Delia Vázquez gaña o Certame de Banda Deseñada do Xelmirez1
Delia Vázquez González ven de resultar gañadora do primeiro premio na súa categoría (12-16 anos) do Certame de Banda Deseñada que convoca o Instituto Arcebispo Xelmirez 1 de Santiago de Compostela.
Un galardón máis que merecido para Delia no que se xunta o talento persoal de alumnos e alumnas; unido co traballo dun instituto como o Aguiar( especialmente seus departamentos de Educación Plástica e Normalización Lingüistica), que se preza de publicar cada ano ( e van once edicións) unha revista de banda deseñada (BDban-de)... Xa o puidemos disfrutar con Sarela Lorenzo e agora volvemos a reeditar ledicia cunha nova promesa da Banda Deseñada.
Parabéns á artista, á súa familia e ao creativo Departamento de Educación Plástica e Visual na persoa do seu Xefe: Xosé Manuel Rey Bao.
Premiados no VI Certame de Banda deseñada AX1
Categoría de 12 a 16 anos:
Primeiro premio: O que ve. Autora: Delia Vázquez González, do IES Francisco Aguiar de Betanzos.
Segundo premio: Prexuízos virtuais. Autora: Raquel Cambeiro Fernández, do IES As Insuas de Muros.
Categoría de 16 anos ou máis:
Primeiro premio: Triste inocencia. Autora: Isela Rodríguez Mascato, do IES Xunqueira I de Pontevedra.
Segundo premio: Mosquitap. Autora: Anaïs Cerezal Pacho, do IES Xunqueira I de Pontevedra.
Agardamos que este recoñecemento sexa un impulso
para o camiño creativo de Delia
que agora comeza cheo de grandes esperanzas.
