Eventos
O alumnado que aprobou o exame do DELF B1 da Alianza Francesa no curso anterior recibiu o pasado día 8 os seus diplomas.
Parabéns!
.png)
A mirada atenta ao rapaz que pronuncia as palabras.
Pode ser que estea a dicir: «En la radio de música clásica la locutora dice que la próxima pieza va a ser un poema sinfónico....» ou «Díselles lobicás en Lugo, os cans que teñen sangue de lobo». pois así comezan as narracións que constitúen as suxestións de lectura desta semana.
O noso centro resultou seleccionado para participar na VI National Cyber League.
Trátase dunha competición de ciberseguridade para promover a aprendizaxe e o desenvolvemento de habilidades en seguridade informática a través de desafíos e probas en entornos controlados.
Está organizada pola Garda Civil en colaboración coa Consellería de Educación e vai dirixida a alumnado de 4º da ESO.
Un ano máis, o Equipo de Dinamización da Lingua Galega e a nosa Biblioteca Sebastián Buedo Jiménez convocan o concurso de [micro]relatos de terror para o alumnado matriculado no IES Francisco Aguiar neste ano académico.
Animádevos a enviar as vosas creacións a bibliofranciscoaguiar@gmail.com!
.png)
Convócase ás familias do alumnado de 3º da ESO interesadas en participar no viaxe á neve a unha reunión o vindeiro martes 22 de outubro ás 18.15 no salón de actos do instituto.
.png)
A Biblioteca Sebastián Buedo Jiménez organiza, por quinto ano consecutivo, o concurso artístico-literario que permitirá a edición do Calendario Aguiar.
Todos os alumnos que desexen participar, farán unha ilustración relativa a un dos doce meses do ano.
As ilustracións deberán adoptar unha disposición horizontal.
Acompañará á ilustración unha frase curta en galego, referida ao mes elexido. Esa frase, irá no reverso da lámina ou nun papel anexo.
Os traballos, orixinais, serán entregados aos profesores de Educación Plástica e Visual ou na Secretaría.
A data límite será será o martes 5 de novembro. .
Os doce mellores traballos conformarán o calendario Aguiar para o próximo 2025.
A nosa alumna Sofía despediuse da súa familia francesa en Metz e xa está de regreso connosco despois dun mes de inmersión lingüística e cultural co intercambio Edumob da Consellería de Educación. Pronto recibiremos no noso centro á súa correspondente Mathilde.
.png)
O alumnado de 4° de ESO gozou dunha visita guiada ao museo da vila de Betanzos. Este museo, de aspecto decimonónico, aínda que inaugurado en 1983, vén de sufrir unha interesantísima remodelación que o transporta ao noso século XXI. Ademais ten unha nova sección musical. Noraboa ao Museo das Mariñas!
A nosa recomendación será sempre ler.
Aínda que non nesta nada ergonómica postura, porque, ben sabido é, como recorda este tempo de outono, case todas as follas caen...
Que é unha tarde de Halloween sen pelis de medo? Sabías que moitas pelis de terror están baseadas en libros? Achégate á Biblio e pasa unha tarde de verdadeiro espanto cunha das lecturas que temos seleccionadas para tí.
Aclaración: a Biblioteca non se fai responsable das noites sen durmir polas lecturas dos libros propostos.
.png)
O 24 de outubro as Bibliotecas estamos de celebración!!! E temos preparadas moitas cousiñas! Novos xogos, busca do tesouro, podcasts, ioga… Non deixes de vir á Biblio! É o noso día e ímolo celebrar ao grande!
Longa vida ás Bibliotecas!
O alumnado de 4º da ESO da materia de FOPP participa no desenvolvemento dun pequeno proxecto artístico que permita plasmar como sente e pensa a adolescencia en relación a temas que lle son importantes.
O alumnado de 3º da ESO que cursa Educación Dixital participou nun interesantísimo obradoiro ofertado pola Consellería de Educación.
Nestas datas que anteceden o día de defuntos, as lecturas ben poden axudar a desacralizar a Morte, a desmontala, con serenidade, das súas maiúsculas para ensinar a vivir a Vida.
Parabéns ao noso alumno Guillermo Mallo polas magníficas fotografías deste fenómeno atmosférico que moi excepcionalmente nos agasalla o firmamento.
ACTA DA REUNIÓN DA XUNTA ELECTORAL DO 29 DE OUTUBRO DE 2024
Ás 16:15 horas do 29 d enovembro de 2024, reuniuse a Xunta Electoral encargada de organizar e supervisar o procedemento de elección de membros do Consello Escolar do IES Francisco Aguiar, coa seguinte orde do día:
- Constitución da Xunta Electoral encargada de organizar e supervisar o procedemento de elección de membros do Consello Escolar do IES Francisco Aguiar.
- Aprobación dos censos electorais.
- Aprobación do calendario electoral.
- Rogos e preguntas.
Unha vez constituida a Xunta Electoral, adóptanse os seguintes acordos:
- Aprobar os censos electorais dos diferentes sectores.
- Aprobar o seguinte calendario electoral:
Prazo de presentación de candidaturas: Do 29 ata as 14 horas do 7 de novembro. [Nesta entrada están os modelos para a presentación das candidaturas ben na secretaría do IES ou ben vía correo electrónico solictando rexistro de entrada]
