IES Castelao

  As luras

         Despois de deixar aquelas encantadoras illas protexidas polo pavillón francés, as Marquesas, o Nautilus percorreu, do 4 ao 11 de decembro, unhas dúas mil millas. Esta navegación estivo marcada polo encontro cun inmenso cardume de luras, curiosos moluscos moi parecidos á xiba. Os pescadores franceses chámanos encornets e pertencen á clase dos cefalópodos e á familia dos dibranquiados que inclúe a xiba e os argonautas.

                                          Os bacallaus
    O 15 de maio estabamos no extremo meridional do banco de Terranova. Este banco é o produto dos aluvións mariños, un conxunto considerable de detritos orgánicos traídos ben do ecuador, pola corrente do Golfo, ou ben do Polo boreal, pola contracorrente de auga fría que segue a costa americana. Alí, amoreábanse tamén as rochas erráticas carrexadas polo desxeo.
    Entre os peixes aos que o Nautilus asustou ao seu paso, citarei a especie do bacallau, que sorprendín nas súas augas predilectas, naquel inesgotable banco de Terranova.   

     O alumnado de 4ºESO participou nun obradoiro de cerámica dirixido pola ceramista Belén Soto para a realización do nome do instituto a partir dun deseño de Claudia Rodríguez de 4ºESO. 

Álbum: Curso 2017/2018 -> Obradoiro de cerámica

     O pasado 24 de maio alumnado de 3º da ESO acudiu ao porto de Panxón para facer un "bautismo de Kayak" de man da empresa Ayuko Aventura. Tras unha breve explicación de como palear, saíron pola costa ata chegar a unha cala de Monfero e á volta visitaron unhas bateas.

Álbum: Curso 2017/2018 -> Bautismo de Kayak

     O xoves 24 de maio, o alumnado de 4º da ESO fixemos un roteiro literario pola vila de Cans guiados polo escritor Carlos Meixide, autor da novela homónima. Deste xeito, coñecemos os diferentes lugares que percorren os personaxes. A seguir, asistimos a unha palestra sobre subtitulaxe e linguas minorizadas no ghalpón de Alicia. Todo moi interesante.

Álbum: Curso 2017/2018 -> Roteiro pola vila de Cans

Mar adiante  é unha das obras esenciais da literatura infantil galega. Foi escrita por María Victoria Moreno, homenaxeada este ano nas Letras Galegas, en 1971. Para entender a importancia que ten esta obra na traxectoria da autora e mais na literarura galega hai que remontarse  aos anos 60, especialmente aos anos 1965, 1966 e 1967. Nestes anos a futura escritora chega para dar clases a Lugo. No seminario de Lingua Castelá coñece a Xesús Alonso Montero e a súa familia, e comeza a namorarse da lingua galega (pouco a pouco vai adquirindo coñecementos sobre esta lingua, e aumentando o seu vocabulario galego).

O gañador do 1º premio na modalidade de narrativa foi Samuel Fernández Torre de 4º ESO C.

Álbum: Curso 2017/2018 -> Premio Letras Galegas 2018

O pasado 21 de maio os alumnos de 2º da ESO do IES Castelao e do IES Carlos Casares fomos de excursión ao poboado mineiro de Fontao, onde se desenvolve a historia do  libro Nº atómico 74. Acompañáronnos as nosas profesoras  e a autora da obra, Raquel Castro.

Alí ensináronnos a historia das minas de wolframio do poboado, para que se utilizaba, tanto nos séculos pasados como na actualidade, así como os distintos propietarios que tiveron ao longo do tempo: alemáns, franceses…  A autora explicounos en que se baseou para escribir o libro e aclarounos as dúbidas.

Tras visitar o poboado, fomos xantar a un parque a Vila de Cruces, onde nos divertimos moito ata a hora de marchar.

                                                                                      Lucía Pereira 2º ESO C

Álbum: Curso 2017/2018 -> Excursión a Fontao

Entre as diversas actividades programadas no noso centro para celebrar o Día das Letras Galegas, o  alumnado  de 1º e 2º da ESO, dirixidos polas súas profesoras Esther, Isabel e Lorena, adicoulle unha pequena homenaxe a Mª Victoria Moreno  con lecturas, bailes e vídeo-poemas elaborados por eles mesmos. A actuación tivo lugar o 16 de maio no salón de actos.

Pica na imaxe para ver as fotos do acto.

Álbum: Curso 2017/2018 -> Homenaxe a María Victoria Moreno

“Unha historia de amor”. Con este título o profesor Serafín Marcos presentounos un  espectáculo no que afondou  na figura de Mª Victoria Moreno. Serafín Marcos foi contando ao noso alumnado de 1º de bacharelato e 3º e 4º da ESO, a través de divertidas escenas, aspectos da vida e obra da autora homenaxeada este ano no Día das Letras Galegas. A actuación desenvolveuse  no salón  de actos do centro o 16 de maio.

Preme na imaxe para ver o ben que o pasaron no espectáculo.

Álbum: Curso 2017/2018 -> Serafín Marcos. Unha historia de amor