Dinamización lingüística

8 de marzo ou a loita pola igualdade

Dende a proclamación en 1910 do 8 de marzo como Día Internacional da Muller Traballadora, a instancias de Clara Zetkin, que propuxo na reunión da Internacional Socialista de Copenhagen lembrar ás obreiras téxtiles que en 1857 saíron a rúa en Nova York para reclamar melloras nas súas condicións de traballo, esta efeméride serviu de referente na loita pola igualdade impulsada polos movementos feministas.

O EDLG tamén se suma na reivindicación deste día e lembra esta canción das Tanxugueiras, feita para esta data. Aquí o vídeo e aquí a letra

blogue de iconcepcion

"Chíos de amor"

O obxectivo principal do concurso, convocado polo EDLG e o departamento de Lingua Galega , é dinamizar o uso da lingua galega entre os mozos e mozas nas súas relacións persoais e nas novas tecnoloxías, nomeadamente, na Internet e na mensaxería instantánea.

Foron bastantes e variadas as declaracións presentadas a concurso. Aquí tedes as premiadas e os premiados. Grazas a todos por participar. Coma sempre o premio serán unhas gorentosas rosquiñas de Aurora

blogue de iconcepcion

24 de febreiro, Día de Rosalía de Castro

O IES David Buján únese o 24 de febreiro á celebración do Día de Rosalía de Castro, conmemoración posta en marcha pola Asociación de Escritoras e Escritores en Lingua Galega coincidindo co aniversario do nacemento da escritora. Nesta ocasión, o Departamento de LG levará a cabo numerosas de actividades co obxectivo de reivindicar a vixencia da figura e a obra da homenaxeada.

Dende o EDLG convócanse dous concursos para impulsar a creatividade vinculada á figura e obra de Rosalía:

Mail art. Elaboración de postais decorados cos poemas (ilustrados) de Rosalía de Castro. Consulta aquí as bases

Poscast de recitado de poemas de Rosalía de Castro. Consulta aquí as bases

RECURSOS:

- Rosalía de Castro (Draw my life). Vídeo

OBRA:

Breve antoloxía

Música:

DE VACAS. Rexurdimente
O VAL DAS MOURAS. Por que?

MAXIA:

MAGO TETO. A maxia das nosa letras.

AELG ( Manifesto e outros materiais)

blogue de iconcepcion

21 febreiro. Día da Lingua Materna

O Día Internacional da Lingua Materna foi proclamado pola Conferencia Xeral da UNESCO en novembro de 1999 e celébrase anualmente dende o 21 de febreiro de 2000 cos obxectivos de promover o plurilingüismo e a diversidade cultural.

Neste día celebramos a riqueza que supón a diversidade lingüística do planeta e a necesidade de preservar este patrimonio e de promover o plurilingüismo. Na nosa e na vosa man está o futuro da lingua galega.

O EDLG do IES David Buján vai repartir este autocolantes de balde para festexar esta data e concienciar sobre a importancia de empregar unha lingua, porque as linguas crecen na nosa boca.

blogue de iconcepcion

Entroido

Os Amigos dos Músicos estrean canción sobre o entroido, Que non pare a festa. Neste ano, onde non vai poder haber desfiles, carvanais, folións,..., parece que anima oílos e ver este vídeo tan bonito e colorido. No vídeo saen unha vintena de personaxes tradicionais nunha especie de folión cheo de cor e algarabía. Aquí danza o boteiro de Viana do Bolo ao son das súa esquilas (chocas) xunto a un felo de Esgos, tocando as súas cunchas. Tamén pasa un burlón chocalleiro de Vilardevós cun pandeiro e un vellarón de Riós...

Aquí cho deixo

blogue de iconcepcion

Recitando celso Emilio

Grazas a todas e todos por participar. Aquí vos deixo ou vídeo onde figura o nome de todos os que fixestes o recitado do poema de Celso Emilo. Proximamente repartiranse os punto do EDLG.

Grazas por participardes

blogue de iconcepcion

2 DE FEBREIRO. Día da Candeloria

A da Candeloria (a festa das candeas) ten unha orixe pagá que se remonta a tempos anteriores á romanización.

Na cultura popular galega a da Candeloria é "a festa da luz", xa que comezan a medrar os días e a facerse máis pequenas as noites, xa falta pouco para primavera (coincide na metade do inverno, no intre xusto entre os solsticio da estación fría e o equinoccio de primavera), ... Tamén é o momento que volven os paxariños que migraron (e retornan ás súas terras os que aquí pasaron o inverno) e se emparellan para facer xuntos o niño. Consulta o blogue de EDLG para saber máis cousas sobre esta festa tradicional.

Dende o EDLG queremos promover dúas accións:

1. OBRADOIRO DE ORIGAMI

Aprender a facer paxaros de papel cun vídeo, xa que non podemos facer o obradoiro presencial, para decorar o centro, aulas, casa, ...

2. O concurso CHÍOS DE AMOR.

Fai mensaxes curtas e colócaas na exposición que haberá na cortiza de EDLG co teu nome detrás. A declaración de amor pode ser moi amplo (namorado, namorada, amiga, pais, lingua, ...). BASES