Skip to Content

Charla de orientación académica e laboral: FP sanitaria no CIFP Ánxel Casal

No mediodía do vindeiro luns, 8 de maio, entre as 15.30 e as 16.30 h, imos recibir a visita de persoal do CIFP Ánxel Casal (A Coruña), que nos vai ofrecer información de primeira man sobre a súa oferta de ciclos de Formación Profesional da rama sanitaria. Esta actividade está dirixida a todo o alumnado interesado e ás súas familias.

 

Representación do IES David Buján en Diverciencia

Nerea, María e Jean de 4º de ESO representan o IES David Buján cun proxecto cuxo obxectivo é comparar o contido en proteínas no leite e en bebidas de orixe vexetal. O traballo foi levado a cabo durante este curso polo Club de Ciencia do centro e foi desenvolvido grazas ao material e a información proporcionada polo grupo de divulgación e de innovación XuvenCiencia da USC.

A feira Diverciencia ten como obxectivo dinamizar a ensinanza e a divulgación da ciencia a través dos proxectos presentados por alumnado de diferentes niveis educativos. Durante estes días, ademais, haberá charlas, exposicións e obradoiros para os participantes. Este ano a feira acolle máis de 3.400 estudantes xunto a 209 profesores acompañantes de 81 centros participantes. Moita sorte, Nerea, María e Jean na defensa do voso proxecto!

O alumnado de 4º e bacharelato que estea interesado en aprender a realizar proxectos de investigación e ademais pasalo moi ben este verán, poden participar no campus de verán de XuvenCiencia que se desenvolverá en Lugo do 2 ao 8 de xullo.

Ligazón: https://xuvenciencia.org/campus/gl/

Talleres de xadrez, cubo de rubik, origami...

O Departamento de Convivencia e Mediación continúa coas súas actividades durante este último trimestre. Seguimos cos talleres de xadrez e de cubo de rubik. Temos novos cubos con diferentes formas e que son máis desafiantes! Retámosvos a que veñades á aula de convivencia a intentar resolvelos! 

Tamén temos unha  novidade: un taller de origami no primeiro recreo dos venres que organiza Nicolás Martínez de 1º ESO. Grazas Nico por axudarnos a facer figuras tan fermosas!
Non olvidemos que tamén segue adiante a Brigada Ecolóxica. Hai que coidar o contorno do noso instituto. É labor de todo@s.
Animádevos a participar nestas actividades nos recreos!
 

Visita de Emma Pedreira

O pasado venres, 21 de abril de 2023, o IES David Buján recibiu a visita de Emma Pedreira Lombardía, grazas ao Programa de Actividades Literarias do Ministerio de Cultura. A escritora mantivo encontros con grupos de 1º e 2º de ESO, con quen falou dos diversos formatos que poden adoptar os libros e tamén da súa novela Os corpos invisibles, publicada en 2019.

Avaliacións STEMBACH

 
Este mes de abril tiveron lugar as avaliacións do alumnado STEMBACH de 2º de Bacharelato. O día 12 expuxeron Xiana Valiño Rodríguez, Óscar Caínzos Rodríguez e Daniel Viñas Barciela o traballo "O papel das solucións baseadas na natureza da mitigación dos asolagamentos e control da contaminación nas cidades". O día 26 foi a quenda de Moraima Núñez Álvarez, Elena Hortas Salas e Icía Moure Cernadas co traballo "Búsqueda de antibióticos en muestras de suelo". Ambos os traballos mereceron unha cualificación de sobresaliente.
 
 
 
 
 

Emma Pedreira Lombardía

 

O Día do Libro (tamén denominado Día Mundial do Libro e o Dereito de Autor, Día Internacional do Libro e Día Mundial do Libro) é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor. (Fonte: wikipedia)

No IES DAVID BUJÁN  imos celebrar a data coa presenza da escritora Emma Pedreira Lombardía, autora  de libros referencias da literatura galega recente.  A actividade inscríbese, e é financiada polo  Ministerio de Cultura e Deporte, dentro das Actividades de Promoción das Letras.

A escritora terá un primeira encontro co alumnado de 1º da ESO onde, acompañada dunha maleta, falará de libros. Despois será a quenda  do alumnado de 2º da ESO,  cos que falará da súa obra.

Feliz día do libro

Visita ao Museo Didáctico das Telecomunicacións

O 17 de abril de 2023, o alumnado de Tecnoloxía e enxeñaría de 1º bacharelato realizou unha visita ao Museo Didáctico das Telecomunicacións da Coruña. O persoal do museo -traballadores xubilados de Telefónica- explicou a evolución das tecnoloxías máis relevantes do ámbito das telecomunicacións (telefonía, telegrafía, radiocomunicación...) dende as súas orixes, hai máis de 150 anos, ata os dispositivos dixitais da actualidade. O máis asombroso deste museo é que moitos dos equipos están plenamente operativos a pesar da súa antigüedade. Tamén é salientable a cantidade de paneis que, mediante o uso de leds, explican os procesos que se levan a cabo nas redes de comunicacións.

Tanto o alumnado participante na visita coma o profesorado acompañante queren agradecer aos anfitrións o excelente trato recibido e animalos para que continúen coa increíble e sacrificada labor de mantemento que veñen realizando no museo.

ACTIVIDADES DÍA DO LIBRO

Para a última semana deste mes de abril, a biblioteca traballa na preparación das seguintes actividades:

-III Concurso Fotográfico "O Pracer de Ler".

-Elaboración de vídeos onde as familias do noso centro amosen as súas bibliotecas, explicando  que tipo de libros teñen, como os teñen ordenados, cales son os seus favoritos, etc.

-Encontro de exalumnas do instituto que son escritoras.

-Exposicións bibliográficas dos premios Cervantes.

Agardamos a vosa colaboración e suxestións.

 

 

MUSIGAL 2023

Comeza o Musigal para escoller a canción do 2022 que máis nos gustou.

Participa propoñendo cancións para seren incluídas nas roldas clasificatorias. Manda as túas proposta ao edlg@iesdavidbujan.gal ( co asunto "Musigal 2022") ou informa o  profesorado de LG ou do EDLG. Podes conseguir puntos do EDLG

Tamén podes participar votando as cancións xa propostas, dende a túa sesión (coa conta do centro). Só podes votar unha vez por eliminatoria.

Para seleccionar as finalistas faranse tantas roldas como cancións se propoñan. Sortearase unha camiseta, bocatas e  puntos do EDLG entre os que voten.  

Embaixo irán aparecendo todas as elimatorias

  

Distribuir contido


by Dr. Radut