ESTE É O CALENDARIO no que se recollen as datas preferentes de matrícula para o vindeiro curso 24-25, período que abrangue desde o 25 de xuño (o 24 é festivo local en Becerreá) ata o luns 8 de xullo (incluídos). Prégase que se respecten estas datas preferentes para facilitar a tarefa de xestión das matrículas o dos servizos complementarios (transporte e comedor). A documentación necesaria para a matrícula será entregada previamente ao alumnado, pero, se fora necesario por calquera razón, tamén dispoñen dela na "secretaría virtual" da nosa páxina web.

Por segunda vez nestes encontros deportivos e de convivencia no que participa alumnado da ESO da Montaña Lucense, e que se desenvolven ao abeiro do programa "Xogade", tivo lugar este torneo de baloncesto 3x3 no polideportivo municipal de Becerreá. Coma sempre, participaron  alumnas e alumnos dos centros de San Román, Courel, Navia, Pedrafita e Becerreá (de 4º  da ESO no noso caso). Igual que na edición pasada, e co obxectivo de aumentar a orientación convivencial e lúdica desta actividade, mesturouse alumnado dos distintos centros en todos os equipos, tanto na categoría feminina como masculina. AQUÍquedan as imaxes que reflicten o ambiente do encontro. Vémonos no seguinte!

AQUÍ tes a información sobre o evento, e AQUÍ algunhas das imaxes da xornada.

49 alumnas e alumnos que participaron este curso nos distintos clubs de lectura do centro asistiron a unha viaxe organizada desde a biblioteca escolar. Unha viaxe en barco pola Ría de Ribadeo e a visita á Praia das Catedrais (con algún inesperado chapuzón incluído), e a outras da costa lucense, conformaron os actos centrais desta excursión para este grupo de lectoras e lectores dos distintos grupos da ESO. PREME AQUÍ se queres ver algunhas imaxes da viaxe.

Cun mes de maio repleto de actividades complementarias para o noso alumnado, aquí che deixamos imaxes destas catro actividades desenvoltas nestas semanas.

AQUÍ están as fotos sobre a exposición e charla que explicaba a creación do cómic titulado O PASO DO NOROESTE, debuxado polo ilustrador viveirense Primitivo Marcos, e que se complementaba cunha segunda charla que levaba por título "Contar debuxando (banda deseñada, ilustración e Castelao)".

IMAXES do Quiz sobre a vila de Becerreá. Alumnado da ESO e Bacharelato puxo a proba o seu coñecemento sobre a comarca, pero empregando a lingua inglesa, cun formato moi interactivo e participativo: o concurso de preguntas trivial. O mellor foron os goodies, ou premios que recibiron os / as gañadores e participantes neste singular concurso.

Alumnado da materia de Bioloxía de 1º da ESO e de Física e Química de 2º acudiron á localidade berciana para visitar o Pozo Julia, onde recibiron información sobre a actividade mineira e puideron coñecer as instalacións dun pozo. Ademais, visitaron outra vella explotación mineira, a Gran Corta, onde puideron observar e estudar fósiles de plantas duns 300 millóns de anos. AQUÍ podes ver as imaxes máis salientables desta interesante xornada.

AQUÍ podes ver as imaxes da viaxe realizada polo alumnado de Relixión de 1º, 2º e 3º da ESO a Astorga, e AQUÍ as fotos da viaxe á Ribeira Sacra, á que acudiron os alumnos e alumnas de 4º da ESO e 1º de Bac.

AQUÍ podes coñecer, desde a conta de Instagram da biblioteca, o resultado e gañadores/as desta novidosa actividade no noso centro, organizada desde a biblioteca escolar.

O martes 2 de abril este grupo de alumnas e alumnos do noso centro iniciaron a súa viaxe de estudos con destino a Andalucía, pernoctando en Salamanca na primeira xornada, desde onde continuarán ata Sevilla, centro da súa estancia nesa comunidade e desde a que visitarán Córdoba e Granada. Á volta, farán parada en Segovia para despois continuar viaxe ata Becerreá, a onde chegarán o luns 8 pola tarde. Están acompañados polos seus profesores Daniel e Alexandro, así como por Javo, o representante da axencia de viaxes encargada da organización da excursión. A todas e todos lles desexamos a mellor das experiencias e que esta sexa, co tempo, un inesquecible recordo. AQUÍ podes ver algunhas imaxes do grupo.

O alumnado de Latín e Grego do IES de Becerreá asistiu á XXIII edición do Festival de Teatro Grecolatino celebrado no auditorio Gustavo Freire en Lugo. Tiveron a oportunidade de ver a famosa traxedia 'Medea' da man da compañía teatral Noite Bohemia e de compartir a experiencia en compañía doutros centros de Galicia. Outra mostra máis de que a cultura clásica está presente no noso día a día!