Dinamización lingüística

O día 3 de maio celebrouse o Correlingua na Coruña.  Foi a décimo novena edición desta carreira  reivindicativa que quere sensibilizar a poboación sobre a situación na nosa lingua a través  dos máis novos, e ao mesmo tempo motivar a reflexión.

O lema deste ano foi O galego é a fórmula  para centrar a atención na necesidade de que o galego estea presente en todas as materias do ensino, tamén nas do ámbito científico.

No noso centro participaron os alumnos de 1º da ESO. Despois de reflexionar nas aulas fóxose un obradoiro de taller de camisetas onde cada un estampou o seu lema e deseño.

No blog do EDLG do centro hai máis información sobre o obradoiro

Para celebrar o Día Mundial da Poesía 2019 o Equipo de Dinamización da Lingua Galega, o Equipo da Biblioteca e o departamento de Lingua Galega convocan o I Concurso de Caligramas.

Ademais este ano imos aproveitar para coñecer e homenaxear Sombra do aire na herba de Luís Pimentel cando se cumoren 60 anos da súa publicación.

PARTICIPA. HABERÁ SUCULENTOS PREMIOS

DOCUMENTACIÓN COMPLEMENTARIA:

- INFOGRAFÍA SOBRE O CALIGRAMA

- ANTOLOXÍA DE SOMBRA DO AIRE NA HERBA

- BASES DO CONCURSO

O Instituto Nº1 de Ordes, en colaboración co Departamento de Lingua e Literatura Galegas, o Equipo de Dinamización da Lingua Galega e a Biblioteca do centro, convoca o premio de poesía Carme Villaverde. 

Poderá participar o alumnado de ESO, Bacharelato, ESA e Ciclos Formativos que cursen estudos en Galicia e non teñan cumpridos 20 anos a 31 de decembro de 2018. Presentaranse tres composicións, con liberdade de metro e rima. Deberán ser orixinais, inéditas e escritas en lingua galega. O prazo de presentación remata o 3 de maio de 2019 ás 14:00 horas.

BASES

Tamén podes consultar as bases na cortiza do EDLG