Skip to Content

Organización do magosto 2023

Mañá, venres 3 de novembro, celebramos o noso magosto con xogos populares. Como as condicións meteorolóxicas non axudan moito, ímolo organizar dun xeito un pouco diferente:

  • Ás 11.20 h, os grupos de 4º de ESO saen para organizar, coordinados polo departamento de Educación Física.
  • Das 12.00 ás 12.30 h, todos os grupos saen para comer as castañas (agás 2º de BAC, que sae ás 12.10 h).
  • Das 12.30 ás 13.20 h, 1º e 3º de ESO van ao pavillón para participar nos xogos populares dirixidos polo alumnado de 4º. O resto dos grupos van para a clase.
  • Das 13.20 ás 14.10 h, 2º de ESO vai para o pavillón para participar nos xogos populares.

ACTIVIDADES DA NOSA BIBLIOTECA PARA AS FAMILIAS

A biblioteca do IES David Buján vén de elaborar un plan de actividades para as familias do seu alumnado co obxectivo de implicalas máis na dinámica do centro e, en particular, do relacionado coa biblioteca e a lectura. Esas actividades comezarán o día 20 deste mes, ás 18,15, cunha xornada de portas abertas na que amosaremos a biblioteca e comentaremos as súas actividades aos familiares que queiran vir.  O demais que lles ofrecemos está contido nesta carta que xuntamos e que estamos a entregar ao alumnado estes días para que as familias nola devolvan cuberta e as´saber o que lles interesa.

.

ANIMÁDEVOS A PARTICIPAR!

A nosa Aula de Convivencia volve a estar a pleno rendemento!

Invitámosvos a que veñades nos recreos a entretervos con distintos xogos e actividades. Algúns son de cursos pasados (o xadrez ou cubos de rubik) e outros son novos ("unno", “jenga”, “cortex”, “hundir la flota”, “scrabble”, “tabú”…) Tamén podedes colorear mandalas, tocar a guitarra, ler tranquilamente ou simplemente charlar cos compañeiros, compañeiras e profes. Pronto empezarán os recreos dinámicos con novas actividades. Vémonos alí!

CLUB DE LECTURA "AVELAÍÑA"

Xa están en marcha a maioría dos grupos de lectura no club "Avelaíña". Por agora, temos un grupo de literatura xuvenir de 1º de ESO, un de novela e teatro de 3º, un de novela en galego, un de literatura universal tamén en galego, un de ciencia e un de profes. Teremos tamén un de manga, un de literatura de misterio e outro de lecturas en inglés. Aínda estás a tempo de anotarte no que máis che interese! 

Toda a información na biblioteca.

Exames de materias pendentes de ESO (1ª parte)

Este será o horario de exames da primeira parte das materias pendentes de ESO, na semana do 6 ao 10 de novembro de 2023.

Probas de acreditación de competencia en linguas estranxeiras

Ábrese o prazo para solicitar as probas de acreditación de competencia en lingua estranxeira en inglés, francés ou portugués, tal e como se indica na seguinte ligazón: https://www.edu.xunta.gal/portal/node/41160. O alumnado de 4º da ESO, 1º e 2º de Bacharelato que as queira solicitar terá que entregar o formulario anexo, cuberto pola familia, na administración do centro. A data límite para entregalo é o 26 de outubro. Prégase que se reflexione sobre a petición da proba, xa que a solicitude require un compromiso firme: se se concede, o alumno/a deberá realizala.
 
 

Exames de pendentes de bacharelato, 1ª parte

Publicamos aquí o calendario dos exames da primeira parte das pendentes de bacharelato.

Venres, 13 de outubro: día non lectivo do centro

Lembramoslle á comunidade educativa que este venres, 13 de outubro, é un dos días non lectivos de elección do noso centro, así que esta semana non teremos clase nin xoves nin venres.

Visita de 4º de ESO ao CITENI (Ferrol)

O pasado venres 29 de setembro celebrouse a Gnight, a Noite Europea das Persoas Investigadoras, un evento anual a nivel europeo que nace coa intención de achegar a ciencia e a tecnoloxía á cidadanía; e tamén espertar vocacións científico-tecnolóxicas entre a rapazada.

Por este motivo, o CITENI (Centro de Investigación en Tecnoloxías Navais e Industriais) do Campus Industrial de Ferrol da UDC convidou ao alumnado de 4º ESO de Física e Química e Tecnoloxía a visitar as súas instalacións e participar en obradoiros relacionados coas actividades de investigación que alí realizan. Visitamos o Laboratorio de Enxeñería Mecánica o Laboratorio de Aplicacións Industriais do Láser e o Laboratorio de Propiedades Térmicas e Reolóxicas de Materiais. Tamén participamos nun obradoiro de matemáticas organizado polo Centro de Investigación e Tecnoloxía Matemática de Galicia (CITMAga).

Moitas grazas ao persoal do CITENI polo convite e polas actividades ofertadas, que foron moi interesantes e entretidas.

 

Visita ao CIS Tecnoloxía e Deseño e ao CESENA

O 29 de setembro de 2023, o alumnado de Tecnoloxía e Enxeñaría, TIC e Tecnoloxías Intelixentes de 1º bacharelato realizou unha visita á sede do Centro de Innovación e Servizos Tecnoloxía e Deseño en Narón. Aproitouse o desprazamento para visitar tamén o Centro de Excelencia do Sector Naval, cuxa sede se atopa no mesmo edificio.

Ambas as dúas visitas estiveron centradas na explicación de posibles aplicacións de realidade virtual e realidade aumentada, de xeito que o alumnado tivo ocasión de probar diversos contornos dixitais: deseño, fabricación e mantemento de embarcacións, adestramento de pintura con pistola de presión, sistema solar, RA aplicada a unha biblioteca e moitas máis.

Tanto o alumnado participante na visita coma o profesorado acompañante queren agradecer aos anfitrións o bo trato recibido.

Pódese ver a galería completa de fotos e vídeos.

 

 

Distribuir contido


by Dr. Radut