"Estrea absoluta dunha ópera familiar. Unha divertida proposta para penetrarse no mundo da ópera da man de Nani García e a Orquestra Sinfónica de Galicia apta para todos os públicos. Unha ópera bufa para todos os públicos baseada nunha idea orixinal do compositor Nani García. É un conto infantil e ao mesmo tempo unha obra artística con vocación de entusiasmar e amocionar ao público máis esixente. Presentada no formato ‘singspiel’, a obra contén unha intención lúdica e vitalista desde a que se saúda á Frauta Máxica de Mozart e á viveza imperecedoira das obras de Rossini. O espírito cómico transciende cada escena desde o propio deseño de personaxes. Pero baixo esta aparencia de lixeireza existen sofisticados mecanismos que abren as portas a un mundo de ilusión e tenrura. Esta nova e orixinal proposta desborda talento en todas as súas seccións. Por unha banda, a Orquestra Sinfónica de Galicia con Diego García Rodríguez á dirección. Por outra banda, as voces de Borja Quiza, Francisco Corujo e Helena Abad. E ademais, Miguelanxo Prado como deseñador de personaxes e escenografía, a emerxente María Peiteado coa dirección escénica e Baltasar Patiño coa dirección técnica."