blogue demartamosquera

O pasado venres 23 de febreiro o noso alumno de 2º de Bacharelato Juan González Seijas participou na fase presencial da Olimpiada de Bioloxía, que tivo lugar na Facultade de Bioloxía da Universidade de Vigo, tras ter superado a fase previa online.

Durante a xornada, ademáis de realizar un exame teórico e diversas actividades prácticas, asistiu a unha conferencia sobre o Anisakis impartida polo profesor da Facultade o Dr Raúl Iglesias Blanco.

Parabéns pola superación da fase previa e polo bo aproveitamento da xornada!

O pasado venres 12 de Xaneiro os alumnos do centro Marcos Ínsua e Laura Ramos participaron na fase galega da Olimpiada de Bioloxía, que tivo lugar na Facultade de Bioloxía da Universidade de Vigo. Ao longo desta xornada realizaron distintas probas, tanto escritas como prácticas, e tiveron ocasión de compartir experiencias con alumnos de toda Galicia.

Ao longo deste curso 2015-16 o alumnado do IES David Buján realizou unha campaña de recollida de móbiles para colaborar co traballo do Instituto Jane Goodall no Centro de Rehabilitación de Tchimpounga, no Congo. Como resultado, vimos de recibir o certificado de "chimpamig@s de Kudia, unha chimpancé rescatada e reinitroducida na Reserva Natural de Tchimpounga. Teremos novas dos seus progresos no próximo ano.

O pasado día 15 de xaneiro as alumnas de 2º de Bacharelato: Arina Coretchi, Alicia González e Tatiana Veiga, participaron na Olimpiada de Bioloxía que se celebrou na Facultade de Ciencias da UDC.