Actividades complementarias e extraescolares

Magosto'24 IES David Buján

Un ano máis volvemos celebrar o Magosto no noso centro.

Grazas a todos os participantes e a todos os que colaboráchedes para que isto fora posible en especial á nosa vicedirectora e aos profes de Educación Física que tiveron todo a punto.

Deixámosvos unha mostra neste pequeno video.

Ler máis

Reforestación do IES David Buján no curso 2023/2024

No verán de 2023, o IES David Buján acometeu os traballos para eliminar os grandes exemplares dunha especie invasora, a acacia negra (Acacia melanoxylon), que había no seu xardín. Tamén se efectuou a corta de vellos exemplares de piñeiros bravos (Pinus pinaster) que chegaran ao final do seu ciclo vital e presentaban perigo de caída durante os temporais do inverno.

Durante o curso 2023/2024, grazas ao programa Voz Natura, á colaboración dunha familia particular e á xenerosísima doazón do Viveiro A Revolta (grazas, Ivón!), diversos grupos de estudantes e docentes comezaron o proceso de reforestación do instituto coa plantación dun pequeno pomar e arboreto, con especies como as seguintes:

Ler máis

Día da Ciencia na Rúa 2024

Un ano máis, o IES David Buján participou no Día da Ciencia na Rúa que tivo lugar este sábado 4 de maio no parque de Santa Margarida.

Ler máis

Viaxe cultural 1º bacharelato

(Fai clic para acceder á galería)

Durante a semana do 18 ao 22 de marzo, un grupo de estudantes tivo a oportunidade de mergullarse na historia e na arte a través dun percorrido enriquecedor por distintas cidades e lugares emblemáticos.

Ler máis

Organización do magosto 2023

Mañá, venres 3 de novembro, celebramos o noso magosto con xogos populares. Como as condicións meteorolóxicas non axudan moito, ímolo organizar dun xeito un pouco diferente:

Ás 11.20 h, os grupos de 4º de ESO saen para organizar, coordinados polo departamento de Educación Física.
Das 12.00 ás 12.30 h, todos os grupos saen para comer as castañas (agás 2º de BAC, que sae ás 12.10 h).
Das 12.30 ás 13.20 h, 1º e 3º de ESO van ao pavillón para participar nos xogos populares dirixidos polo alumnado de 4º. O resto dos grupos van para a clase.
Das 13.20 ás 14.10 h, 2º de ESO vai para o pavillón para participar nos xogos populares.

Visita de 4º de ESO ao CITENI (Ferrol)

O pasado venres 29 de setembro celebrouse a Gnight, a Noite Europea das Persoas Investigadoras, un evento anual a nivel europeo que nace coa intención de achegar a ciencia e a tecnoloxía á cidadanía; e tamén espertar vocacións científico-tecnolóxicas entre a rapazada.

Por este motivo, o CITENI (Centro de Investigación en Tecnoloxías Navais e Industriais) do Campus Industrial de Ferrol da UDC convidou ao alumnado de 4º ESO de Física e Química e Tecnoloxía a visitar as súas instalacións e participar en obradoiros relacionados coas actividades de investigación que alí realizan. Visitamos o Laboratorio de Enxeñería Mecánica o Laboratorio de Aplicacións Industriais do Láser e o Laboratorio de Propiedades Térmicas e Reolóxicas de Materiais. Tamén participamos nun obradoiro de matemáticas organizado polo Centro de Investigación e Tecnoloxía Matemática de Galicia (CITMAga).

Moitas grazas ao persoal do CITENI polo convite e polas actividades ofertadas, que foron moi interesantes e entretidas.

Representación do IES David Buján en Diverciencia

Nerea, María e Jean de 4º de ESO representan o IES David Buján cun proxecto cuxo obxectivo é comparar o contido en proteínas no leite e en bebidas de orixe vexetal. O traballo foi levado a cabo durante este curso polo Club de Ciencia do centro e foi desenvolvido grazas ao material e a información proporcionada polo grupo de divulgación e de innovación XuvenCiencia da USC.

A feira Diverciencia ten como obxectivo dinamizar a ensinanza e a divulgación da ciencia a través dos proxectos presentados por alumnado de diferentes niveis educativos. Durante estes días, ademais, haberá charlas, exposicións e obradoiros para os participantes. Este ano a feira acolle máis de 3.400 estudantes xunto a 209 profesores acompañantes de 81 centros participantes. Moita sorte, Nerea, María e Jean na defensa do voso proxecto!

O alumnado de 4º e bacharelato que estea interesado en aprender a realizar proxectos de investigación e ademais pasalo moi ben este verán, poden participar no campus de verán de XuvenCiencia que se desenvolverá en Lugo do 2 ao 8 de xullo.

Ligazón: https://xuvenciencia.org/campus/gl/

Viaxe a Portugal 4º ESO

Despois de varios cursos de suspensión deste tipo de saídas por mor do Covid-19, este ano o alumnado de 4º ESO tivo a oportunidade de realizar a súa viaxe de fin de etapa a Portugal (Lisboa, Sintra, Cascais, Estoril, Óbidos, Mafra...). A continuación un vídeo con algúns dos lugares e momentos compartidos.

Visita de 2º de bacharelato a Santiago de Compostela

O luns, 19 de decembro de 2022 o alumnado de 2º de bacharelato visitou Santiago de Compostela, nunha saída organizada polos departamentos de Xeografía e Historia, Lingua Galega e Literatura, Música, Artes Plásticas e Relixión. Nesta ocasión, visitaron espazos tan emblemáticos como o Pórtico da Gloria da catedral ou o Museo do Pobo Galego.

Esta actividade foi subvencionada polo concello de Cambre.