IES David Buján

Intercambio de Francés

O alumnado de Francés que participa este ano no intercambio xa chegou a Annecy! Velaquí están na súa saída desde o aeroporto de Alvedro.

Presentación de proxectos Stembach

Os días 12 e 13 de marzo de 2024 tivo lugar o acto de defensa dos proxectos de investigación dunha parte do alumnado do IES David Buján que cursa o Bacharelato de excelencia en Ciencias e Tecnoloxía.

Carlos Viqueira Seijo e Álvaro Manteiga Louro presentaron o proxecto Simulación de técnicas de drenaxe urbana sostible en Minecraft, que foi dirixido por José Anta Álvarez, profesor do Departamento de Enxeñaría Civil da UDC.

A liña de investigación Micromundos deu lugar a dous proxectos de investigación centrados na búsqueda de antibióticos; un deles levado a cabo por Paula Méndez Gómez, Iago Valentín González Seijas e Juan Jesús González Seijas, mentres que o outro tivo a autoría de Sara Fernández Gayoso e Iria Añón Esmorís. Ambos os dous proxectos foron co-dirixidos por Carmen Rioboo Blanco e Ángeles Cid Blanco, profesoras do Departamento de Bioloxía da UDC.

Os tribunais cualificadores destacaron en todos os casos a calidade dos traballos e puxeron en valor o esforzo realizado polo noso alumnado.
Agradecemos ao profesorado da UDC a súa implicación nestes proxectos.

Olimpiada de Bioloxía 2024

O pasado venres 23 de febreiro o noso alumno de 2º de Bacharelato Juan González Seijas participou na fase presencial da Olimpiada de Bioloxía, que tivo lugar na Facultade de Bioloxía da Universidade de Vigo, tras ter superado a fase previa online.

Durante a xornada, ademáis de realizar un exame teórico e diversas actividades prácticas, asistiu a unha conferencia sobre o Anisakis impartida polo profesor da Facultade o Dr Raúl Iglesias Blanco.

Parabéns pola superación da fase previa e polo bo aproveitamento da xornada!

blogue de martamosquera

Olimpíada Galega de Química 2024

O pasado venres, 8 de marzo, tivo lugar na Facultade de Ciencias da Coruña a XLI edición da Olimpíada Galega de Química. Os/as gañadores/as desta fase local pasarán á fase nacional, que terá lugar en Murcia.

Lucía Cuervo, Iago González, Juan González, Mariña González, Paula Méndez, Iago Pérez e Kira Vila representaron ao noso instituto e demostraron os seus bos coñecementos na materia. Parabéns por participar e moita sorte nesta fase local.

Olimpíada de Xeografía 2024

O día 5 de marzo, o alumnado de Xeografía de 2º de bacharelato participou más Olimpíadas de Xeografía de Galicia. Moitos parabéns a Rubén Veira, de 2º C, que gañou o primeiro premio. Acudirá en maio a Sevilla para a fase nacional.

Tamén participaron María Fariña, Jair Sarmiento, Zaida Louro, Gabriel Miguez, Carlos Vila e a Hodei González.

Visita ó IES Punta Candieira de Cedeira

Unha das moitas formas nas que o profesorado do centro busca seguir formándose e mellorar a súa práctica docente é participando no programa Observa_Acción. Confiando en que temos moito que aprender uns dos outros, no mes de decembro atrevémonos a entrar nas clases dos nosos compañeiros e compañeiras para tomar boa nota das súas estratexias metodolóxicas do día a día.

Desenvolvendo agora a segunda fase do programa, este 7 de marzo visitamos o IES Punta Candieira de Cedeira. Alí tivemos ocasión tanto de asistir ás clases da mañá, como de coñecer sobre o terreo a súa forma de desenvolver os proxectos de centro (biblioteca, radio, convivencia, igualdade). Foi unha visita moi proveitosa da que chegamos cargados de agradecemento pola súa xenerosidade á hora de abrirnos as portas e de novas ideas que nos axuden a acadar os obxectivos do noso centro.

O próximo mércores 13 de marzo tocaranos a nós facer de anfitrións, agardámosvos!

Conmemoración do día da muller e a nena na ciencia: Gran final do concurso “Que sabes de mulleres científicas?”

O xoves 29 de febreiro tivo lugar a gran final do concurso sobre mulleres científicas. A proba desenvolveuse adaptando o famoso concurso “Quen quere ser millonario?”, de maneira que o alumnado finalista tivo demostrar os seus coñecementos superando unha serie de preguntas sobre mulleres científicas e as súas achegas. Houbo unha grande afluencia de público e os grupos asistentes animaron e apoiaron aos seus representantes con moito entusiasmo.

Noraboa a todas/os participantes do concurso, especialmente ás finalistas Alba Camba, de 1º ESO A e Patricia Real de 1º ESO B e aos gañadores Hugo Boo e Jairo Cadaveira de 3º ESO C. Esperamos que gocen dos premios conseguidos!

DÍA DE ROSALÍA DE CASTRO

O pasado venres 23 de febrerio, día de lembranza do nacemento de Rosalía de Castro en 1837, realizamos no centro varias actividades para recordar a escritora iniciadora do Rexurdimento.

RECITAL DE POESÍA

O alumnado de Proxecto Competencial (2º ESO) encargouse de facer un recitado poético da obra de Rosalía.

TAREFA CREATIVA

Mentres que os alumnos e alumnas escoitaban de fondo a versión musicada de Guadi Galego do poema "Tecín soia a miña tea", foron tecendo os versos de dito poema e saíron auténticas creacións:

TALLER DE POSTAIS

Os rapaces e rapazas escolleron un poema de Rosalía e, acompañado dunha ilustración, escribírino nunha postal que logo enviaron por correo a quen eles quixeron. Aquí tedes algún exemplo: