezadas familias.

Queremos achegarvos información acerca dunha serie de actividades extraescolares que queremos ofrecer para o curso 2024/25, e que se levarán a cabo en colaboración con diversos centros da vila e do Concello de Sada.

O prazo para apuntarse é ata o venres, 27 de setembro.

No documento tedes toda a información.

Si necesitades algunha información adicional chamade ao 697 461 356  (só en horario de tarde).

 

Coñece o programa do alumnado axudante

Lun, 09/09/2024 - 07:30

Presentación para alumnado de 1º ESO

Presentación para alumnado de 2º e 3º ESO

Distribuir contido


by Dr. Radut