Eventos

O alumnado de 2º de ESO creó un glosario dos principais meteoros en Portugués. O profesor Dn. Antón García Rodríguez, do Dpto. de Galego foi o encargado de realizar a actividade.

A finalidade é desenvolver habilidades para identificar e definir termos importantes sobre meteoroloxía a través da creación dun glosario de meteoros en Portugués.

Esta actividade é unha excelente maneira de promover o traballo en equipo, a investigación e o desenvolvemento de habilidades de organización e síntese da información. Ademais, permite o alumnado ampliar o seu vocabulario e comprensión sobre a Meteoroloxía.

Clica na imaxe para consultar o glosario

O alumnado de 3º da ESO programou un xogo interactivo de preguntas e respostas sobre Meteoroloxía, empregando a ferramenta de programación Scratch. A profesora Dna. Mª Teresa Rego Sanmartín do Dpto. de Tecnoloxía realizou a actividade.

A meteoroloxía é unha ciencia fascinante que estuda os fenómenos atmosféricos e o seu impacto na nosa contorna. Neste xogo de preguntas e respostas sobre meteoroloxía, poderás poñer a proba os teus coñecementos e aprender máis sobre este apaixonante tema. 

Utilizaremos Scratch, unha plataforma de programación visual, para crear un xogo interactivo que fará que che divirtas mentres aprendes. Neste xogo, terás que responder a unha serie de preguntas relacionadas coa meteoroloxía, por exemplo: Que é a presión atmosférica? Como se forma un tornado? Cal é a diferenza entre un furacán e un tifón? 

A medida que vaias acertando as respostas acumularás puntos. Prepárate para mergullarche no apaixonante mundo da meteoroloxía e poñer a proba os teus coñecementos con este emocionante xogo de preguntas e respostas!

A xogar!

Videoxogo: Identifica os tipos de Meteoros

Autores:

Álvaro Carballal Cabana

Alex Gómez Torres 

 Clica na imaxe para xogar

Videoxogo: Canto sabes sobre Meteoroloxía?

Autores:

Daniel García Rodríguez

Enmanuel Quinteiro Valderrama

 Iván Vázquez Pardo 

 Clica na imaxe para xogar

Videoxogo: Identifica os tipos de nubes

Autores:

Justo Ferreiro Martín

Martín Quintás Fernández  

  Clica na imaxe para xogar

Videoxogo: Identifica os aparellos de medir o tempo

Autores:

Laura Varela Rodríguez

Íria Vázquez Gaveiro 

 Clica na imaxe para xogar

O cambio climático é un dos maiores desafíos aos que se enfronta a humanidade na actualidade. Refírese á variación a longo prazo nos patróns climáticos da Terra, causada principalmente pola actividade humana, como a queima de combustibles fósiles e a deforestación. Este fenómeno ten consecuencias devastadoras para o planeta, como o aumento das temperaturas globais, o derretimiento dos casquetes polares, a acidificación dos océanos e o aumento na frecuencia e intensidade de fenómenos climáticos extremos, como furacáns e secas. 

A profesora Dna Mª Teresa Rego Sanmartín do Dpto. de Tecnoloxía, plantexou ó alumnado de 3º da ESO da materia de Dixitalización, a realización dunha presentación sobre o Cambio Climático.

Nesta actividade sobre o Cambio Climático, exploraremos as causas e consecuencias deste problema global, así como as posibles solucións e accións que podemos tomar para mitigar os seus efectos. É fundamental que tomemos conciencia da urxencia de actuar e traballemos xuntos para protexer o noso fogar, a Terra, para as xeracións futuras. 

Xuntos podemos marcar a diferenza!

 

  

 

A profesora Dna Cristina González Abelairas, do Departamento de Lingua Castelá e Literatura, realizou co alumnado de 3º da ESO na materia de Proxecto Competencial un vídeo signando os principais meteoros. Empregouse tanto a lingua de signos galega (LSG) como a lingua de signos española (LSE). 

Nesta actividade explicouse ós/ás rapazas que a lingua de signos é a lingua propia das persoas con xordeira ou xordo cegueira e emprega unha canle distinta a das linguas orais, pois é xestual e visual con parámetros específicos na produción signada como: localización do signo, configuración da man, movemento, orientación da palma, expresión corporal e/ou facial e vocalización.

Os principais obxectivos foron:

• Facilitar a comunicación entre persoas xordas ou con discapacidade auditiva e persoas oíntes. 
• Fomentar a inclusión e a accesibilidade para as persoas xordas en diferentes ámbitos, como a educación, o traballo, a saúde, entre outros. 
• Promover o respecto e a valoración da diversidade lingüística e cultural das persoas xordas. 
• Contribuír ao desenvolvemento da autonomía e a autoestima das persoas xordas ao poder expresarse de maneira natural e fluída na súa lingua materna, a lingua de signos. 
• Sensibilizar á sociedade sobre a importancia da lingua de signos como ferramenta de comunicación e medio de expresión lexítimo para as persoas xordas.

Buscáronse os signos dos meteoros en lingua de signos a través do dicionarios "preadsign.com", que se corresponden coas seguinte palabras en castelán: LLUVIA, NIEVE, AGUANIEVE, HELADA, GRANIZO, COPO, HIELO, AGUA, RAYO, TRUENO, FRÍO, MAREA, NOCHE, DÍA, HURACÁN, VIENTO, SOL, LUNA, ARCOÍRIS, CALIMA, NIEBLA ou NUBES.

Ademais foron necesarios outros signos que permitían matizar os anteriores como: CAPA, MUCHO, POCO, FIN, INSTANTE... A docente explicou o signado con detalle que o alumnado ensaiou. Tamén se viron vídeos sobre información meteorolóxica signada na TVG e persoas xordas signando sobre o tema.

Finalmente gravouse un vídeo que pódese ver en YouTube, para que máis persoas poidan aprender sobre os meteoros en lingua de signos e para difundir a importancia desta lingua e promover o seu uso na sociedade.

Clica na imaxe para ver o vídeo